مواصفات وأسعار سماعات أذن Apple Air Pods مع علبة الشاحن

كتبت: أمنية عزمي

سماعات آبل بلوتوث هي الاختيار الأمثل لمستخدمي نظام IOS خاصة بعد ما قررت شركة آبل انها تلغي مدخل السماعة ال 3.5 ملي بداية من iPhone 7 وقدمت بدالها سماعات آبل إير بودز اللاسلكية واللي غيرت طريقة سماعك للموسيقى والأغاني بشكل كبير، بمجرد ما تخرج السماعة من علبة الشحن الخاص بها وتحطها في ودانك هتستمتع باتصال أتوماتيكي من خلال تشغيل الموسيقى فورا، ولما تشيلها بتتوقف الموسيقى تلقائيا، لكن هل السماعات دي مناسبة لكل الناس وهل تنفع في الرياضة وكان إيه تعليق الناس اللي استخدمتها ده اللي هنتعرف عليه في المراجعة دي مع ياقوطة وهنتكلم عن سماعات أذن  Apple Air Pods مع علبة الشاحن وهنعرض أهم مواصفاتها ومميزاتها وكمان عيوبها ورأي المستخدم فيها ولو عجبتك وحبيت تشتريها هتلاقي عندنا أحسن الأسعار ليه وتقدر تقارن بينهم بنفسك وتقدر كمان تطلبه من خلالنا ويوصلك في أقرب وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المميزات

  • تصميم مميز بصغر حجمه مقارنة بسماعات ear pods اللي حجمها كبير نسبيا، مصنعة من مادة البوليكاربونات وهو مادة بلاستيك قوية جدا، السماعة مميزة بلونها الأبيض اللامع وانحنائاتها والزوايا الرائعة اللي بتوجه الصوت مباشرة للأذن بوضوح كبير.
  • مستشعر ذكي، بتحتوي كل سماعة منهم على مستشعر ذكي بيكتشف حالة الاستخدام وبيعمل على إيقاف الموسيقى وتشغيلها بشكل تلقائي بمجرد وضع السماعات في الأذن بدون ما تحتاج تضغط على زر علشان تشغل أو توقف الموسيقى.
  • سهلة التثبيت، بمجرد ما تشغل البلوتوث عالموبايل وتفتح صندوق السماعات جنب الموبايل هيكتشفها تلقائيا وتظهر رسالة إذن لتشغيل السماعة.
  • ليها اختيارات متعددة تقدر تعملها من إعدادات البلوتوث في موبايلك وتقدر كمان تعدل وتظبط خيارات السماعة من نفس الصفحة، وفي إمكانية شحن صندوق السماعة عن طريق كيبل Lightning.
  • معالج W1، ويعتبر من أهم مميزات السماعة ووظيفته بتتمثل في الارتباط السريع السلس بأجهزة آبل IOS.
  • ثباتها عالي في المشي والجلوس وتقدر ترتديها لفترات طويلة بدون إزعاج.
  • مزودة بمستشعرات كتير ذكية بتقدر تعرف انت بتستخدم السماعة ولا لأ، زي انك لو شيلتها من أذنك لأي سبب هتلاقي الفيديو أو الأغنية اللي كنت بتسمعها توقفت ولما ترجع السماعة للأذن مرة تانية بتكمل اتوماتيك ودا بينفعك لو حد بيتكلم معاك وتشيل سماعة منهم علشان تسمعه وترجعها بعدها وتتابع من نفس النقطة بدون إعدادات وتدخل منك.
  • علبة الشاحن، من أكتر الحاجات اللي بتميز السماعة هي العلبة اللي بتحفظها والسماعة بتفضل متصلة بالعلبة عن طريق مغناطيس بيحافظ على ثباتها حتى لو قلبت العلبة السماعات بتفضل محتفظة بثباتها.
  • علبة السماعات بتعتبر بطارية متنقلة بتديك 5 ساعات من الاستخدام وبمجرد وضع السماعات فيها بيتم إعادة شحنها، وميزة الشحن السريع لو شحنت 15 دقيقة تديك 3 ساعات إضافية مكالمات.
  • صوت نقي بجودة عالية، تعتبر من أفضل سماعات البلوتوث للآيفون بسبب جودتها وصوتها النقي العالي.
  • تدعم Siri، بتقدر تستخدم سيري في الأوامر المعتادة وكمان في خفض أو رفع الصوت.

العيوب

  • لا يوجد فيها عازل للضوضاء وبالتالي بيكون صعب تسمع المكالمة لو فيه ضجيج حواليك.
  • ثباتها في الجري والرياضة ضعيف وغير مناسبة للرياضيين.
  • سعرها غالي رغم ان جودة الصوت في الأجهزة اللاسلكية تعتبر مشكلة عامة وبالتالي مش مختلفة كتير عن الخيارات البديلة اللي تعتبر تكلفتها أقل.
  • البطارية غير منافسة وبتوصل ل 5 ساعات عمل وبعد فترة من الاستخدام عمر البطارية بيكون 3 ساعات فقط، في حين ان فيه سماعات لاسلكية زي Moo 302 تصل ل 45 ساعة.
  • بيتم تشغيل كل سماعة ببطارية منفصلة وبالتالي بتقابل مشكلة تأخير في الوقت لو نفدت بطارية منهم قبل التانية نتيجة الاستخدام المنفصل.
  • الاتصال بالسماعات بيكون ضعيف في الأماكن المزدحمة زي الكافيهات أو الجيم وأماكن التجمعات اللي فيها واي فاي بصفة عامة وده لأن جميع الأجهزة بتعمل على نفس التردد 2.4 جيجاهيرتز وبالتالي جودة الاتصال بتنخفض.
  • السماعة بتنزل بحجم واحد فقط ومش بتناسب كل الأشخاص مع اختلاف شكل الأذن خاصة إن السماعة مش محاطة بمخدات مطاط زي العادية وبالتالي لازم تجربها الأول علشان تتأكد اذا مناسبة أو لأ.
  • غير مقاومة للماء والتعرق وبالتالي ما تقدرش تستخدمها في الجيم أو في فترات التعرق.

تجربة المستخدم

  • محبيتش استخدام سيري وحسيت انها فكرة عقيمة لأنك بمجرد ما تطلبها بيتوقف الشيء اللي بتسمعه سواء اغنية أو فيديو علشان تتلقى الأوامر والأسهل إني اتحكم في مستوى الصوت عن طريق الموبايل، وبالنسبة لل iTunes بيكون سهل التحكم فيها عن طريق الموبايل لكن لو كنت شايل الموبايل في الشنطة مثلا وصعب الوصول ليه وقتها بتكون السماعات ملهاش فائدة عملية.
  • كويسة بشكل عام لكن سعرها عالي على الإمكانيات اللي بتقدمها.

شوف سماعات أذن   Apple Air Pods مع علبة الشاحن من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

كاتبة المقال 

أمنية عزمي، بكتب من أكتر من سنة ونص، مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة كويس جدا.

Leave a Reply

Your email address will not be published. Required fields are marked *