أهم أدوات تنمية ذكاء الطفل مع ياقوطة

كتبت: منى عوض

مهارة وذكاء الطفل أكبر من قدرة كتير مننا على التخيل. ومش معنى إنه طفل صغير إن قدرته على الفهم والاستيعاب قليلة. بالعكس. الطفل برغم سنوات عمره القليلة عنده قدرات كبيرة على الفهم والتحليل والاستنتاج والخيال. ومهم جدًا جدًَا على الأهل تنمية المهارات دي.

وواحدة من الأدوات اللي بترفع من مهارات الأطفال هي  الألعاب التعليمية واللي البعض بيقلل من نظرته ليها بإنها مضيعة للوقت وبس. والحقيقة عكس ده خالص. لأن معظمها بيساعد في تنمية ذكاء الطفل ومهاراته العقلية والفكرية والحسية والعضلية والاجتماعية والنفسية.

وإيمانًا منا بإن أطفالنا هما استثمارنا الأهم والحقيقي في الحياة، ياقوطة هتقولك على شوية ألعاب هتساعدك في تعزيز ذكاء طفلك وتنمية مهاراته المختلفة، ولو لاقيت إن الألعاب دي مناسبة لطفلك وحبيت تشتريها تقدر تطلبها من خلالنا وهتوصلك في أسرع وقت.

بنفكرك إنك ممكن تشتري ألعاب الذكاء من خلال شهري أول وأسهل تطبيق تقسيط في مصر، واللي مش بيحتاج منك غير صورة البطاقة وصورة إيصال مرافق وبس، ومن غير زيارة، ولا ضامن، واستمتع كمان بتوصيل مجاني لكل مشترياتك.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

منتسوري فرز الألوان على شكل ساعة تعليمية

اللعبة دي عبارة عن لوحة خشبية ملونة مرسوم عليها رسومات جذابة وعليها عقربين ومعاها 12 مكعب خشبي عليهم أرقام من 1 إلى 12 عشان طفلك يلعب وينبسط وفي نفس الوقت تعلمه الساعة والوقت من خلال تحريك العقارب بإيدك بشكل عادي جدًا، وكمان هتعرفه أكتر عن الألوان المختلفة.

شوف عروض منتسوري فرز الألوان على شكل ساعة تعليمية على ياقوطة من هنا.

لعبة العصي والكرات المغناطيسية

اللعبة عبارة عن مجموعة عصيان ومجموعة كرات تقدر تربط بينهم من خلال القوى المغناطيسية اللي بتتميز بيها قطع اللعبة، بالتالي تكون الشكل اللي إنت عايزه، وخلينا نقولك إن اللعبة دي بتساعد في تنمية ذكاء طفلك وتنمية مهاراته الإبداعية والحركية وكمان بتساعده في اكتساب مهارات التفكير وحل المشكلات.

شوف عروض لعبة العصي والكرات المغناطيسية على ياقوطة من هنا.

ليجو

الليجو أو المكعبات فكرته أكبر من فكرة تكوين أشكال أو لعب وخلاص لأنه بيعود بفوائد كتير على الطفل، زي تنمية المهارات الإبداعية والفكرية والحركية ومهارات التواصل والتفكير النقدي وبيحسن التركيز وكمان بيساعد الأطفال في تطوير مهارات التخطيط والتنفيذ وحل المشكلات، ولو الطفل بيلعب مع حد فدا هيخليه يطور مهارات التعاون وتنظيم الأفكار مع الغير.

شوف عروض لعبة الليجو على ياقوطة من هنا.

لعبة شطرنج

الشطرنج واحد من الألعاب الممتعة والمهمة جدًا بالنسبة لأي شخص خصوصًا الأطفال ودا لأن الفوائد الناتجة عن لعبه كتير جدًا فعلى سبيل المثال تقدر تنمي مهارات طفلك الفكرية والإبداعية والمعرفية من خلال لعب الشطرنج وممكن كمان تعزز قدراته التحليلية والتخطيط الاستراتيجي وتنمي خياله كمان، دا بجانب إنها بتعلمه حاجة مهمة جدًا وهي الصبر.

شوف عروض لعبة الشطرنج على ياقوطة من هنا.

لوح لتعليم الحساب وجدول الضرب

اللوح التعليمي دا فكرته ممتعة ومفيدة وكمان آمن لأنه مصنوع من الخشب الآمن وحوافه مش حادة دا أولاً، بجانب إن ألوانه جذابة وبتشد انتباه الأطفال وهيكون مناسب للأطفال من أول سنتين بشكل خاص لأنه هيساعد في تنمية المهارات الحسابية عندهم وكمان هيعلمهم جدول الضرب، بالتالي هنبقى ضربنا عصفورين بحجر أولاً الطفل لعب واستمتع وثانياً اتعلم وطور مهاراته وقدراته المختلفة.

شوف عروض ألواح تعليم الحساب وجدول الضرب على ياقوطة من هنا.

صلصال

إعادة تشكيل الصلصال مش حاجة تافهة ولا ملهاش لازمة ولا خطيرة على الأطفال خالص بل بالعكس دي بتساعد في تعزيز القوى الحركية لأيدي الأطفال وبتعزز ذكائهم وتركيزهم وكمان بتحسن مهاراتهم الإبداعية والحسية.

شوف عروض الصلصال على ياقوطة من هنا.

كتب التلوين

التلوين عمره ما كان مضيعة للوقت، بل بالعكس دا بيخلي الطفل يكتسب مهارات مختلفة زي الحسية والعضلية والإبداعية ومهارات التفكير الفعال وبتمنى كمان قدراته الإدراكية ودا كله بيصب بشكل كبير في ذكاء الطفل ودرجة استيعابه.

شوف عروض كتب التلوين على ياقوطة من هنا.

ممكن تشوف عروض ألعاب منتسوري المختلفة المتوفرة على ياقوطة من هنا.

ممكن تشوف عروض ألعاب الأطفال المختلفة المتوفرة على ياقوطة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

منى عوض، كاتبة بقالي أكتر من سنتين، بكتب عادة عن التكنولوجيا اللي بقت جزء لا يتجزأ من حياتنا اليومية، وبحب دايمًا أني أقرأ وأدور كويس جدًا عن كل حاجة قبل ما أكتب عنها عشان أكون متأكدة من كل معلومة بكتبها ولو حسيت أن المعلومات اللي لاقيتها على الإنترنت مش كافية ببدأ أنزل وأسأل سواء أشخاص جربوا الحاجة دي أو في الأماكن اللي بتكون متخصصة في بيع الحاجة اللي بكتب عنها.

Leave a Reply

Your email address will not be published. Required fields are marked *