نصائح ياقوطة لاستخدام الدفاية والسخان بشكل آمن في الشتاء

كتبت: منى عوض

تقريبًا مفيش حد بيقدر يعيش من غير الدفاية و سخان المياه في فصل الشتاء، بس زي ما الأجهزة دي مهمة وبتوفر عامل تدفئة مهم بالنسبة لأي شخص وبيت، ماينفعش نتجاهل المخاطر اللي ممكن تنجم عنها وعن استخدامها.

وبالتالي من الحكمة التامة استخدام الأجهزة بشكل صحيح عشان تضمن أمان تام ليك ولأسرتك، عشان كدا ياقوطة هتسرد شوية حاجات أو عوامل أمان من الضروري إتباعها أثناء استخدام الدفاية وسخان المياه في فصل الشتاء.

بنفكرك إنك ممكن تشتري الدفاية والسخان من خلال شهري أول وأسهل تطبيق تقسيط في مصر، واللي مش بيحتاج منك غير صورة البطاقة وصورة إيصال مرافق وبس، ومن غير زيارة، ولا ضامن، واستمتع كمان بتوصيل مجاني لكل مشترياتك.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

الدفاية الكهربائية

  • لما تشتري الدفاية وتبدأ تشغلها يفضل إنك تقرأ الورق اللي بيجي معاها واللي بيكون بيضم طريقة التشغيل الصحيحة وعوامل الأمان والسلامة حتى لو كنت عارف المعلومات دي لازم تقرأها مرة تانية.
  • تأكد من صيانة الدفاية أول ما تطلعها وقبل ما تستخدمها كل سنة ونظفها بشكل مستمر من أي أتربة أو غبار.
  • تأكد إن الدفاية مش شغالة جنب المفروشات أو الستائر الأثاث أو أي مواد قابلة للاشتعال ومش على السجاد أو الأسطح الخشبية ودا عشان تضمن أمان تام وعدم حدوث أثناء التشغيل.
  • مش الدفاية بس اللي هتحتاج تبعدها عن أي حاجة سريعة الاشتعال، لأ أي حاجة ليها علاقة بالدفاية كمان والمقصود هنا هي الأسلاك لأن فيه ناس بتحب تحطها تحت السجاد والمفروشات ودا خطر جدًا وممكن يتسبب في حدوث حرائق مفاجئة.
  • تأكد من وضع الدفاية الكهربائية في مكان بعيد عن الأطفال والحيوانات الأليفة عشان متسببش ليهم أي حروق.
  • تجنب تشغيل الدفاية طول الليل أثناء نومك أو في مكان إنت مش موجود فيه أو مش قادر تراقبه باستمرار، ودا معناه إنه يفضل فصلها من الكهرباء تمامًا قبل مغادرة المكان أو النوم.
  • يفضل توصيل فيشة الدفاية بمقبس الكهرباء الموجود في الحائط بشكل مباشر، وتجنب أسلاك التمديد والمشترك الكهربائي اللي بتسخن بسرعة خاصة لو مش بتتحمل الضغط الكهربائي العالي وبالتالي ممكن تؤدي لعواقب خطيرة ممكن توصل لحرائق.
  • يفضل تغيير الدفاية بتاعتك لو عدى عليها أكتر من 10 سنين عشان تضمن أمان أكبر ليك ولأسرتك فالموديلات الجديدة مزودة بعوامل أمان متقدمة زي الحماية من الحرارة الزائدة وفصل الدفاية تلقائيًا بمجرد وصولها لدرجة حرارة معينة أو لو وقعت أو اتحركت بشكل مفاجئ من مكانها وغير من العوامل المهمة جدًا للحفاظ على السلامة.

تقدر تختار الدفاية الكهربائية الأنسب لاحتياجاتك من هنا.

سخان المياه

  • لما تشتري السخان وتقرر تركبه وتشغله يفضل قراءة الكتالوج اللي معاه لأنه بيضم طريقة التشغيل الصحيحة وعوامل الأمان والسلامة حتى لو كنت عارف المعلومات دي لازم تقرأها مرة تانية.
  • يفضل اللجوء لشخص متخصص لعمل صيانة دورية للسخان يعني مرة في السنة مثلاً عشان تضمن أن كل مكوناته الداخلية سليمة ومفيش فيها أي مشكلة وتضمن كمان إزالة الصدأ وأي ترسبات جيرية موجودة في السطح الداخلي للخزان بتاعه وبالتالي العمل بكفاءة عالية والحفاظ على عمره الافتراضي.
  • تأكد من عدم وجود أي نوع من أنواع التسربات قبل البدء في استخدام سخان المياه، لأن الماء موصل بالكهرباء وممكن يسبب صدمات كهربائية وماس كهربائي وبالتالي حرائق.
  • تجنب وضع السخان في مكان معرض للماء أو رذاذ الماء لأن دا ممكن يتسبب في تلف النظام الكهربائي للسخان.
  • تأكد من سلامة المداخن الموصولة بالسخان عشان تضمن انصراف ثاني أكسيد الكربون وبالتالي الحد من المخاطر والحوادث.
  • تأكد من وجود منفذ تهوية كويس في المكان اللي فيه السخان لمنع حالات الاختناق.
  • تأكد من إغلاق السخان وفصل التيار الكهربائي عند انقطاع المياه أو قبل النوم أو قبل مغادرة المكان لأن الاستخدام المطول ليه خاصة في الأماكن المغلقة يمكن أن يتسبب في حدوث تسمم بأول أكسيد الكربون ودا بيتسبب في الشعور بصداع وغثيان ودوار وفقدان الوعي.
  • المياه السخنة حلوة جدًا وبتساعد على التدفئة بس ضبط السخان عند درجات حرارة مرتفعة بيتسبب في استهلاك السخان بشكل أسرع وخفض العمر الإفتراضى بتاعه.

تقدر تختار سخان المياه الأنسب لاحتياجاتك من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

منى عوض، كاتبة بقالي أكتر من سنتين، بكتب عادة عن التكنولوجيا اللي بقت جزء لا يتجزأ من حياتنا اليومية، وبحب دايمًا أني أقرأ وأدور كويس جدًا عن كل حاجة قبل ما أكتب عنها عشان أكون متأكدة من كل معلومة بكتبها ولو حسيت أن المعلومات اللي لاقيتها على الإنترنت مش كافية ببدأ أنزل وأسأل سواء أشخاص جربوا الحاجة دي أو في الأماكن اللي بتكون متخصصة في بيع الحاجة اللي بكتب عنها.

Leave a Reply

Your email address will not be published. Required fields are marked *