نصائح وأدوات للاعبي Pokémon Go

نصائح-وأدوات-لاعبي-بوكيمون-جو

كتب: ميشيل رمسيس

لعبة Pokémon Go كانت من أكثر الحاجات اللي الناس اتكلمت عنها الوقت اللي فات، وأكثر الألعاب اللي جننت الـGamers، والناس اللي بتحب ألعاب الواقع الافتراضي «Virtual reality games» وفي نفس الوقت رجعنا لذكريات الطفولة أيام ما كنا بنغني «أحلم دوماً أن أكون الأفضل بين الجميع لذا أجمع البوكيمون سلاحي المنيع».
كتبنا الموضوع ده للناس اللي بيحبوا اللعبة وبيلعبوها أو ناوين يلعبوها ومحتاجين نصائح أثناء لعبهم Pokémon Go، وهنقولك على أدوات ممكن تحتاجها أثناء بحثك عن البوكيمون عشان تقدر تكمل اللعبة وتعدي المستويات بسهولة.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

نصائح للاعبي Pokémon Go

  1. مترحش أماكن خطيرة أو أماكن مكنتش تحب تمشي فيها أو تخاف تروحها لولا بحثك عن البوكيمون .. متزعجش نفسك ولا تعرض حياتك للخطر عشان  تصطاد بيكاتشو! خلي طريقتك في اللعب متوازنة بين المتعة والمغامرة لكن بالعقل.. بالتأكيد أنت في غنى عن مواجهة وحش حقيقي!
  2. متلعبش Pokémon Go وأنت سايق سيارة أو موتوسكيل أو حتى دراجة.. هتعرض ناس كتير للخطر، يعني حياتك وحياة اللي راكب معاك، وحياة الناس اللي حواليك سواء ماشي في الشارع أو سايق سيارة جنبك كلها ممكن تروح بسبب بوكيمون.. صعبة الفكرة! حتى لو عملت حادثة بسيطة أكيد دي مش هتكون حاجة كويسة.. العب واستمتع وحافظ على نفسك وعلى اللي حواليك هتستمتع أكتر لأنك كمان هتتجنب وقت كثير وجدال أكثر بعد أي مشكلة ممكن تحصل.
  3. لا تنسى! يوجد من حولك إشارات مرور وعلامات مرورية يجب اتباعها.
  4. متفكرش تنتهك خصوصية مكان أو شخص عشان تلعب اللعبة وتدخل  مستوى-Level- جديد.
  5. خلي على طول موبايلك مشحون انزل وهو 100%.
  6. ارجع اقرأ رقم 2 لوسمحت العمر مش بعزقه.

شاركنا رأيك واحكي لنا عن مغامراتك في لعبة Pokémon Go  وقولنا نصائحك اللي ممكن تفيد ناس تانية بتلعبها لسه جديد، ومتنساش تقولنا أنت وصلت ليفيل كام؟

أدوات لاعب Pokémon Go

  1. خلي معاك باور بنك للطوارئ مش أقل من 10000 مللي أمبير، ودا هينفعك تشحن موبايلك لما البطارية تخلص.

شوف باور بنك 10000 مللي أمبير من هنا، يبدأ السعر من 140 جنيه مصري.

  1. الدنيا حر وعرق عشان كدا وأنت نازل تدوّر على البوكيمون يُفضل أنك تلبس تيشيرت قطن أو أي ملابس قطنية مع مراعاة أن ميكونش لونها غامق.

ممكن تشوف  تيشيرت قطن صيفي من هنا، بسعر يبدأ من 40 جنيه مصري.

  1. زجاجة المياه حاجة من الأساسيات عشان تعرف تواصل ولازم تخلي معاك زجاجة من اللي بتحتفظ بالبرودة عشان تفضل المياه باردة معاك أطول فترة ممكنة.

ممكن تشوف زجاجة مياه من هنا، بسعر يبدأ من 28 جنيه مصري.

  1. عشان هتحتاج دايماً تكون أونلاين اشحن رصيدك، وممكن تخلي معاك كارت شحن احتياطي للطوارئ.
  2. لو موبايلاك مش بيدعم الـ3G أو نازل Pokestop أنت وأصحابك، ننصحك تجيب جهاز ماي فاي هو جهاز صغير بتحط له شريحة مشحونة ويبث لك واي فاي، تقدر تستخدمه أنت وأصحابك وممكن يستعمله حوالي 10 أفراد بسرعة عالية، وفي نفس الوقت توفر شحن الموبايل لأن الواي فاي عامة بيوفر في الشحن عن الـ3G.

ممكن تشوف MIFI من هنا، بسعر 480 جنيه مصري.

  1. احتياطات للطوارئ: ممكن يحصل في حالات نادرة أنك تروح مكان تمسك بوكيمون وتتفاجئ أن موبايلك فصل شحن، والجو مظلم من حولك أو ممكن الكهرباء تقطع.. عشان كدا في حاجتين ضروري يكونوا معاك لو أنت ناوي تقضي وقت كثير خارج البيت ومعكش باوربنك وناوي تغامر وتروح برضه أماكن غير مأهولة.

خلي معاك هاتف صغير وسجل عليه الأرقام الهامة عشان تتصل بالشخص اللي ممكن يساعدك ويُفضل أنه يكون فرد من أفراد أسرتك يقدر يتحمل المسؤولية، شوف هاتف محمول صغير من هنا، يبدأ السعر من 120 جنيه مصري.

الحاجة الثانية كشاف ضوئي عشان تنور بيه بدل ما تقعد في الظلام، شوف كشاف ضوئي من هنا، يبدأ السعر من 28 جنيه مصري.

هل في احتياجات أو أدوات تانية بتستعملها لما تكون بتلعب Pokémon Go  ؟

قد تنفد المنتجات من المتاجر – out of stock-  في أي وقت لكن غالبًا تصبح متاحة بعد فترة وجيزة، إذا صادفتك مشكلة مع أي منتج من فضلك إبلاغنا فى تعليق أو من خلال صفحة Yaoota.com في فيسبوك.

2 thoughts on “نصائح وأدوات للاعبي Pokémon Go”

  1. ايه يا بابا هو احنا رايحين نتلع جبل ولا ايه?

Leave a Reply

Your email address will not be published. Required fields are marked *