هل تستحق سماعات أذن TWS I11 MAX وايرلس- بلوتوث الاقتناء؟

كتبت: أمنية عزمي

سماعات الأذن البلوتوث اللاسلكية انتشرت بشكل كبير بأنواع وأسعار مختلفة تناسب كل الميزانيات، لكن بندور دايما على أساسيات يفضل إنها تكون في السماعة من ضمنها ان الصوت يكون قوي ويكون في السماعتين مش واحدة فقط، ويكون فيها عازل للضوضاء لأن فيه بعض الموديلات للسماعات من النوع ده مش بتكون محكمة بشكل كافي في الأذن وبالتالي لو بتتكلم في مكان فيه دوشة مش هتسمع المكالمة، وقوة البطارية مهمة، ونطاق عملها قد إيه، وإذا بتعمل باللمس ولا لأ، وفي حاجة مهم تاخد بالك منها وهي هل هي مناسبة ليك ولا لأ لأن في ناس مش بتتناسب مع الأذن وبالتالي بتكون عديمة الفائدة.

هنتكلم في المراجعة دي مع ياقوطة عن سماعات أذن TWS I11 MAX وايرلس- بلوتوث وهنتعرف على أهم مواصفاتها ومميزاتها وكمان عيوبها ورأي المستخدم فيها ولو عجبتك وحبيت تشتريها هتلاقي عندنا أحسن الأسعار ليه وتقدر تقارن بينهم بنفسك وتقدر كمان تطلبه من خلالنا ويوصلك في أقرب وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

  • اللون: أبيض.
  • الموديل: I11 MAX
  • أبعاد المنتج: 107db±3db
  • الكود التعريفي للمنتج: TW352EL18T251NAFAMZ
  • بلد المنشأ: الصين.

المميزات

  • بتتميز بجودة صوت محيطي قوي HD رائع في سماع الموسيقى والأغاني وواضح في المكالمات.
  • بتتميز بشبكة لاسلكية خاصة بها من خلال بلوتوث V 5.0 بتضمن استقبال وإرسال الموجات بين الهاتف والسماعة بكل وضوح، وبتقدر توصلها بأكتر من جهاز من غير ما يكون في بينهم ارتباط زي انك تسمع من خلالها موسيقى وأغاني من موبايل صديقك.
  • التحكم بجميع الوظائف عن طريق اللمس، الرد على المكالمات والإغلاق وتشغيل الأغاني وتغييرها للأمام أو الرجوع والتحكم في مستوى الصوت.
  • مزودة بميكروفون إضافي لإزالة الضوضاء، ودي ميزة مهمة مش موجودة في معظم السماعات وبتقدر تتكلم وسط الأماكن المزدحمة وتسمع كويس.
  • مدى الهاتف بيكون حوالي 10 متر
  • بيتم تلقي إشارات البلوتوث من خلال السماعتين وده بيعزز قوة الإتصال، وتقدر تستخدم سماعة واحدة بس في المكالمات.
  • سعة صندوق البطارية 300 ملي أمبير، شحن السماعات بيستمر معاك في أقصى حالات استخدامها في الألعاب لمدة ساعتين، ومن ساعتين ل 3 ساعات مكالمات و3 ساعات سماع موسيقى، 6 ساعات في وضع الاستعداد.
  • بتدعم كل أنواع الهواتف الذكية وبتتعرف عليها بمجرد خروجها من العلبة وتوصيل الهاتف بالبلوتوث.
  • بتكفي لشحن السماعات 4 مرات، وعلبة السماعات بيتم شحنها في 70 دقيقة والشاحن الخاص بها زي شاحن آبل مش مايكرو يو إس بي زي الأندرويد.

العيوب

  • مستوى عمر البطارية متوسط ومش بتقدم عدد ساعات كافي من الاستخدام بشكل عام.
  • غير مزودة بسينسور شحن أتوماتيكي وبتحتاج تضغط على زر الشحن الموجود عالحافظة وقت الحاجة للشحن، ومش بتدعم الشحن اللاسلكي.
  • غير مرفق معها حافظة شحن السماعات اللي بتقدر تشيلها بها في جيبك وتحميها زي بعض الأنواع الأخرى.
  • الاتصال بالسماعات بيكون ضعيف في الأماكن المزدحمة زي الكافيهات أو الجيم وأماكن التجمعات اللي فيها واي فاي بصفة عامة ودا لأن كل جميع الأجهزة بتعمل على نفس التردد 2.4 جيجاهيرتز وبالتالي جودة الاتصال بتنخفض.
  • السماعات مش بتكون مريحة لكل الأشخاص مع اختلاف شكل الأذن خاصة إن السماعة مش محاطة بمخدات مطاط زي العادية وبالتالي لازم تجربها الأول علشان تتأكد إذا مناسبة أو لأ.
  • غير مقاومة للماء والتعرق وبالتالي ما تقدرش تستخدمها في الجيم أو في فترات التعرق.

تجربة المستخدم

  • في آراء قالت انها جيدة، لكن في آراء أكتر قالت إن بطاريتها ضعيفة جدا ومش بتستمر أكتر من نص ساعة استخدام، واتنين قالوا انها باظت بعد وقت قليل جدا من الاستخدام.

شوف سماعات أذن TWS I11 MAX وايرلس- بلوتوث من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

كاتبة المقال 

أمنية عزمي، بكتب من أكتر من سنة ونص، مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة كويس جدا.

Leave a Reply

Your email address will not be published. Required fields are marked *