تعمل ايه ومتعملش ايه لما تشترى أون لاين

online-shopping-Delivery

كتب: ناديه حسين

كتير مننا بيخاف يشترى أون لاين ودا بسبب حكايات نصب أو سلع بايظة، ودا ممكن يكون بيحصل فعلاً. وعشان كدا ياقوطة بتنقى أحسن و أفضل المحلات عشان اهم حاجة عندنا العملاء بتوعنا يكونوا مبسوطين وفى أمان. وعشان كدا برضه عملنا لك القايمة دى فيها كل الخطوات اللى ممكن تساعدك تعرف تعمل ايه ومتعمليش ايه وانت بتشترى أون لاين!

قبل ما تعمل الأوردر

  • اتأكد  دايمًا من أنك تشترى بأفضل سعر. وقارن بين الأسعار المختلفة للمنتج  فى كذا متجر على ياقوطة.
  • لو فى منتج شفته وعجبك على أى متجر،  مش لازم  تروح المحل وتشوفه وتفحصه طالما المحل موثوق منه و عشان كمان في متاجر أون لاين  ملهاش فروع.
  • اتأكد من وجود ضمان مع المنتج.
  • اتأكد من توفر سياسة استرداد الفلوس وارجاع السلعة عند المتجر اللى قررت تشترى منه. ودا عشان لو المنتج اللى وصلك كنت غير راض عنه تقدر تسترد فلوسك بسهولة.

عند طلب الشراء أون لاين

  • اطلب نفس الأوردر من أكثر من متجر فى نفس الوقت وحدد وسيلة الدفع ( الدفع عند الاستلام)، و بعد ما تستلم اول منتج لازم تلغي الطلبات التانيه . الخطوه دي عشان انت تكون مرتاح إن طلبك جاي جاي.
  • لو مش واثق قوى في المتجر، اتصل بالتليفون قبل ما تطلب الأوردر واتأكد أن المنتج موجود فعلًا عندهم.
  •   لو كان المنتج موجود، اعمل الطلب بقى أون لاين  وبعدين لزيادة التأكيد ممكن تتصل بالتليفون تانى عشان تتأكد أن الأوردر تم أون لاين بنجاح.
  •   بالنسبة لمدة وصول الشحنة، لو المحل حدد لك مثلًا 3 أيام. اعمل حسابك احتمال أنه ممكن يتأخر يومين أو ثلاثة عن ميعاد وصول المنتج المتوقع.
  •   أفضل وقت تعمل فيه الأوردر صباح يوم الأحد أو يوم الخميس بالليل.

عند استلام المنتج

  • عند الاستلام… لما يوصلك المندوب، اتأكد إن الضمان محلى.. ولما تستلم العلبة اتأكد أنها متبرشمة كويس.
  • خلاص كدا هتدفع الفلوس وتستلم المنتج، لو تقدر تطلب من المندوب ينتظر لحد ما تفتح العلبة وتجرب المنتج يكون أفضل برده.

لو معندكش ثقة خالص في الأونلاين شوبينج، جرب الخطوات دي من خلال يا قوطة،  و اول مرة جرب في حاجه رخيصه. مش هتخصر حاجه. اصل التجربه خير دليل.

Leave a Reply

Your email address will not be published. Required fields are marked *