14 منتج للإستمتاع بمشاهدة الأفلام

1b3etvguide

كتبت: صفاء مجدي

لو جيت تفتكر الأفلام الجامدة اللي شوفتها في حياتك هتلاقيهم نوعين: النوع الأول هو فيلم جامد بالفعل من حيث القصة والتصوير والممثلين. والنوع التاني أفلام مش قد كده من الناحية السينمائية لكن ظروف المشاهدة كانت مساعدة إن الوقت اللي قضيته وانت بتتفرج على الفيلم يكون وقت حلو وبالتالي ذكراك عن الفيلم إنه فيلم جميل قضيت وقت ظريف وانت بتتفرج عليه. وعشان تخلي أي فيلم بتشوفه فيلم ممتع ينقصك شوية لوازم ضرورية ياقوطة جمعتهالك في السطور الجاية. والأجمل من كده إن كل المنتجات اللي هنا تقدر تشتريها من ياقوطة وتوصلك لحد البيت.

البين باج

bean

البين باج من الحاجات اللي مريحة في ذات نفسها وسواء بتتفرج على فيلم أو مش بتتفرج فهي مريحة قوي. حلاوتها إنها مرنة وبتريحك في كل أوضاع قعدتك. وسواء كنت هتتفرج على فيلم مثير هيقعدك على حافة الكرسي زي ما بيقولوا أو فيلم كوميدي هيوقعك من الضحك فاحرص على وجود بين باج تتأقلم معاك في كل السيناريوهات.  

ادخل هنا شوف البين باج

يبدأ السعر من 125 جنيه مصري.

ليزي بوي

lazy boy

الشيء بالشيء يذكر وطالما اتكلمنا عن البين باج والقعدة الحلوة المريحة يبقى لازم نتكلم عن الليزي بوي وهو كرسي فخم كده يبان لك إنه كرسي أنتريه عادي جداً محترم لكنه في الواقع لما تقعد عليه هتحس براحة كبيرة وهيحتضنك بقوة وصعب تقوم من عليه وممكن كمان تفرد رجليك لأن فيه جزء بيطلع من تحت رجلك فتفرد جسمك وتقعد تتفرج على الفيلم براحتك يا معلم.

ادخل هنا شوف الليزي بوي

يبدأ السعر من 610 جنيه مصري.

ماكينة صنع الفشار

pop

هو احنا ليه بنحب السينما يا جماعة؟ سيبك من جودة الصوت والصورة العالية قوي والكراسي المريحة لكن أكيد أنا مش الحد الوحيد في العالم اللي بيختار السينما اللي يحضر فيها أفلام على أساس الفشار بتاعها صح؟ إحنا مش عارفين بالظبط مين أول حد أكل الفشار وهو بيتفرج على فيلم لكننا بنشكره جداً على الفكرة الخفيفة والرخيصة واللذيذة. فيلم حلو يعني فشار مظبوط. وسواء كنت بتحبه مملح أو حلو أو الاتنين على بعض فالفشار بيرضي كل الأذواق.

شوف ماكينة صنع الفشار من هنا

يبدأ السعر من 250 جنيه مصري.

لابتوب

lab

لو كنت من الناس اللي مابتصبرش لحد ما الفيلم ينزل على التلفزيون وغاوي تتفرج على الأفلام أونلاين فانت محتاج لابتوب بمميزات عالية وصورة حلوة وصوت نقي. اللابتوب المناسب للمهمة دي تكون شاشته بين 15-17 بوصة ويفضل طبعاً المعالج يكون من نوع intel i5, i3, i7 والRAM مش أقل من 8 جيجا بايت وطبعاً بطارية عمرها طويل مايقلش عن 8 ساعات. وبنرشحلك Dell, Acer, HP, Apple عشان فيهم موديلات مختلفة مناسبة بأسعار تناسب أي ميزانية.

اشتري أحسن لابتوب من عندنا

تكييف

air

الفيلم الحلو والقعدة الحلوة تحب الطراوة وخصوصاً في الصيف الصعب اللي عدى علينا السنة دي، التكييف أصبح أساسي في البيت وتقدر تدخل على ياقوطة تشوف تكييفات في حدود ميزانيتك وإمكانياتك.

شوف التكييفات بأنواعها المختلفة من هنا

يبدأ السعر من 5130 جنيه مصري.

بطانية

blanket

البطانية ضرورية جداً أثناء مشاهدة الفيلم.. تقولي ليه؟ أقولك عشان صاحبك اللي دايماً بينام في نص الفيلم. وعشان انت صاحب جدع وفي هتغطي صاحبك وتسيبه غرقان في نومه وتكمل انت فيلمك في هدوء. ده غير إن كتير مننا بيكسلوا يقوموا من على الكنبة بعد الفيلم وبيناموا مكانهم وخصوصاً في برد الشتاء.

شوف أنواع البطانيات من هنا

يبدأ السعر من 90 جنيه مصري.

مخدات

23078044c76490d0db51b78d62ba111040010095

ودي بالذات للناس اللي بتحب تحضن حاجات وهي بتتفرج على فيلم أو تضرب في حاجة لما تتضايق من البطل. هات لصاحبك اللي بينفعل بزيادة مع الفيلم مخدة يطلع فيها انفعالاته بدون خساير. وده غير إنها كمان هتوفر لك قعدة مريحة.

 شوف أسعار المخدات من هنا

يبدأ السعر من 65 جنيه مصري.

كوبايات حاجة ساقعة

glass

الأكل والشرب ضروري مع الفيلم الحلو وسواء كنت بتشرب مشروبات غازية أو عصاير طبيعية أو حتى مية فطقم كوبايات شيك هيكون شكله أحلى وهيكمل الفيلم. 

اشتري أشيك طقم كوبايات من هنا

يبدأ السعر من 25 جنيه مصري.

ماجات الحاجة السخنة

mug

سواء كان الفيلم جد وصعب وعاوز تركيز زي فيلم interstellar كده ومحتاج ماج قهوة معتبر أو فيلم رومانسي وكيوت يليق عليه الشوكولاتة السخنة فخلينا متفقين إن المشروب السخن هيكمل فرجتك على الفيلم.  

اشتري طقم ماجات من هنا

يبدأ السعر من 37 جنيه مصري.

مكسرات

nuts

زيها زي الفشار؛ كتير وحلوة ومسلية. سواء كان لب أو سوداني أو كاجو أو فستق فهي أساسية للأفلام.

تقدر تشتري المكسرات من هنا

يبدأ السعر من 58 جنيه مصري.

تلفزيون

tv

وعشان تبقى حريف أفلام لازملك يا معلم شاشة كبيرة ومريحة وإمكانيات عالية تخليك تحس إنك في السينما بالظبط. عشان كده بنرشحلك تشوف دليل ياقوطة لشراء التلفزيون اللي هيمشي معاك خطوة بخطوة للوصول للتلفزيون المثالي.

اشتري أحسن تلفزيون من هنا

يبدأ السعر من 1299 جنيه مصري.

شاحن تليفون

charger

مهما كان الفيلم حلو مش هيغنيك عن موبايلك في إيدك. وغالباً هتكون بتعرف الناس على فيسبوك إنك بتشوف الفيلم أو بتقول لصاحبك يتفرج عليه أو بتتويت عنه صح؟ ولهذا الموبايل وشاحن الموبايل أساسي جداً أثناء الفرجة. وعشان ماتضطرش تقوم كل شوية تشوف التليفون اشتريلك شاحن بسلك طويل عشان لو كانت فيشة الكهرباء بعيدة شوية عن مكان المشاهدة.

 ريح بالك واشتري شاحن تليفون طويل من هنا

حلويات

cake

بعد كل المكسرات واللب والفشار اللي هتاكله وانت بتتفرج هتحب تحلي وبنقترح عليك الشوكولاتات والآيس كريم اللي ممكن تعمله في البيت بماكينة صنع الآيس كريم.

وفر فلوسك واشتريلك ماكينة صنع آيس كريم من هنا

يبدأ السعر من 188 جنيه مصري.

سماعات

home theater

وبنقصد هنا النوعين من السماعات: سماعات الأذن واللي بتكون ضرورية لو بتشوف الفيلم لوحدك وعاوز تحس بكل المؤثرات الصوتية وتعيش جوه الفيلم. وعشان تختار أحسن سماعات لهذا الغرض اقرا مقال ياقوطة اللي هيدلك على أحسن سماعات أذن.

والنوع التاني هو السماعات الكبيرة اللي توصلها باللابتوب أو بالتلفزيون واللي بتكون أساسية بالذات لو بتتفرج مع حد تاني.

شوف أسعار سماعات الأذن بأنواعها المختلفة على ياقوطة

يبدأ السعر من 44,99 جنيه مصري.

وشوف من هنا أسعار سماعات الكمبيوتر واللاب توب.

أصحابك

من غيرهم صعب الفيلم يكون حلو. أي نعم فيهم صاحبك اللي مش بيبطل تعليقات والتاني اللي بييجي في نص الفيلم وعاوزك تحكيله كل حاجة فاتته وطبعاً اللي بيبدأ الفيلم بحماس وبينتهي بيه الأمر إنه ينام بعد أول نص ساعة. لكن رغم ده كله القعدة الحلوة والفيلم الحلو مش بيكمل من غيرهم. وللأسف دول مش عندنا على ياقوطة.كوم. 

بس ممكن تعتبرنا كلنا في ياقوطة صحابك.

قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com في فيسبوك.

Leave a Reply

Your email address will not be published. Required fields are marked *