كتبت: أمنية عزمي

هنتكلم في المراجعة دي مع ياقوطة عن لاب توب لينوفو أيديا باد 330 – معالج إنتل الجيل الثامن كور i5 8300H – شاشة 15.6 بوصة FHD– رام 8 جيجابايت- إنڨيديا 4 GTX– 1050 جيجابايت- هارد 1 تيرا بايت- أسود أونيكس- دوس من مميزاته إن الشغل معاه متعة والألعاب سلسة بفضل المعالجة الحديثة وأداء الرسومات والرامات الللي بتعزز السرعة وشاشة كاملة الدقة، وهنتعرف على أهم مواصفاته ومميزاته وكمان عيوبه ولو عجبك وحبيت تشتريه هتقدر تعرف من خلالنا أحسن الأسعار ليه وتقدر تقارن بينهم بنفسك وممكن كمان تطلبه من خلالنا ويوصلك في أسرع وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

• نوع معرف المنتج الخارجي: UPC-A
• نوع ذاكرة الوصول العشوائية: DDR4- SD RAM
• الرقم المميز للسلعة: 2724747813812
• نوع المعالج: كور آي 5 الجيل الثامن.
• حجم الذاكرة: 8 جيجابايت.
• سرعة المعالج (جيجاهرتز): 2.3.
• سعة القرص الصلب: 1 تيرا بايت.
• ذاكرة كارت الشاشة: 4 جيجابايت.
• رقم الموديل: 81FK0062AX
• نوع الشاشة: FHD IPS LED

المميزات

• مصمم ليتوافق مع التطورات على المدى البعيد، معالج من الجيل الثامن إنتل كور i5 8300H بسرعة 2.3 جيجاهرتز بتقنية ماكس تربو بيحسن الأداء بشكل كبير، وذاكرة وصول عشوائي DDR4 بسعة 8 جيجا بايت بتعزز السرعة في التطبيقات وبيمهد للألعاب بشكل أسرع.
• سهولة وقوة التعامل مع رسومات NVIDIA GeForce 1050 اللي بتفرق جدا في الألعاب ومع مصممي الجرافيكس وبتقدر تنجز معاه مهام كتير بشكل سلس ومواكب للتطور اليومي.
• مع معالجات إنتل بتقدر تشغل أكتر من برنامج أو تفتح أكتر من تطبيق في نفس الوقت وتتنقل بينهم بدون ما يأثر على سرعته.
• بيوفر مساحة هائلة لحفظ بياناتك وملفاتك بسعة تخزينية 1 تيرا بايت هتقدر تخزن عليها آلاف من الأفلام والألعاب والفيديوهات بجودة عالية والصور.
• مع نظام تشغيل ويندوز 10 هتستفاد بأفضل المميزات في تحديثاته الجديدة اللي بتسهل كتير مشاركة مقاطع الفيديو والصور بشكل أسؤع من أي وقت.
• مميز بشاشة نحيفة بحجم 15.6 بوصة بوضوح كامل فل إتش دي ضد اللمعان مع وضوح عالي للألوان هتحس بمتعة مشاهدة الأفلام ومتابعة الألعاب من خلالها.
• تصميم أنيق ومتين، مصمم بنهايات واقية من المطاط بحماية ضد التآكل والتمزق بالإضافة لتفاصيل المطاط من أسفل اللي بتوفر تهوية جيدة ويمنع ارتفاع حرارته لو اشتغلت عليه أوقات طويلة.
• تجربة ديناميكية لمسرح منزلي محمول بفضل دولبي أوديو مكبر الصوت القوي وبيوفر كمان دردشة مرئية واضحة بالتفاصيل.
• لوحة مفاتيح كاملة بإضاءة خلفية تسهل استخدامها في أي ظروف إضاءة، لوحة اللمس مصممة بإحساس عالي للإستجابة السريعة للعمل عليها.
• ميزة الشحن السريع، 15 دقيقة من الشحن بتديك عمر بطارية بيستمر معاك لساعتين، ده غير إن عمر البطارية بيستمر معاك لـ 6 ساعات حسب كلام شركة لينوفو.
• سهل التوصيل بالإنترنت في أي مكان عن طريق الواي فاي ومزود بإتصال بلوتوث وعدة منافذ منها HDMI و RJ-45 Lan وقارئ بطاقات 4×1 (MMC, Sdxc, Sdhc, Sd) ومنفذ صوت 3.5 ملم.
• مزود ب USB 3.0, 3.0 type C بيساعدك تنقل البيانات بينه وبين الأجهزة الأخرى بسرعة أكبر من العادي.

العيوب

• البطارية مش بتستحمل وقت كبير خاصة في الألعاب.
• لا يحتوي على بصمة.
• غير مزود ب DVD/ CD.
• ألوان الشاشة محتاجة تكون أقوى من كدا.
• وزنه تقيل .
• مراكز خدمة لينوفو مش متوفرة في معظم المحافظات.

خدمة العملاء

• لينوفو شركة صينية وبالنسبة لمصر المستخدم بتتعامل مع أحد توكيلاتها اللي موجودة في بعض المحافظات زي القاهرة والجيزة واسكندرية والمنيا فقط لا غير ومش بتغطي باقي المحافظات.

 تجربة المستخدم

• اللابتوب معقول جدا لكن في أنواع تانية أقوى في نفس نطاق السعر، فيهم CPU أسرع و SSD، ومواصفات أعلى، والشاشة رغم انها 1080 بكسل لكن دقتها مش حقيقية والصور محتاجة تتحسن والألوان مش حلوة، وتقيل بالنسبة للناس اللي بتحتاج تتحرك به طول الوقت لأن البطارية حجمها كبير ووزنها تقيل، بشكل عام كويس لكن فيه الأحسن منه في فئته السعرية.

شوف لاب توب لينوفو أيديا باد 330 – معالج إنتل الجيل الثامن كور i5 8300H – شاشة 15.6 بوصة FHD- رام 8 جيجابايت- إنڨيديا 4 GTX- 1050 جيجابايت- هارد 1 تيرا بايت- أسود أونيكس- دوس من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

كاتبة المقال 

أمنية عزمي، بكتب من 15 شهر. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة كويس جدا.