مواصفات وأسعار تليفزيون إل جي 55UM7340 – 55 بوصة 4K Ultra HD- سمارت

كتبت: أمنية عزمي

التليفزيونات من أجهزة الترفيه المهمة في كل مكان وبتعتبر من الأجهزة المعمرة اللي لازم نتحرى فيها عن كل معلومة من أكتر من مصدر ودايما لازم تسمع الآراء المتجددة واللي استخدمت المنتج حتى آخر إصدار وما تعتمدش على السمعة اللي واخداها أي علامة تجارية طول الوقت لأن ممكن أي أحداث تتغير وتغير معاها الفكرة دي، مبدأيا لما تيجي تشتري تلفزيون بتحدد حجم الشاشة وبعدين دقة الشاشة إذا HD, FHD, UHD, 4K، وعدد مداخل التلفزيون وهل هو سمارت ولا عادي وهل فيه ريسيڨر داخلي ولا لأ، مواصفات كتير بتنقلك لمتعة المشاهدة والتواصل عن طريق الإنترنت وتوصيله بالألعاب، يعني بتختار المواصفات اللي حابب إنها تنقل لك متعة الترفيه لحد عندك وانت قاعد في مكانك.

هنتكلم في المراجعة دي مع ياقوطة عن تليفزيون إل جي 55UM7340 55 بوصة 4K Ultra HD– سمارت وهنتعرف على أهم مواصفاته ومميزاته وكمان عيوبه ورأي المستخدم فيه، ولو عجبك وحبيت تشتريه هتلاقي عندنا أحسن الأسعار ليه وتقدر تقارن بينهم بنفسك وتقدر كمان تطلبه من خلالنا ويوصلك في أقرب وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

  • نوع العرض: LED|Smart|Ultra HD 4K|IPS
  • نظام التشغيل: WebOS
  • بلد المنشأ: مصر.
  • اللون: أسود.
  • أبعاد المنتج: 1247× 785× 231 ملم.
  • الكود التعريفي للمنتج: LG178EL1LBNRNNAFAMZ
  • الاتصال: Wi-Fi|Bluetooth|HDMI|USB 2.0
  • عدد سنوات الضمان: 2 عام.
  • الموديل: 55UM7340PVA
  • نوع المعالج: Quad Core
  • حجم الشاشة بالبوصة: 55 بوصة.

المميزات

  • تقنية النطاق الديناميكي المرتفع HDR هيوفرلك ألوان حقيقية طبيعية من خلال تعديل سطوع الشاشة بالمستوى اللي تظهر فيه الصور بوضوح وواقعية.
  • 4K دقة عالية لصورة حادة تبلغ 4 أضعاف النقاء لأي شاشة هتحس معاها بمتعة المشاهدة.
  • صورة تعمل بمعالج رباعي النواة بيعمل على تحسين الدقة حتى في جودة الصورة المنخفضة للوصول لجودة صورة تقترب من 4K وبيعمل على تقلييل الضوضاء المشتتة.
  • مزود بنظام WebOS بتقدر تبحث عن التطبيقات من خلاله وبيقدملك خدمات كتير وبتقدر تتحكم في الأوامر باستخدام صوتك فقط.
  • بيتمتع بزوايا رؤية عريضة بفضل لوحة IPS 4K اللي بتقدر تشوف معاها الشاشة بوضوح من أي زاوية حتى زاوية 60 درجة بدقة ألوان 100% تقريبا.
  • الشاشة سمارت، بتقدر تتابع من خلالها كل التطبيقات عالإنترنت بشكل أوضح وأسهل على شاشته وتقدر كمان تنزل تطبيقاتك المفضلة من جوجل ستور وتستمتع بها.
  • صوت رائع صافي متعدد الأبعاد مع DTS اللي بيمثل بعد آخر للصوت بيخرج من كل زوايا التلفزيون عن طريق السماعات المدمجة فيه.
  • شاشة رائعة بحجم 55 بوصة بدقة 3840×2160 بتظهر فيها أدق التفاصيل، واضحة من كل زوايا الرؤية والمشاهدة فيها متعة حقيقية.
  • الشاشة ليد يعني إضائتها خلفية ودا بيمنحك تباين رائع للون الأسود حتى في أحلك اللقطات وألوان صافية وطبيعية.
  • مزود بمدخلين يو إس بي بتقدر من خلالهم تشوف أفلامك وصورك المفضلة وكمان بيستخدموا في تحديث السوفت وير.
  • مزود ب 3 منافذ HDMI اللي بتوصل من خلالهم الأجهزة الأخرى زي البلاي ستيشن والكاميرات وتستمتع بألعابك الترفيهية، ومدخلين USB.
  • مزود بمدخل LAN بتوصل به كابل الراوتر وتقدر تستخدمه وايرلس.
  • سمك الشاشة رفيع ودا بيديك اختيار إنك تعلقه عالحائط وبالتالي تقدر تستغل المساحة بشكل أفضل وتحافظ عليه من الصدمات.
  • مزود بريسيفر داخلي عالي الجودة بتقدر تتابع من خلاله القنوات الفضائية وترتبها حسب اختيارك.
  • سهل التنقل من التطبيقات للقنوات والألعاب كأنك بتقلب قنوات.

العيوب

  • خلفية الشاشة ضعيفة جدا خاصة ان حجم الشاشة كبير والقاعدة اللي متثبتة عليها برضه ضعيفة وممكن تقع بسهولة وممكن تحل المشكلة دي بإنك تعلق الشاشة عالحائط علشان تبقى في أمان.
  • فترة الضمان سنتين ودي فترة قليلة جدا بالنسبة للتليفزيونات ومفروض مش بتقل عن 3 سنوات.
  • سرعة المعالج بطيئة وبتحس بالبطأ في التصفح والتنقل بين التطبيقات مع ان المشكلة دي مش موجودة في الأنواع العادية.
  • الشاشة بدون مفاتيح تحكم زي المفروض انها موجودة في كل تليفزيون والتحكم فيها بيكون عن طريق الريموت كنترول فقط.

خدمة العملاء

  • مراكز الصيانة متوفرة في كل مكان لكن في شكاوى كتير من سوء الصيانة وانهم مش بالكفاءة المطلوبة والتليفزيونات ليها أعطال كتير وبتروح الصيانة أكتر من مرة وبترجع بنفس العطل بالإضافة ان أسعارهم مبالغ فيها في الصيانة.

آراء المستخدمين

  • آراء الناس اختلفت كتير عن اللي كان جايب إل جي من بره واللي اشتراه تصنيع مصري، في فرق كبير في الخامات وفي جودة الصورة، وكان رأي اللي اشترى حجم الشاشة ال 55 ان الضهر خامته ضعيفة جدا والصورة معقولة لكن مش بجودة المستورد.

شوف تليفزيون إل جي 55UM7340 – 55 بوصة 4K Ultra HD- سمارت من هنا.

**قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

كاتبة المقال

أمنية عزمي، بكتب من سنة ونص. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة كويس جدا.

Leave a Reply

Your email address will not be published. Required fields are marked *