كتب دينا أمير

عشان أكلك له تأثير كبير على حياتك ياقوطة جهزت لك وصفتين سهلين وهتستمتعى بيهم بأقل عدد سعرات حرارية ممكنة، كل اللي هتعمليه أنك تبدلي بعض المكونات بمكونات صحية أكتر ومفيدة لجسمك و سعراتها أقل.

مين فينا مش بيحب البيتزا والبان كيك سواء كبار أو أطفال؟ بس دايمًا بنحس بذنب بعد الأكل، دلوقتي هتستمتعى بالبيتزا اللي بتحبيها وتحلي بالبان كيك من غير ما تبوظي نظام أكلك.

بيتزا

هنبدأ بالبيتزا الأكلة المفضل للكبار والأطفال، بس السر هيبتدي من العجينة نفسها ومكوناتها.. بحيث نبدل الدقيق الأبيض بالدقيق القمح الكامل وحليب خالى الدسم بدل من كامل الدسم وجبنة قليلة السعرات بدل من الموتزريلا العادية اللي بنستخدها.

مكونات العجينة

• 1 كوب ماء دافي على 11 درجة مئوية مش بيغلي.
• معلقة مائدة سكر.
• معلقة مائدة زيت زيتون.
• تلاتة إلا ربع كوباية دقيق قمح حبوب كاملة.
• معلقتين شاي خميرة سريعة أو فورية.
• معلقة مائدة ملح.
• ربع كوب جبنة خفيفة قليلة الدسم.

شوفي هنا طبق غويط شفاف للعجينة  بسعر 14 جنيه مصري.

مبشرة جبنة ستانلس استيل  بسعر 17 جنيه مصري.

نصائح للحشو

• استخدمي الخضروات دايمًا.
• الجبنة قليلة الدسم بدلا من الموتزريلا.
• استخدمي الريحان والبقدونس هيدوكي طعم جميل وريحة حلوة للأكل.
• استخدمي الطماطم لأنها من مضادات الأكسدة وبتساعد على تخلص الجسم من السموم وكمان هتساعد في حرق الدهون.
• خلي البيتزا رفيعة عشان تقللي من العجينة اللىي هتأكليها (thin crust).
• استخدمي سبراي الطبيخ عشان العجينة متلزقش بدل الزبدة عشان تقللي السعرات.
• البصل المكرمل هيديكي طعم جميل (caramelized onion).

وصفة البيتزا اليوناني

المكونات

• نصف كوب صوص المارينارا.
• كوب طماطم مقطعة ونص طهي لحد ما تطرى بس.
• نص كوب بصل مقطع ومكرمل لو بتحبي الطعم المسكر/الحلو.
• نصف كوب جبنة فيتا مهروسة.
• معلقة مائدة زعتر أو بقدونس أو ريحان.
• ربع كيلو جمبري حجم وسط.

الخطوات

• هنفرد العجينة في الصينية.
• نضيف صوص المارينارا.
• نضيف باقي المكونات.
• هنسوي البيتزا على حرارة 450 درجة لحد ما الجمبرى يستوي والعجينة تبدأ لونها يبقى برتقالى (حوالي 25 دقيقة).
• هنضيف الزعتر أو أي عشب بتحبوه وتكون جاهزة للتقديم.

شوفى هنا صينية تقديم بسعر 98 جنيه مصري.

قطاعة بيتزا ستانلس بسعر 65 جنيه مصري.

ممكن تقرى: أهم 10 أدوات رياضة منزلية

بان كيك (Pancakes)

بتكون تحفة في الفطار وخصوصًا لو كان في أطفال يفطروا قبل المدرسة، السر هنا إننا هنستخدم السكر البني والموز ودقيق حبوب القمح الكاملة والشوفان.

المكونات

• كوب شوفان غير مطهي.
• كوب دقيق قمح كامل.
• كوب إلا ربع دقيق عادي.
• ربع كوب سكر بني.
• معلقتين مائدة لبن بودرة.
• معلقتين شاي باكينج بودر.
• نصف معلقة شاي ملح.
• نصف معلقة شاي باكينج صودا.
• بيضة.
• 2 كوب لبن (يمكن استخدام لبن خالي الدسم لتقليل الدهون والسعرات).
• 2 معلقة مائدة زيت نباتي.
• معلقة شاي فانيليا.
• واحد موزة مهروسة.

خطوات

1- طحن الشوفان لحد ما يكون شبه الدقيق.

2- نخلط الشوفان والدقيق العادى ودقيق القمح والسكر البني والملح واللبن البودرة والباكينج صودا والباكينج بودر في وعاء.

 3- في وعاء آخر، نخلط البيض واللبن والفانيليا.

4- نضيف الموز المهروس للبيض واللبن والفانيليا.

5- نمزج الخليطين في وعاء واحد، وننتظر لخمس دقائق.

6- ممكن تضيفي توت أو فراولة لو عايزة البان كيك يكون مغذي أكتر.

7- سخني المقلاة (تكون نوع مش بيلزق فيه الأكل) على درجة حرارة متوسطة ونقطتين زيت.

8- اضيفي كمية متوسطة من العجينة بالمفرغة في المقلاة، واستني دقيقتين لما تبدأ الأطراف تكون مستوية والوسط يكون مليان فقاقيع تقلبيها على الوش التاني.

9- قلبيها على الناحيتين لحد ما تستوي ويكون لونها دهبي غامق.

10- ممكن تضيفي عليها قبل الأكل، واحد من المكونات دي: زبدة فول سوداني وشرايح تفاح أو عسل أو مربى بيتي ويكون سكرها قليل أو زبادي وفواكه طازجة.

شوفى هنا مغرفة شوربة بسعر 36 جنيه مصري.

أدوات تقديم مطبخ بسعر 106.50جنيه مصري.

مقلاة نوفال بسعر 70 جنيه مصري.

هتلاقي أكتر من نوع مقلاة هنا.

اقرأ أيضًا: نصائح لخسارة الوزن والحصول على حياة صحية.

نصائح عامة لخسارة الوزن و الاستمتاع بحياة صحية

1- اشربي 2 كوب مياه قبل كل وجبة وبلاش تشربي في وسط الأكل.

2- بلاش تشربي أي مشروبات صناعية عليها سكر سواء عصاير أو مشروبات غازية حتى لو دايت

3- بلاش مشروبات غازية مع الأكل.

4- ضيفي نصف أو ليمونة كاملة على كل لتر مياه تشربيه.

5- استخدمي خل التفاح في الأكل وعلى السلطة.

6- ابتدي أكل بالسلطة عشان تشبعي بسرعة وبكميات قليلة.

7- ضيفي افوكادو للسلطة والأكل لأنه مفيد جدًا ومليان دهون صحية بيحتاجها الجسم.

8- ضيفي الفلفل الحار لأكلك لأنه بيقلل من الشهية وبيزود حرق الدهون.

9- منتجات الحبوب الكاملة هتخليكي تشبعي بسرعة وبكميات قليلة؛ لأنها مليانة ألياف بس خلي بالك لأنها برضه فيها سعرات.

10- المكسرات جزء مهم في يومك كوجبة في نص اليوم؛ لأنها تحتوي على دهون صحية بس بلاش بكميات كبيرة.

11- التونا والسالمون فيهم بروتين عالي وسعرات قليلة، السالمون مليان يود و ده بيحسن نسبة حرق الدهون. اختارى التونا المعلبة بمياه مش زيت، لو مش لاقيه تونا من غير زيت ممكن تصفيها من الزيت كويس وتضيفي عليها ليمون.

12- يستحسن أكل الفواكه بدل من شرب العصير فقط عشان الألياف مفيدة

13- قللي من أكل الفواكه التي تحتوى على سعرات عالية زي المانجو والأناناس؛ لو عايزة تنزلى وزنك.

14- اشربي لبن منزوع الدسم عشان تستفيدي وفي نفس الوقت تتخلصي من الدهون.

15- ابتعدي عن الفشار الجاهز في أكياس الميكرويف؛ لأنه يحتوي على مواد ضارة للغدة الدرقية رغم أن شكله صحي لعدم احتواءه على زيت.

16- بلاش تضيفي أنواع صوص على السطة تكون مليانة سعرات حرارية أو سكر.

17- بلاش أي منتجات معلبة تكون للدايت من غير سكر لأن بيتم استبدال السكر بمواد مضرة.

18- البيض والزبادي والمشروم والفراخ والسبانخ والكاجو مهمين جدًا، ومفيد لعمل الغدة الدرقية وحرق الدهون.

19- تحتوي الفراخ والسبانخ والكاجو على زنك وهو مفيد للشعر والجسم والبشرة.

20- صدور الفراخ أفضل عشان فيها نسبة دهون أقل.

21- الخيار والخس فيهم سعرات قليلة جدًا فممكن يكونوا جزء من وجباتك وحتى تاكليهم لوحدهم.

22- البطاطس فيها فوائد كتير بالرغم من احتوائها على نسبة كربوهيدرات بس ممكن تخليكي تشبعي بكميات أقل من أي أكل تاني، بلاش تاكليها محمرة أحسن تسويها في الفرن أو الميكرويف بدون أي اضافات تحتوي فيها سعرات حرارية عالية.

23- ضيفي الأعشاب الطبيعية على أكلك عشان طعمه يكون كويس بدلًا من الصوص والملح الكتير أو السكر.

قد تنفد المنتجات من المتاجر – out of stock-  في أي وقت لكن غالبًا تصبح متاحة بعد فترة وجيزة، إذا صادفتك مشكلة مع أي منتج من فضلك إبلاغنا فى تعليق أو من خلال صفحة Yaoota.com في فيسبوك.

ياقوطة بتتمنى لكم أكل شهى وحياة سعيدة، حياتك السعيدة بتبدأ من أكلك الصحي والمتوازن فكلي أكل لذيذ و صحي عشان تستمتعي بالحياة الصحية.

زوروا موقعنا www.yaoota.com للبحث عن المنتجات ومقارنة الأسعار والشراء وطلباتكم هتوصل للبيت في خلال أيام.