كتب: خالد عاصم

مهمًا كانت الكاميرا الاحترافية اللي بتمتلكها قوية، مستحيل تقدر تستغل كامل طاقتها وإمكانياتها وقدراتها من غير ما تستخدم عدسة قوية بتزود إمكانيات الكاميرا مش بتقلل منها وتحددها. عدسات الكاميرات مش بس بتختلف من حيث جودتها، بالعكس دي أقل العناصر اللي بتفرق بين عدسة والتانية، الفارق الرئيسي بين عدسات الكاميرات هو في استخدامك للعدسة، وده بيتحدد من الإجابة على سؤال واضح، انت عايز تستخدم العدسة دي في إيه؟

إجابة السؤال ده هي أول وأهم العناصر اللي بتستند عليها في تحديد اختيارك من بين عدسات الكاميرات المختلفة. فمثلًا لو عايز تصور صورة من بعيد مع التقريب للتفاصيل فلازم تستخدم عدسة مقربة ببعد بؤري متغير يعني ينفع تقرب من أي مشهد معين من غير ما تتحرك من مكانك، أما لو عايز تصور حاجة من قريب جدًا وفي نفس الوقت تقدر تلقط كل تفاصيلها فلازم تستخدم عدسة ماكرو، كمان بتختلف عدسات الكاميرا لو عايز تصور أشخاص أو عايز تصور المناظر الطبيعية ودي الحالة اللي بتحتاج فيها العدسات العريضة والعريضة جدًا، وهكذا بيختلف اختيارك للعدسة المناسبة مع اختلاف حاجتك واختلاف رغبتك وتحديدك زي ما قلنا للغرض اللي عايز تستخدم العدسة فيه.

ومن بين كل عدسات الكاميرات المنتشرة في السوق اخترنا مجموعة متميزة من أبرز العدسات الموجودة على ياقوطة وهنتعرف مع بعض على مواصفاتها واستخداماتها وكمان سعرها. وماتنسوش لو عجبتكم أي عدسة من العدسات اللي موجودة في المقال، تقدروا تطلبوها من خلالنا في ياقوطة وهتوصلكم لحد البيت أو مكان ما تحبوا في أسرع وقت ممكن.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

عدسة DX Zoom-NIKKOR 55-200mm f/4-5.6G ED

المواصفات

• أبعاد العدسة: ٧٣.٦ × ٩٩٫٥ مم.
• وزن العدسة: ٣٣٥ جرام.
• توافق العدسة: Nikon دكس.
• منفذ العدسات المتوافق مع العدسة: Nikon F
• زوايا الرؤية: من ٨ درجات لحد ٢٨ درجة.
• أقل مسافة لتركيز العدسة: ١٫١ متر.
• البعد البؤري للعدسة: من ٥٥ لحد ٢٠٠ مم.
• عدد عناصر العدسة: ١٥ عنصر.
• عدد المجموعات اللي متقسمه عليها عناصر العدسة: ١١ مجموعة.
• مثبت الصورة البصري: مدعوم.
• التركيز التلقائي: مدعوم.
• معدل تقريب العدسة: 0.23X
• عدد الشفرات الخاصة بتأثير بوكيه: ٧ شفرات.
• دعم الترايبود: مش مدعوم.

عن العدسة

بتعتبر العدسة دي من أكتر العدسات المدمجة في الحجم واللي بتقدر تقدم معدل تقريب متميز جدًا للمستخدم المبتدئ لحد المتوسط وكمان في بعض أوضاع التصوير اللي بيحتاجها المصور المحترف. وبتعتبر العدسة دي من عدسات الكاميرات الملائمة لتصوير البورتريه يعني الصور الشخصية بتأثير بوكيه، وكمان تصوير الأحداث الرياضية والحياة البرية. بتشتغل العدسة دي على كاميرات نيكون اللي بتعتمد على منفذ عدسات Nikon F وبتقدم بعد بؤري موازي لمعدل من ٨٢٫٥ لحد ٣٠٠ مم اللي بتوفره كاميرات ٣٥ مم. والعدسة مفيهاش حلقة للتحكم في فتحتها وبكده بيكون استخدامها أسهل على الرغم من إن ده بيقلل من بعض الإمكانيات بس بيخليها أسهل في الاستخدام بشكل عام.

شوف عدسة DX Zoom-NIKKOR 55-200mm f/4-5.6G ED من هنا.

عدسة NIKKOR 70-200mm f/2.8G ED VR II

المواصفات

• أبعاد العدسة: ٨.٦٤ × ٢٠٫٥٧ سم.
• وزن العدسة: ١٫٥٤ كيلو جرام.
• توافق العدسة: Nikon FX.
• منفذ العدسات المتوافق مع العدسة: Nikon F.
• زوايا الرؤية: من ١٢٫٢٠ درجة لحد ٣٤٫٢٠ درجة.
• أقل مسافة لتركيز العدسة: ١٫٤٠ متر.
• البعد البؤري للعدسة: من ٧٠ لحد ٢٠٠ مم.
• عدد عناصر العدسة: ٢١ عنصر.
• عدد المجموعات اللي متقسمه عليها عناصر العدسة: ١٦ مجموعة.
• مثبت الصورة البصري: مدعوم.
• التركيز التلقائي: مدعوم.
• معدل تقريب العدسة: 0.12X.
• عدد الشفرات الخاصة بتأثير بوكيه: ٩ شفرات.
• دعم الترايبود: مدعوم وقابل للاستدارة.

عن العدسة

بتتميز العدسة دي بإمكانيات كبيرة جدًا من بينها الشاتر السريع جدًا اللي بيخليها تقدر تلقط اللحظة اللي إنت عايزها في نفس وقت حدوثها وكمان بيساعد على استخدامها في الفعاليات الرياضية اللي فيها سرعة زي كرة القدم والجري مثلاً. وبفضل مكونات العدسة الداخلية بتعد من بين أفضل العدسات في الإضاءة الضعيفة وكمان العدسة فيها نظام تثبيت بصري متطور ونظام تركيز تلقائي سريع وعشان وزنها كبير شوية فممكن تتسند على الترايبود عن طريق المسند المدمج فيها. العدسة كمان مناسبة لتصوير البورتريه والحياة البرية وماتنسوش إنها عدسة تقريبية متميزة.

شوف عدسة NIKKOR 70-200mm f/2.8G ED VR II من هنا.

عدسة Canon EF-S 55-250mm f/4-5.6 IS STM

المواصفات

• أبعاد العدسة: ٧٠ × ١١١٫٢ مم.
• وزن العدسة: ٣٧٥ جرام.
• توافق العدسة: Canon APS-C.
• منفذ العدسات المتوافق مع العدسة: Canon EF-S.
• زوايا الرؤية: من ٦٫١٥ درجة لحد ٢٧٫٥٠ درجة.
• أقل مسافة لتركيز العدسة: ٨٥ سم.
• البعد البؤري للعدسة: من ٥٥ لحد ٢٥٠ مم.
• عدد عناصر العدسة: ١٥ عنصر.
• عدد المجموعات اللي متقسمه عليها عناصر العدسة: ١٢ مجموعة.
• مثبت الصورة البصري: مدعوم.
• التركيز التلقائي: مدعوم.
• معدل تقريب العدسة: 0.29X.
• عدد الشفرات الخاصة بتأثير بوكيه: ٧ شفرات.
• دعم الترايبود: مش مدعوم.

عن العدسة

بتتميز العدسة دي بأنها بتقدم بعد بؤري من ٨٨ لحد ٤٠٠ مم بالترادف مع معايير ٣٥ مم وده بيخليها صالحة للتصوير من أول صور البورتريه لحد الصور البعيدة اللي بتحتاج عدسة تقريبية متميزة. العدسة كمان بتمتاز بنظام تثبيت صورة بيخلي استخدامها بتحميلها على الإيد سهل وبيمكن المصور من أنه ياخد صور ثابته وهو بيصور في الإضاءة المنخفضة بإيده.

شوف عدسة Canon EF-S 55-250mm f/4-5.6 IS STM من هنا.

عدسة Sigma 30mm f/1.4 DC HSM Art

المواصفات

• أبعاد العدسة: ٧٤ × ٦٣ مم.
• وزن العدسة: ٤٣٥ جرام.
• توافق العدسة: Canon APS-C.
• منفذ العدسات المتوافق مع العدسة: Canon EF-S.
• أقل مسافة لتركيز العدسة: ٢٩٫٩٧ سم.
• البعد البؤري للعدسة: ٣٠ مم.
• عدد عناصر العدسة: ٩ عنصر.
• عدد المجموعات اللي متقسمه عليها عناصر العدسة: ٨ مجموعة.
• مثبت الصورة البصري: مش مدعوم.
• التركيز التلقائي: مدعوم.
• معدل تقريب العدسة: 0.15X.
• عدد الشفرات الخاصة بتأثير بوكيه: ٩ شفرات.
• دعم الترايبود: مش مدعوم.

عن العدسة

بتختلف العدسة دي عن عدسات الكاميرات التانية في المقال ده إنها على عكسهم بتثبت البعد البؤري وبتسمح باختلاف فتحة المستشعر واللي بتتراوح بين f/1.4 لحد f/16 وده بيديها إمكانيات مختلفة في التصوير وبيخليها تسمح بأوضاع تصوير مختلفة يعني ممكن من خلالها تصور السماء بالليل وتوصل لصور ممتازة بس بعًا هتحتاج ترايبود وكمان تقدر من خلالها تصور صور داخلية بتفاصيل ممتازة. الكاميرا فيها كمان موتور تركيز تلقائي متطور جدًا وبيتميز بالسرعة والسلاسة في الاستخدام.

شوف عدسة Sigma 30mm f/1.4 DC HSM Art من هنا.

عدسة Sigma 18-300mm f/3.5-6.3 DC MACRO OS HSM Contemporary Lens

المواصفات

• أبعاد العدسة: ٧٩ × ١٠١٫٥ مم.
• وزن العدسة: ٥٨٤ جرام.
• توافق العدسة: APS-C.
• منفذ العدسات المتوافق مع العدسة: Nikon F.
• زوايا رؤية العدسة: من ٥٫٤ درجة لحد ٧٦٫٥ درجة.
• أقل مسافة لتركيز العدسة: ٣٨٫٨٦ سم.
• البعد البؤري للعدسة: ١٨ مم لحد ٣٠٠ مم.
• عدد عناصر العدسة: ١٧ عنصر.
• عدد المجموعات اللي متقسمه عليها عناصر العدسة: ١٣ مجموعة.
• مثبت الصورة البصري: مدعوم.
• التركيز التلقائي: مدعوم.
• عدد الشفرات الخاصة بتأثير بوكيه: ٧ شفرات دورانية.
• دعم الترايبود: مش مدعوم.

عن العدسة

واحدة من أكتر عدسات الكاميرات الخاصة بكاميرات نيكون تميزًا. الكاميرا بتمتاز بمعدل فتحة للعدسة بين f/3.5 لحد f/6.3 وكما بعدها البؤري بيتراوح بين ١٨ مم لحد ٣٠٠ مم وده بيوافق من ٢٧ مم لحد ٤٥٠ مم بالترادف مع معايير ٣٥ مم. العدسة كمان بتمتاز بنظام تركيز تلقائي ممتاز جدًا من حيث السرعة والهدوء وده بيخليها مناسبة جدًا لتصوير الفيديو زي تصوير الفوتوغرافية.

شوف عدسة Sigma 18-300mm f/3.5-6.3 DC MACRO OS HSM Contemporary Lens من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.