خلي بيتك سمارت مع أبرز أجهزة البيت العصري من ياقوطة
كتب: خالد عاصم
حياتنا مابقتش زي زمان، دلوقتي كل حاجة حوالينا بقت أعلى من حيث التكنولوجيا والاتصال بالإنترنت، الحياة حقيقي بقت أذكى من زمان بكتير في كل الأجهزة المحيطة بينا، كفاية الهاتف الذكي، الجهاز العبقري اللي في جيبك اللي بيفتحلك نافذة كبيرة جدًا على كل العالم، والذكاء ده مبقاش في الموبايل وجيبك بس، دلوقتي بقى عندنا تليفزيون سمارت وعندنا تلاجة ممكن تتوصل بالإنترنت وغيرهم من الأجهزة.
بس البيت العصري أو الذكي أو السمارت هوم مش بيكتمل بس من خلال الأجهزة الكبيرة زي التليفزيون والكمبيوتر والنوع ده من الأجهزة، لإن في أجهزة ممكن تكون صغيرة جدًا ومش غالية وهي دي اللي بتحدد إذا كان ده البيت العصري اللي انت فعلًا نفسك فيه ولا لأ. وأجهزة البيت العصري ده بتتنوع ما بين أجهزة ومعدات خاصة بالأمان وأجهزة ذكية بتخليك تتحكم في بيتك من خلال موبايلك وانت بره، وبتوصل حتى لحد موزع الصابون الذكي اللاتلامسي، وكل ده وأكتر هنتعرف عليه في المقال ده بالتفصيل.
ولو أي جهاز من الأجهزة اللي هنتكلم عنها عجبكم هتقدروا تطلبوه من خلالنا في ياقوطة وهيوصلكم لحد باب البيت وكمان تقدروا تشتروا المنتجات دي بالتقسيط من خلال شهري أول وأسهل تطبيق للتقسيط في مصر واللي مش بيحتاج منك غير صورة البطاقة وبس، ومن غير زيارة ولا ضامن واستمتع كمان بتوصيل مجاني لكل مشترياتك من خلاله.
*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.
أبرز أجهزة المنزل العصري
أجهزة وأدوات تأمين البيت
تأمين بيتك مابقاش زي زمان بيعتمد على أفراد أو عليك انت شخصيًا، لا دلوقتي ممكن تأمن بيتك بذكاء من خلال مجموعة مختلفة من الأجهزة الذكية اللي بتبدأ بالكاميرات ولحد مستشعرات الحركة ومستشعرات كسر الزجاج وغيرها من الأجهزة اللي هنتعرف عليها دلوقتي.
كاميرات المراقبة
كاميرا المراقبة اللاسلكية Xiaomi Mi Security
بتقدم شاومي كاميرا المراقبة اللاسلكية Xiaomi Mi Security اللي بتقدم جودة Full HD 1080p بزاوية رؤية ١٣٠ درجة وبتتميز بنطاق أشعة تحت الحمراء لحد ١٠ متر لدعم الرؤية الليلية وإمكانية تحديد الحركة الذكية وكمان فيها واي فاي ثنائي الترددات وبتدعم التواصل الصوتي من الاتجاهين.
وبتقدر الكاميرا تصور الفيديو بجودة 1080p بمعدل ٢٠ إطار في الثانية، وبفضل تقنية واي فاي بتقدر تشوف المعروض على الكاميرا من خلال تليفونك.
اتعرف على عروض أسعار كاميرا المراقبة اللاسلكية Xiaomi Mi Security من هنا.
كاميرا المراقبة اللاسلكية Ezviz C3A
من كاميرات المراقبة الصغير المدمجة التصميم واللي بتتمتع بإمكانيات ممتازة، الكاميرا بتعتمد على مستشعر بقطر ١/٤ بوصة بدقة ٢ ميجا بيكسل ببعد بؤري ١٢٦ درجة وبتدعم الرؤية الليلية لحد ٧٫٥ متر، وبتدعم الكاميرا تصوير الفيديو بجودة 1080p بمعدل ٢٥ إطار في الثانية و٣٠ إطار في الثانية، وبتتميز كمان بإن فيها ميكروفون مدمج متعدد الإتجاهات وكمان فيها سماعة مدمجة عشان تقدر تتواصل صوتيًا من الناحيتين، أما عن التوصيل فبيعتمد على الواي فاي.
اتعرف على عروض أسعار كاميرا المراقبة اللاسلكية Ezviz C3A من هنا.
كاميرا المراقبة الداخلية Dahua C Series
من كاميرا المراقبة المثالية جدًا للمكاتب أو لحجرة الأطفال، وبتتمتع الكاميرا بمستشعر بدقة ٣ ميجا بكسل بعدسة بالأشعة تحت الحمراء ثابتة التركيز، وبفضل الأشعة تحت الحمراء بتتميز الكاميرا بجودة صوت ممتازة في مختلف ظروف الإضاءة المحيطة وبتقدر توفر جودة وتباين ألوان ممتازة، وبفضل التقنيات الذكية اللي بتتميز بيها فبتقدر تحدد من نفسها نطاق الأشعة تحت الحمراء، وكمان بتتمتع بإمكانية بتخليها تقدر تقلل المساحة اللي بتحتاجها مقاطع الفيديو من خلال تحول العدسة الأوتوماتيكي للتركيز على مناطق الحركة.
اتعرف على عروض أسعار كاميرا المراقبة الداخلية Dahua C Series من هنا.
اتعرف على عروض أسعار أبرز كاميرات المراقبة على ياقوطة من هنا.
المستشعرات المختلفة
حساس كسر الزجاج Glass Breaking Sensor
حساس أو مستشعر كسر الزجاج من عناصر التأمين الأساسية في البيت العصري لإن من خلاله هتقدر تتنبه من خلال صوت تنبيه وإنذار قوي بينطلق بمجرد محاولة أي شخص لكسر أي زجاج في بيتك مربوط بالمستشعر ده.
اتعرف على عروض أسعار أجهزة حساس كسر الزجاج من هنا.
كالون باب ذكي بالبصمة والكارت
من أبرز أجهزة تأمين البيت العصري هو الكالون الذكي اللي تقريبًا صعب اختراقه لأنه بيعتمد على البصمة أو كارت شفرة خاص بيه أو كلمة سر بالإضافة للمفتاح للي مستحيل تقليده، والكالون ممكن لتحكم فيه من خلال الموبايل عشان التحكم في الإعدادات وكمان عشان تعرف مين دخل أو خرج من بيتك.
اتعرف على عروض أسعار كوالين الأبواب الذكية المتوفرة على ياقوطة من هنا.
جهاز استشعار وإنذار تسرب الغاز
جهاز الحماية المثالي لحمايتك من تسرب الغاز، الغاز بيتركب في أي مكان في بيتك فيه أجهزة بتشتغل بالغاز وبيقدر يشتغل في مساحة مفتوحة لحد ١٢٠ متر مربع، وفي حالة تسريب للغاز بيصدر الجهاز صوت انذار عالي لتنبيهك.
اتعرف على عروض أسعار جهاز استشعار إنذار وتسرب الغاز من هنا.
جهاز استشعار وإنذار دخان الحريق
احمي بيتك من دخان الحريق بمجرد حدوث حريق مهما كان صغير وفي مسافة بتوصل لحد ٦٠ متر مربع من خلال الإنذار الكهروضوئي المتميز ده اللي بيقدر يحذرك من خلال إصدار ضوء وصوت لتنبيهك في حالة استشعاره لأي دخان.
اتعرف على عروض أسعار جهاز استشعار وانذار دخان الحريق من هنا.
الإضاءة الذكية
بيت عصري من غير إضاءة ذكية ميبقاش عصري ولا حاجة، عشان كده مهم تزود بيتك بمجموعة من أفضل أجهزة ولمبات الإضاءة الذكية واللي بتتنوع ما بين اللمبات اللي فيها مستشعر للحركة وبتشتغل أوتوماتيك بمجرد مرور أي شخص لحد الأنظمة اللي ممكن التحكم فيها من خلال الموبايل زي النظام ده مثلًا:
مجموعة Philips Hue Play Smart LED Bar
مجموعة الإضاءة الحديثة الذكية المتميزة من Philips Hue واللي بتتكون من اتنين بار إضاءة ذكي بتقدر تقدم اللون الأبيض أو الألوان المحيطية المختلفة، وممكن استخدامها في الإضاءة العادية أو الديكورية وكمان ممكن استخدامها في دعم تأثيرات مشاهدة الأفلام على التليفزيون من خلال وضعها ورا الشاشة عشان تقدم إضاءة خلفية غير مباشرة ممكن التحكم في كل عناصرها من خلال التطبيقات.
شوف عروض أسعار مجموعة Philips Hue Play Smart LED Bar من هنا.
وممكن الأنظمة دي تتشارك مع عدد كبير من اللمبات الذكية المختلفة المتوفرة على ياقوطة.
اتعرف على أسعار مختلف معدات وأدوات الإضاءة الحديثة المتوفرة على ياقوطة من هنا.
السماعات الذكية
بقت تتوفر في مصر دلوقتي مجموعة من السماعات الذكية اللي بتعتمد على أنظمة ذكية زي أمازون أليكسا أو جوجل اسيستانت ومنها السماعات الذكية الرسمية من أمازون وجوجل زي السماعات دي:
سماعة أمازون الذكية Amazon Echo الجيل الرابع
السماعة الذكية الممتازة اللي بتعتمد على المساعد الذكي جوجل أليكسا وممكن من خلالها وعبر الأوامر الصوتية تشغل مزيكا أو تعمل بحث أو تتحكم في بيتك.
اتعرف على عروض أسعار سماعات Amazon Echo الجيل الرابع من هنا.
السماعة الذكية Google Home Mini من جوجل
أصغر وأرخص سماعة ذكية رسمية من جوجل واللي ممكن من خلالها تفتح عالم كبير من الإمكانيات من خلال الأوامر الصوتية وبالاعتماد على مساعد جوجل الذكي.
اتعرف على عروض أسعار سماعة Google Home Mini من هنا.
السماعة الذكية بشاشة Google Home Hub
جهاز الأحلام الذكي اللي ممكن تاخده في أي مكان في بيتك ومن خلاله تقدر تستفيد بكامل إمكانيات مساع جوجل الذكي بالأوامر الصوتية وعرض النتائج المختلفة على الشاشة وكمان تقدر تتحكم في بيتك أو تعمل مكالمات فيديو مع الناس اللي تهمك.
اتعرف على عروض أسعار Google Home Hub من هنا.
روبوتات وأجهزة البيت العصري الصغيرة
جهاز موزع الصابون بالسينسور
موزع الصابون الأوتوماتيكي اللاتلامسي اللي بيعتمد على مستشعرات وسنسور بيخليه ينزل الصابون الرغوي بمجرد ما تحط إيدك تحت الجهاز، وبتميز الجاز بسعة كبيرة ومواد خفيفة، ومتوفر من النوع ده مجموعة متنوعة من الأجهزة على ياقوطة.
اتعرف على عروض أسعار أجهزة توزيع الصابون بالسينسور من هنا.
المكنسة الروبوتية Boostiq Robovac من Eufy
المنتج الأذكي لتنضيف بيتك بالشفط والكنس وفيه موديلات تانية بتقدر تقوم بعملية المسح كمان، المكنسة الروبوت بتتميز بإمكانيات عديدة زي إنها ذاتية الشحن وقوة الشفط فيها عالية وبتميز بصوت هادي جدًا، ده غير إنك ممكن تتحكم فيها بالموبايل لأنها بتتوصل بالواي فاي.
اتعرف على عرض أسعار المكنسة الروبوت Boostiq Robovac من هنا.
اتعرف على عروض أسعار مختلف أنواع المكانس الروبوت من هنا.
*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.
عن كاتب المقال
خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.