أفضل عروض عيد ميلاد كارفور مع ياقوطة
كتب: خالد عاصم
في كل سنة فيه احداث مهمة جدا لعشاق التسوق، زي البلاك فرايداي مثلًا واللي بيشمل كل المحلات والمتاجر، بس كمان فيه مناسبة تانية مهمة جدًا لعشاق التسوق بتخص مجموعة متاجر بعينها، والمناسبة دي هي عيد ميلاد كارفور اللي بيعتبر أكبر هايبر ماركت في مصر والتابع للمجموعة العالمية اللي فروعها منتشرة في كل أنحاء العالم.
بتمتد عروض عيد ميلاد كارفور لحد أول شهر فبراير وتقدر ستمتع بالعروض دي أونلاين من غير ما تتحرك من بيتك وفي المقال ده هنتعرف على أبرز عروض عيد ميلاد كارفور المتوفرة على ياقوطة.
ولو أي منتج عجبكم هتقدروا تطلبوه من خلالنا في ياقوطة وهتوصلكم لحد باب البيت وكمان تقدروا تشتروا المنتجات دي بالتقسيط من خلال شهري أول وأسهل تطبيق للتقسيط في مصر واللي مش بيحتاج منك غير صورة البطاقة وصورة إيصال مرافق وبس، ومن غير زيارة ولا ضامن واستمتع كمان بتوصيل مجاني لكل مشترياتك من خلاله.
*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.
أبرز عروض عيد ميلاد كارفور المتوفرة على ياقوطة
بوتاجاز ايطاليانو ٥ شعلة من فريش
بوتاجاز ايطاليانو من فريش واحد من أبرز البوتاجازات في الفئة السعرية دي والبوتاجاز بمقاس ٥٥ سم × ٨٠ سم يعني مش بياخد مساحة كبيرة وفي نفس الوقت بيوفر ٥ شعلات ده غير الفرن الكبير وخاصية الإشعال الذاتي والتايمر والبوتاجاز معمول من الستانليس ستيل وبيتمتع بمجموعة من عوامل الأمان الممتازة.
اتعرف على عروض أسعار بوتاجاز ايطاليانو ٥ شعلة من فريش من هنا.
تليفزيون G-Hanz قطر ٤٠ بوصة جودة FHD
من أبرز عروض عيد ميلاد كارفور تليفزيون G-Hanz اللي بيقدم ميزة صعب أوي نلاقيها في الفئة السعرية دي وهي إنه بقطر ٤٠ بوصة وكمان FHD ومش من السهل نلاقي تليفزيونات FHD في الفئة دي، التليفزيون بيتمتع بجودة صورة وصوت كويسين جدًا وفيه منفذين HDMI لتوصيل أي جهاز خارجي ده غير منافذ USB كمان.
اتعرف على عروض أسعار تليفزيون G-Hanz قطر ٤٠ بوصة من هنا.
فرن كهربائي بالشواية سعة ٥٠ لتر من تاتش
من بين العروض الممتازة كمان العرض اللي عليه الفرن الكهربائي من تاتش واللي بيتميز بإن فيه شواية وسعته كبيرة ٥٠ لتر وبقوة ٢٠٠٠ وات، الفرن تصميمه جذاب وعملي جدًا وهيضيف لمسة مهمة لمطبخك.
اتعرف على عروض أسعار فرن كهربائي بالشواية ٥٠ لتر من تاتش من هنا.
سخان ماء كهربائي جونيور ٤٥ لتر من اوليمبك
سخان مياه كهربائي صغير مناسب جدًا للمطابخ أو للحمامات الصغيرة لأن سعته مش كبيرة أوي ٤٥ لتر بس، بس في نفس الوقت بيتمتع بمميزات مهمة وأولها سعره الاقتصادي وكمان إنه بيتمتع بمعدلات أمان ممتازة وبصناعة من مواد قوية ومتينة وآمنة ومضادة للصدأ.
اتعرف على عروض أسعار سخان جونيور الكهربائي ٤٥ لتر من اوليمبك من هنا.
الفرن الكهربائي فرست وان سعة ٤٥ لتر
عرض ممتاز بسعر أكتر من ممتاز بيخليك تقدر تحصل على فرن كهربائي من فرست وان بيتميز بسعة ٤٥ لتر وبشواية قوية وبيتمتع كمان بتايمر دقيق وبمجموعة مختلفة من البرامج يعني هتقدر تخلص أكبر قدر ممكن من الوجبات في وقت قياسي لو استعنت بالفرن ده كإضافة لمطبخك.
اتعرف على عروض أسعار الفرن الكهربائي فرست وان ٤٥ لتر من هنا.
غلاية مياه سعة ١٫٨ لتر من فرست وان
عرض ممتاز بسعر ممتاز لأنه صعب جدًا تلاقي غلاية مياه قوية وتعيش بالسعر ده، الغلاية من فرست وان معمولة من الزجاج اللي بيضمن نقاء الماء لمرات عديدة جدًا من التشغيل وكمان سعة الغلاية كبيرة ١٫٨ لتر ده غير إنها بطاقة ٢٢٠٠ لتر.
اتعرف على عروض أسعار غلاية المياه سعة ١٫٨ لتر من فرست وان من هنا.
موبايل Samsung Galaxy A01
من أبرز عروض عيد ميلاد كارفور العرض على الموبايل الاقتصادي Samsung Galaxy A01 اللي بيديلك تجربة كاملة لاندرويد بسعر اقتصادي جدًا، الموبايل بيجيي بشاشة بقطر ٥٫٧ بوصة وبيعتمد على رامات سعة ٢ جيجابايت رام بذاكرة داخلية سعتها ١٦ جيجابايت وبيعتمد على كاميرا خلفية مزدوجة بدقة ١٣ ميجا بيكسل و٢ ميجا بيكسل والكاميرا الأمامية ٥ ميجا بيكسل وببطارية سعتها ٣٠٠٠ ميللي أمبير في الساعة.
اتعرف على عروض أسعار موبايل Samsung Galaxy A01 من هنا.
غسالة سامسونج تحميل أمامي ٩ كيلو جرام
واحدة من أبرز غسالات الملابس اللي بتقدمها شركة سامسونج اللي ليها تاريخ كبير ومتميز في عالم تطوير وصناعة الأجهزة لمنزلية، الغسالة تحميل أمامي بحمل ٩ كيلو جرام بسرعة ١٤٠٠ لفة ومتعددة البرامج المختلفة اللي بتقدر تتيح فرصة غسيل مختلف أنواع المنسوجات ببرامج آمنة على الملابس، الغسالة إمكانياتها متميزة وبتصميم جذاب وبلون هيضيف لمسة شيك جدًا.
اتعرف على عروض أسعار غسالة سامسونج التحميل الأمامي ٩ كيلو من هنا.
ثلاجة فريش نوفروست ٣٢١ لتر
اما لما نيجي للتلاجات فهنلاقي إن من بين عروض عيد ميلاد كارفور الممتازة عرض تلاج فريش النوفروست البابين سعة ٣٢١ لتر، بتوفر التلاجة سعة كبيرة وتنظيم داخلي ممتاز وأرفف مخصصة للخضروات أو للحفاظ على الأكل فريش من غير تجميد وكمان فيها فلاتر للروايح وبتتميز بتصميم جذاب وبسيط جدًا وبما إنها نوفروست فمفيش أي مشكلة من التلج.
اتعرف على عروض أسعار تلاجة فريش نوفروست سعة ٣٢١ لتر من هنا.
تليفزيون سامسونج سمارت ٥٨ بوصة
واحد من أبرز تليفزيونات سامسونج اللي عليه عرض مايتفوتش، التليفزيون بقطر ٥٨ بوصة يعني مساحة رؤية ممتازة ومناسبة جدًا للغرف الكبيرة ولعشاق الفرجة على الأفلام، التلفزيون سمارت ومعاه ريموت سمارت أما جودته فعالية جدًا لأنها Ultra HD 4K والتليفزيون بيتمتع بنظام صوت متميز وبإمكانيات مختلفة أكتر من ممتازة.
اتعرف على عروض أسعار تليفزيون سامسونج سمارت ٥٨ بوصة من هنا.
اتعرف على عروض أسعار مختلف منتجات كارفور المتوفرة على ياقوطة من هنا.
*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.
عن كاتب المقال
خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.