نصايح وحيل عشان تحافظ على بيتك سليم ونضيف

اليكم نصايح وحيل عشان تحافظ على بيتك سليم ونضيف

كتبت: مي سرور ويارا الحميلي

مسئولية البيت كبيرة، وبالرغم من ده، وبين الأعمال اليومية والأسبوعية، فيه حاجات بتفوت علينا، فمثلًا الصيانة بشكل روتيني مهمة جدًا للحفاظ على البيت في صورة كويسة. وحط في بالك دايمًا إن الصيانة الدورية هتتضمن إن المشاكل الصغيرة ما تكبرش وتبقى مشاكل كبيرة.

وعشان ياقوطة بتهتم ببيتك وبراحتك، جهزنالك بعض الحيل البسيطة والذكية اللي هتخلي مهمتك سهلة وهتساعدك تعمل صيانة لبيتك في ١٠ دقايق بس، وهنتعرف كمان مجموعة من الأدوات اللي وجودها في البيت هيسهل كتير في حياتنا ويخليها أسهل.

ومش كده وبس، من خلال ياقوطة تقدر تعرف وتقارن بين أسعار المنتجات دي، ولو عجبك موديل منهم تقدر تطلبه من خلالنا وهيوصل لغاية عندك في أسرع وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

١-إزاي تخلي الغسالة والمجفف صوتهم واطي

الغسالات والمجففات بتنقل الاهتزازات للأرض وبتعمل دوشة في البيت كله، الحل لده إنك تحط رجليهم على وسائد مطاطة مضادة للاهتزاز.

ممكن تشوف الغسالات من هنا أو المجففات من هنا.

٢-استخدم القرفة عشان تخلي بيتك ريحته أحلى

اغلي شوية عصيان قرفة أو رش شوية قرفة في حلة مع شوية مية، وسيب الخليط على النار لحد ما ينضج والريحة تملى البيت، وممكن برضه تغلي نعناع طازة هيدي نفس التأثير.

ممكن تشوف تشكيلة من العطور المنزلية من هنا.

٣-حارب الروايح الكريهة في تلاجتك

لو الكهرباء قطعت والأكل اللي في التلاجة والفريزر باظ، هتلاقي إن فيه ريحة لا تطاق، عشان تتخلص من الريحة دي

  • شيل الأكل وامسح كل الأسطح اللي تحت الأكل.
  • كسّر حوالي ١٢ طوبة فحم وقسمهم على صينيتين، واحدة هتحطها في التلاجة والتانية هتحطها في الفريزر.
  • قطع ورق جرايد واملى الرفوف بيها.
  • اقفل الباب وإدي فرصة لورق الجرايد والفحم عشان يمتص الروايح الكريهة.
  • غير الفحم وورق الجرايد يوميًا لمدة حوالي أسبوع لحد ما الريحة تروح.

ممكن تشوف مجموعة من التلاجات من هنا.

٤-طهّر الإسفنجات في الميكروويف واستخدم البخار عشان تنضفها

حط السفنجة في الميكروويف لمدة دقيقتين عشان تقتل الجراثيم اللي في السفنجة. ولو كنت عايز تنضف الميكروويف وتتخلص من الحاجات المدلوقة فيه، حط كباية خل في طبق في الميكروويف حوالي عشر دقايق، وامسح البقع. البخار اللي هيطلع من الخل والمياه هيسهل عليك مهمتك.

ممكن تشوف موديلات الميكروويف من هنا.

٥-استخدم بيكربونات الصودا في تنضيف الفرن

ممكن تستخدم مزيج من بيكربونات الصودا والمياه، كل اللي هتعمله إنك تبل الفرن وبعدين تحط عليه طبقة سميكة من بيكربونات الصودا. سيبها تهدى شوية كام ساعة وبعدين امسحها.

ممكن تشوف مجموعة من الأفران من هنا.

٦-إزاي تتصرف مع شعلة البوتاجاز السايبة؟

لو الشعلات بتاعة البوتاجاز بتاعك مش شغالة كويس، اقفلها واسحبها من السوكيت، ووصلها تاني ولفها، لو لقيت إنها شكلها سايبة، شيل الشعلة تاني وحاول تتني العصايا اللي بتبقى في اَخر الشعلة برة عشان الشعلة تمسك أكتر.

ممكن تشوف المجموعة دي من البوتاجازات البلت إن من هنا.

٧-استخدم الخل في تنضيف راس الدش

حط كيس مليان خل حوالين راس الدش عشان تشيل أي بقع أو رواسب بشكل فعال.

ممكن تشوف راس الدش من هنا.

٨-استخدم اللمون في تنضيف الحنفيات الاستانلس ستيل

استخدم نص ليمونة لتنضيف حنفيات البيت عن طريق دعك الأسطح الاستانلس ستيل بيها.

ممكن تشوف تشكيلة من الحنفيات من هنا.

٩-اتخلص من شعر الحيوانات الأليفة عن طريق الجوانتيات المطاطية

امشي على الأسطح بجوانتي مبلول وانت هتلاقي إن الشعر لزق في الجوانتي.

ممكن تشوف الجوانتيات المطاطية من هنا.

١٠-استخدم رغوة الحلاقة في تنضيف المراية

عشان تنضف المرايات أو تشيل الشبورة من عليها، ببساطة حط رغوة الحلاقة على المراية قبل ما تمسحها بقطعة قماش مبلولة نضيفة.

ممكن تشوف رغوة الحلاقة من هنا أو ممكن تشوف المرايا القزاز من هنا.

١١-استخدم الستيكي نوتس عشان تنضف لوحات المفاتيح

حرك الجنب اللي فيه لزق من الستيكي نوتس بين الزراير اللي في لوحة المفاتيح والأوساخ هتلزق فيها على طول.

ممكن تشوف الستيكي نوتس من هنا.

١٢-نضف الحمّام بالكولا

الكولا تعتبر منظف كويس جدًا بسبب الأحماض الكربونية والفوسفورية اللي بتحتوي عليها، جهز كوباية أو اتنين من الكولا، وادلق الكولا في الحمّام. كرر العملية دي حسب الحاجة، لو فيه بقع مستعصية نضف أكتر من مرة باستخدام الفرشة وشغل الكومبينيشن عشان تضيع البقع.

ممكن تشوف الكولا من هنا.

١٣-إزاي تقلل صوت تزييق مفصلات الباب

حاول تزيّت مفصلات الباب من غير ما تشيلها من مكانها، لو لسه بتزيق جرب الحاجات دي

  • شيل مسامير المفصلة باستخدام الشاكوش والرزة.
  • انقع المسامير في أي نوع من أنواع الزيت، ورجع المسامير تاني في المفصلة، وامسح أي زوايد زيت.
  • حط شمع على مسامير المفصلات
  • استخدم شمع البارافين أو دوّب شمعة، وانقع المسامير بتاعة المفصلة في الشمع السخن.
  • رجع المسامير للمفصلات وغلفها بطبقة شمع لحد ما يقف صوت التزييق.

شوف مجموعة وأشكال مختلفة من مفصلات الباب من هنا.

١٤-اقلب المرتبة

لازم تقلب المرتبة أربع مرات في السنة عشان تتجنب وجود أي ميل فيها، ماتنساش تقلبها من تحت لفوق ومن اليمين للشمال عشان تتأكد إنك وصلت لكل الأجزاء.

شوف أشكال ومقاسات مختلفة من المراتب من هنا.

١٥-اعمل طباشير مزيل للرطوبة

علق حزمة طباشير في الدولاب بتاعك عشان تتخلص من أي رطوبة زايدة وعشان تخلي ريحة الملابس جديدة وناشفة.

ممكن تشوف الطباشير من هنا.

١٦-لمّع الفضة بالكاتشب

الكاتشب بيقدر يشيل البقع اللي على أطقم الفضة والفضيات عامةً.

ممكن تشوف الكاتشب من هنا والاكسسوارات الفضة من هنا.

١٧-حط البيبي باودر في الشقوق اللي في الأرض عشان توقف صوت الطقطقة

استخدم البيبي باودر عشان تصلح صوت الطقطقة اللي ممكن يطلعه الباركيه، املى الفراغات اللي في الباركيه لحد ما الصوت يروح.

شوف تشكيلة وأحجام مختلفة من البيبي باودر من هنا.

١٨-فضّي السخان

مع مرور الوقت، سخان المياه هيتراكم فيه حاجات كتير منها الكالسيوم والجير والمعادن التانية، وده بيصعب على السخان إنه يسخن بكفاءة. فضي الخزان تمامًا مرة أو مرتين في السنة عشان تقلل من فكرة تراكم المعادن.

ممكن تشوف سخانات المياه من هنا.

١٩-صلّح شرايح القزاز بطلاء الأظافر

مع إنه مش الحل الأمثل، بس ممكن يقدر طلاء الأظافر يصلح قزاز الشباك لغاية ما يبقى عندك الفرصة إنك تغيره، صلح الشروخ الصغيرة اللي في شباكك عن طريق إنك تحط عليها طبقات من طلاء الأظافر لحد ما تتملي الحفر اللي فيها.

ممكن تشوف طلاء الأظافر من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

Leave a Reply

Your email address will not be published. Required fields are marked *