مواصفات وأسعار كاميرا Sony FDR-AX100 4K Ultra HD Camcorder

كتبت: أمنية عزمي

كاميرا سوني بتعتبر من أقوى وأجمل عدسات التصوير بشكل عام وفيها مميزات احترافية هتساعدك كتير سواء كنت مبتدأ أو محترف، ومهما كام الحدث أو المكان اللي إنت فيه هتقدر تسجل مع سوني أفضل اللحظات بشكل فريد وبكل دقة وانت حاسس بالراحة في التعامل.

تعالوا نتعرف مع ياقوطة على أهم مواصفات ومميزات وعيوب كاميرا سوني FDR-AX100- 4 كيه ألترا إتش دي- كاميرا فيديو ولو عجبتك وحبيت تشتريها هتلاقي عندنا أحسن الأسعار ليها وتقدر تقارن بينهم بنفسك وتقدر كمان تطلبها من خلالنا وتوصلك في أقرب وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

  • العلامة التجارية: سوني.

المميزات

  • كاميرا سوني FDR-AX100 طريقك لتقنية 4K الفائقة، بتوفر وضوح عالي جدا بدقة 3840×2160 اللي بيديك 4 أضعاف دقة الوضوح العالي الكامل، يعني صور فيها كل التفاصيل المذهلة اللي تحس إنها نابضة بالحياة وقريبة من الواقع.
  • عدسة Carl Zeiss® Vario-Sonar® T متسعة الزاوية مقاس 29 مم، عدسة مثالية لالتقاط المناظر الطبيعية بشكل رائع لأنها تم تحسينها بشكل ملحوظ لمعيار صور 4K، وبتوفر زووم بصري حتى 12× وبتحتفظ بوضوح الصورة حتى 24× وده بيوفر وضوح بنطاق واسع للصور، والوضوح بيكون حاد حتى في زوايا الإطار.
  • حساس Exmor R® CMOS، بيوفر ويدعم الوضوح العالي الكامل متعدد الأوجه، مساحة استقباله للضوء بتبلغ حوالي 4,9 ضعف حساس الصور نوع 1/ 2.88، وده بيعزز وضوح الصورة ويقلل من التشويش حتى لو التصوير تم في بيئة مظلمة، وبتقدر تستفاد بشكل كامل من إلغاء الضبط البؤري للخلفية.
  • محرك معالجة الصور BIONZX المتقدم لسرعة أعلى وجودة لا مثيل لها، المحرك يعمل بتقنية متقدمة أعلى من مثيله في الجيل السابق وحقق إعادة إنتاج أعلى بتظهر في جودة الصور النابضة بالحياة والقدرات اللي بيقدمها في دقة العرض، وبيشمل دقة العرض الفائقة بالبكسل وفيديوهات تصوير الحركة والتثبيت البصري وتسجيل الفيديو المزدوج.
  • دعم وقت التسجيل الأطول لأفلام 4K بتنسيق XAVC S، تم تطوير التنسيق للاستخدام الاحترافي لتمديد ساعات تصوير فيديو 4K، واستخدم برنامج ترميز GOP الطويل لتنسيق 264/AVC لضغط ملف الفيديو.
  • دعم معدل البت العالي عالي الوضوح، تم تطوير XAVC 4K/HD للاستخدام الاستهلاكي، وبيدعم الوضوح العالي بمعدل 50 ميجا بت في الثانية، يعني تقدر تسجل عليه أفلام بدقة عالية حتى في تصوير الحركة الشديدة.
  • تصوير بمعدل إطار عالي بدقة 120 بكسل ودقة عالية الوضوح، الكاميرا بتدعم التصوير بمعدل إطار عالي وجودة صور عالية الوضوح 1280× 720 بكسل، وبتوفر لك استخدامات مختلفة زي التحقق من هيئة الرياضيين سريعي الحركة ودا بيتم عن طريق التسجيل بدقة 120 بكسل والتشغيل بطيئ الحركة ب خُمس سرعة بيئة 24 بكسل عند المعالجة بعد التصوير، وده بيكون متوفر فقط في حالة تسجيل الأفلام بتنسيق XAVC.
  • حلقة العدسة، ودي بتتيح الضبط السلس والطبيعي للضبط البؤري أو الزووم بناء على الوضع اللي بتحدده من خلال زر ملائم.
  • كابل HDMI، بيوفر لك مشاهدة سهلة لأفلام 4K على شاشة تلفزيون بتقنية 4K أو شاشة بوضوح عالي كامل بمجرد توصيل الكاميرا بالكابل.
  • مرشحات مدمجة متعادلة الكثافة، بتساعدك تظبط مستويات الضوء اللي بتدخل للعدسة ودا بيديك حرية التحكم الدقيق في سرعة المغلاق وفتحة العدسة علشان تقدر توصل للقدارت الإبداعية بشكل أكبر، بالإضافة لحساس الصورة الكبيرة في كاميرا الفيديو فبيسمح كمان بإنشاء تأثيرات بوكيه لإلغاء الضيط البؤري للخلفية بدون زيادة سرعة مغلاق الكاميرا حتى لو كنت بتصور في الهواء الطلق وظروف مشمسة.
  • TRILUMINOS™ Color، شاشة مدعومة من سوني بتسمحلك بعرض الصور والأفلام بألوان طبيعية غنية على أي تلفزيون مجهز بشاشة TRILUMINOS اللي بيمنحك نطاق ألوان لا متناهي من ألوان الطبيعة بدرجاتها وأشكالها.
  • إمكانية إقتطاع جزء من أفلام 4K وتشغيلها على التليفزيون، وبيتم أقتطاع الصورة من خلال لمس الشاشة عند الجزء المطلوب وعرض المقطع اللي تم اختياره كفيلم عالي الوضوح.
  • إمكانية تسجيل الأفلام بأعلى جودة أو بجودة MP4، تقدر تسجل فيلمين في نفس الوقت، واحد بأقصى جودة بتنسيق XAVC S أو AVCHD وفيلم تاني بجودة MP4.
  • التحكم عن بعد بلمسة واحدة والمشاركة بلمسة واحدة، تقدر تتحكم في الكامير عن بعد عن طريق تثبيت تطبيق Play Memories Mobile على موبايلك أو على اللاب توب الخاص بك بنظام أندرويد وتوصلهم ببعض عن طريق الواي فاي وتتحكم في الكاميرا من الموبايل وتنقل الصور فور إلتقاطها للهاتف الذكي بدون الحاجة لوجود NFC.
  • 1 قناة دولبي، بتقدر من خلالها تنشأ مسارات صوت بمستوى المحترفين اللي توضح إمكانيات أفلامك، وبيتم دعم تسجيل دولبي ديجيتال 5.1 قناة والتسجيل ثنائي القناة الاستريو بتنسيق AVCHD وبيتم دعم تسجيل PCM بتنسيق XAVC S.
  • مؤثرات الصورة، مع FDR-AX100E، 7 تأثيرات بتضيف للصور جمال ممكن تستخدمها في صورك: Pop Color, Soft high key, Toy camera, High contrast monochrome, partial color, Retro photo, Posterization، من خلال التأثيرات دي بتقدر تحول الصور لأعمال فنية رائعة وبيتم عرضها على شاشة LCD بالإضافة لوظائف تانية زي اكتشاف الوجه اللي بتستخدمها لتغيير تأثير الصورة.
  • خاصية إلغاء صوتي أو My Voice Cancelling، بتلغي صوتك وانت بتسجل الفيديوهات وبتحافظ في نفس الوقت على أصوات الأهداف اللي بيتم تصويرها وبتتم عن طريق تحديد الأصوات وإلغاء الصوت القادم من خلف الكاميرا.
  • Direct Copy لنقل سريع للملفات، بتمكنك من نقل بيانات الكاميرا الخاصة بك لمحرك أقراص ثابت عن طريق USB 2.0 وبتمكنك كمان من تشغيل الملفات المخزنة على الأقراص الصلبة على الشاشة ال LCD الخاصة بالكاميرا.

العيوب

  • سعرها عالي شوية.
  • بتحتاج كارت ذاكرة إضافي لأن التصوير بدقة عالية بيستهلك مساحة كبيرة وبتحتاج تفضي أو توفر مساحة أول بأول.

تجربة المستخدم

في الحقيقة المستخدمين اختلفوا عن مميزاتها وعيوبها، وهنحاول نجمع المزايا والعيوب في عناصر

الإيجابيات

  • ايجابياتها: بتنتج صور 4K مذهلة لما تكون على حامل ثلاثي.
  • متفوقة جدًا في التصوير في ظروف الإضاءة المنخفضة بسبب ان المستشعر 1 تحسن بنسبة كبيرة عن المستشعر 1/2
  • تعتبر تاني أروع كاميرا بتصور 4K
  • حلقة التركيز اليدوي أكبر واستجابتها أعلى.
  • مرشحات ND المدمجة رائعة.

السلبيات

  • لما بتكون محمولة وبتتبع بها أهداف متحركة بتكون الصورة غير جيدة.
  • تعمل فقط مع نظام التشغيل Vista أو الأحدث ولا تعمل مع XP والأقدم منه.
  • شاشة اللمس تحتاج أحيانا لأكتر من نقرة لتنفيذ المطلوب.
  • الأزرار كلها مسطحة وباللون الأسود وكان يفضل تمييزها بالألوان وزر التصوير قريب جدا من زر ايقاف الكاميرا ودا بيخلي أي خطأ يمسح الفيديوهات اللي تم تصويرها.

شوف كاميرا سوني FDR-AX100- 4 كيه ألترا إتش دي- كاميرا فيديو من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

كاتبة المقال   

أمنية عزمي، بكتب من 12 شهر. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة 100%.

Leave a Reply

Your email address will not be published. Required fields are marked *