كتبت: منى عوض

عملية اختيار أثاث المنزل عملية رغم إنها بسيطة لكنها مش سهلة على الإطلاق، بس فيه لمسات بسيطة بتفرق جدًا في الديكور وبتزود من المظهر الجمالي وبيكون ليها أهمية خاصة، ودي اللي بتساعد على زيادة أناقة وجمال المكان، ده غير إن أي قطعة ديكور او أثاث جديدة ومهمًا كانت صغيرة فهي بتدي روح جديدة للمكان.

ولأننا يهمنا دايمًا راحتكم، حبينا في ياقوطة أننا نساعدكم في مقال النهاردة من خلال توضيح أهم قطع الأثاث البسيطة اللي ممكن تختارها أو تحتاجها في بيتك، ولو عجبك أي قطعة من اللي هنستعرضهم وحبيت تشتريها تقدر تختارها وتطلبها من خلالنا وهتوصلك في أسرع وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

كنبة سرير من Art Home

الكنبة دي بتضيف لمسة جمالية مودرن على غرفة المعيشة، ومش بس شكلها حلو لأ كمان عملية لأنك ممكن تقلبها سرير بمنتهى السهولة وتريح عليها وأنت بتتفرج على التليفزيون مثلاً أو هتبقى عملية لو جالك ضيوف بشكل مفاجئ ومحتاج سرير عشانهم.

ممكن تشوف كنبة سرير من Art Home من هنا.

بين باج بومبا

البين باج مريح جدًا وهيحسسك بمتعة وأنت قاعد بتلعب مع أطفالك أو أنت قاعد بتتفرج على التلفزيون أو بتقرأ في هدوء أو لو قررت تسترخي، وكمان شكله بيكون مختلف ومميز وسهل حمله والتنقل بيه وكمان سهل تنظيفه وإصلاحه لو أتعرض لأي تلف، ده بجانب أنه مصنوع من مواد مقاومة للماء ودي حاجة كويسة جدًا.

ممكن تشوف بين باج بومبا من هنا.

شماعة ملابس زجراج سحرية

الشماعة دي عملية جدًا وبتوفر في المساحة بشكل كبير وهتريحك من كركبة الهدوم وانتشارها في كل مكان أو من أن الدولاب مش مكفيها لأنها واخدة شكل زجزاج وهتخليك تعلق عليها أكتر من حاجة ومش هتاخد مساحة خالص في الدولاب لأنها شماعة واحدة بس بتستحمل ملابس كتير.

ممكن تشوف شماعة ملابس زجراج سحرية من هنا.

جزامة من الماسة 10 أرفف

فكرة وجود الجزامة فكرة عملية وعصرية وبتوفر في المساحة وكمان هتخليك تتخلص من مظاهر الكركبة أو عدم النظام اللي بيبقى موجود من وجود الأحذية في كل مكان في البيت، ده بجانب إنها هتحافظ على نظافة بيتك وهتحسسك براحة نفسية كل ما تشوف الأحذية شكلها منظم وكمان هتقدر توصل لأي حذاء أنت عايزه بكل سهولة.

الجزامة بتيجي بـ 10 أرفف عشان تكفي أي عدد من الأحذية إنت عايز تشيله وكمان تصميمها شكله كويس وبيناسب أي تصميم منزلي في العموم وهتقدر تحط الجزامة في أي مكان في البيت براحتك.

ممكن تشوف جزامة من الماسه 10 أرفف من هنا.

ترابيزة تليفزيون من جينيريك

الترابيزة دي شكلها شيك وعملية عشان تحط عليها التليفزيون وتقدر في الباقي تحط تحف فنية شكلها شيك وممكن تستخدم فازة جنب التلفزيون مثلاً وفيها رف تحت رف التلفزيون ممكن تحط فيه الريسيفر مثلاً، بس في العموم ما تقلقش التربيزة عملية وشكلها حلو وعصري وهتنفع مع أي ديكور منزلي.

ممكن تشوف تربيزة تليفزيون من جينيريك من هنا.

أرفف خشبية من kanaria

الأرفف الخشبية مش مناسبة لتخزين وتحقيق أكبر قدر من الاستفادة من المكان وبس، لأ دي بتضيف لمسة جمالية للبيت كمان، عشان كدا اختارنالكم الأرفف الخشبية من كاناريا المكونة من 6 أرفف ذات شكل وتصميم مميز، وفي العموم هتقدر تستخدم الأرفف دي في الصالة أو غرف النوم وفيه ناس بتحب تستخدمها في الحمامات أيضًا.

ممكن تشوف أرفف خشبية من kanaria من هنا.

أباجورة الملح الصخري من جينيريك

الإضاءة عمومًا بتلعب دور مهم وحيوي في تصميم أي منزل، عشان كده ممكن تلجأ لاستخدام الأباجورات المختلفة فهي بتدي شكل لطيف للمكان وكمان إضائتها بتكون كويسة جدًا وبتحسن من المظهر الجمالي للمكان.

ممكن تشوف أباجورة الملح الصخري من جينيريك من هنا.

كرسي مرجيحة رتان

الكرسي ده مميز وفكرته انتشرت في الفترة الأخيرة وناس كتير حبيته لأنه شكله شيك وهزاز وبيساعد على الاسترخاء، وكمان ممكن تستخدمه في الصالة أو في الرووف أو البلكونات وممكن في جنينة المنزل وتقعد في الهواء الطلق هيبقى حلو قوي.

ممكن تشوف كرسي مرجيحة رتان من هنا.

كراسى بلاستيك من راتان

الكراسي البلاستيك عمومًا هتكون مفيدة لو حبيت تقعد مع أسرتك في البلكونة أو في جنينة البيت مثلاً، أو لو جالك ضيوف عددهم كبير واحتاجت كراسي إضافية فالكراسي دي هتلحقك في وقت الزنقة، وكمان هي سهلة جدًا في حملها والتنقل بيها.

ممكن تشوف كراسى بلاستيك من راتان من هنا.

تابلوه مودرن

التابلوهات بتضيف لمسة مختلفة ومميزة على ديكور البيت خصوصًا لو كانت ألوانها جذابة وطبيعية، اختاروا التابلوه المناسب ليكم واللي شد انتباهكم واللي حاسين إنه هيمشي بشكل أكبر مع ديكور البيت.

وفي العموم التابلوهات تقدر تستخدمها في غرفة الاستقبال أو غرف النوم وفيه تابلوهات بتنفع كمان للمطبخ أو الحمام.

ممكن تشوف تابلوه مودرن من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

منى عوض، كاتبة بقالي أكتر من سنتين، بكتب عادة عن التكنولوجيا اللي بقت جزء لا يتجزأ من حياتنا اليومية، وبحب دايمًا أني أقرأ وأدور كويس جدًا عن كل حاجة قبل ما أكتب عنها عشان أكون متأكدة من كل معلومة بكتبها ولو حسيت أن المعلومات اللي لاقيتها على الإنترنت مش كافية ببدأ أنزل وأسأل سواء أشخاص جربوا الحاجة دي أو في الأماكن اللي بتكون متخصصة في بيع الحاجة اللي بكتب عنها.