مواصفات وعيوب موبايل Xiaomi الاقتصادي المتميز Redmi 7

مواصفات وعيوب موبايل Xiaomi الاقتصادي المتميز Redmi 7

كتب: خالد عاصم

قدرت Xiaomi إنها تسيطر على جزء مش قليل من سوق الموبايلات في مصر وخصوصًا في الفئتين المتوسطة والاقتصادية، فالشركة الصينية المتميزة قدرت إنها توفر مجموعة ممتازة من الموبايلات اللي بتقدم أكتر من اللي بيحتاجه مستخدم فئة سعرية معينة وبسعر مقبول جدًا ومنافس جدًا، وبعد النجاح الذي حققه هاتف Redmi Note 7 في الفئة السعرية فوق ٣٠٠٠ جنيه، جاء وقت هاتف Redmi 7 ليسعى لتحقيق النجاح ذاته في الفئة السعرية أقل من ٢٠٠٠ جنيه.

في المقال ده هنتكلم عن واحد من أبرز الموبايلات في الفئة السعرية بين ٢٠٠٠ جنيه و٣٠٠٠ جنيه وهو موبايل Redmi 7 من Xiaomi واللي بيتميز بإمكانيات رائعة في الفئة السعرية دي، ولو عجبكم الموبايل هتقدروا تطلبوه من خلالنا في ياقوطة وهيوصلكم لحد باب البيت أو مكان ما تحبوا بأسرع وقت ممكن.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

هاتف Redmi 7

المواصفات

  • أبعاد الموبايل: ٨.٥ × ٧٥.٦ × ١٥٨.٧ مم.
  • وزن الموبايل: ١٨٠ جرام.
  • شرايح الاتصال: شريحتين.
  • حماية الهاتف: مقاوم لرشات المياه.
  • شاشة الموبايل: بشاشة بشق قطرة المياه قطرها ٦.٢٦ بوصة بمعدل ١٩:٩ وده بيخليها تشغل حوالي ٨١.٥ % من مساحة واجهة الموبايل، دقة الشاشة ١٥٢٠ × ٧٢٠ بيكسل وكثافتها ٢٦٩ بيكسل لكل بوصة والشاشة مصنوعة من شرائح IPS LCD ومحمية بزجاج كورنينج جوريلا الإصدار الخامس
  • الإمكانيات الداخلية: الموبايل بيعتمد على بروسيسور كوالكوم سنابدراجون ٦٣٢ وده بروسيسور ثماني النواة سرعته ١.٨ جيجا هيرتز لأربع شرايح Kryo 250 Gold وسرعة ١٫٨ جيجا هيرتز لاربع شرائح Kryo 250 Silver ومدمج فيه بروسيسور جرافيكس Adreno 506، الموبايل بيصدر بإصدار بذاكرة عشوائية سعتها ٢ جيجابايت رام وذاكرة داخلية سعتها ١٦ جيجابايت وبإصدارين بذاكرة عشوائية سعتها ٣ جيجابايت رام بذاكرة داخلية سعتها ٣٢ جيجابايت و ٤ جيجابايت بميموري٦٤ جيجابايت، وبيقبل الموبايل كروت الميموري لحد ٥١٢ جيجابايت من خلال منفذ مستقل.
  • نظام التشغيل: الموبايل بيشتغل بنظام تشغيل أندرويد ٩ باي بواجهة مستخدم MIUI 9
  • الكاميرا الخلفية: الكاميرا الخلفية مزدوجة ودقة العدسة الأولى ١٢ ميجا بيكسل وفتحة f/2.2 وقوة العدسة التانية ٢ ميجا بيكسل وخاصة باستشعار عمق الصورة والكاميرا الخلفية بتقدر تصور الصور بتأثير بوكيه وكمان بتقدر تصور الفيديو بجودة 1080p بمعدلات ٣٠ و٦٠ إطار في الثانية ومدعومة بفلاش ليد فردي.
  • الكاميرا الأمامية: أما الكاميرا الأمامية للموبايل فهي بقوة ٨ ميجا بيكسل بفتحة f/2.0 وهي مدعومة بتقنية HDR وبتقدر تصور الفيديو بجودة 1080p بمعدل ٣٠ إطار في الثانية
  • منفذ ٣٫٥ مم: الموبايل بيقبل توصيل السماعات عن طريق منفذ ٣٫٥ مم.
  • منفذ يو إس بي: نوعه microUSB
  • ماسح البصمة: خلفي.
  • مستشعرات الموبايل: التقارب والبوصلة والتسارع.
  • البطارية: نوعها ليثيوم آيون وهي بطارية غير قابلة للإزالة سعتها ٤٠٠٠ مللي أمبير في الساعة.

مميزات وعيوب Redmi 7

مميزات Redmi 7

  • موبايل Redmi 7 بيتميز بحمايته ضد رشات المياه.
  • تصميم الموبايل مايختلفش عن تصميم الموبايلات التانية المنتمية للفئات المختلفة وخصوصًا الموبايل الأغلى منه شويه Redmi Note 7.
  • الشاشة كبيرة وبتوفر مساحة رؤية ممتازة.
  • الشاشة بتحتل نسبة مقبولة جدًا من المساحة الأمامية للموبايل.
  • شاشة Redmi 7 محمية بزجاج كورنينج جوريلا جلاس الإصدار الخامس.
  • الموبايل بيعتمد على واحد من أفضل المعالجات في الفئة السعرية دي.
  • بيوفر الموبايل مجموعة من الإصدارات المتنوعة اللي بتدي مساحة اختيار ممتازة للمستخدم.
  • موبايل Redmi 7 بيدعم كروت الميموري لحد ٥١٢ جيجابايت وكمان من خلال منفذ مستقل مش بيأثر على استخدام بطاقات الاتصال
  • الموبايل بيشتغل بنظام تشغيل اندرويد ٩ باي.
  • كاميرا الموبايل الخلفية مزدوجة بتقدر تصور صور بورتريه طبيعية.
  • الكاميرا الخلفية بتدعم تصوير الفيديو بجودة 1080p بمعدل ٦٠ إطار في الثانية
  • الموبايل بيقبل السماعات السلكية من خلال منفذ ٣٫٥ مم
  • الموبايل فيه مرسل الأشعة تحت الحمراء اللي بتخليه يشتغل كجهاز تحكم عن بعد
  • فيه ماسح بصمة خلفي
  • راديو إف إم بصوت ممتاز وإرسال قوي
  • بطارية Redmi 7 ضخمة سعتها ٤٠٠٠ ميللي أمبير في الساعة

عيوب Redmi 7

  • الموبايل هيكله وجسمه معمول من البلاستيك.
  • دقة عرض الشاشة ضعيفة وإن كان ده أمر طبيعي في الفئة السعرية دي.
  • شاشة الموبايل IPS LCD من OLED
  • الكاميرا الخلفية فتحة العدسة بتاعتها ضيقة عن المعتاد في العدسات الرئيسية للكاميرات الخلفية وكمان مش عريضة
  • الكاميرا الأمامية للموبايل متوسطة المستوى وممكن تكون أقل شوية من موبايلات تانية الفرق السعري بينها وبين Redmi 7 مش كبير.
  • الموبايل مفيهوش مستشعر دوران.
  • Redmi 7 بيعتمد على منفذ microUSB 2.0 في الشحن ونقل البيانات.
  • بطارية الموبايل مش بتدعم تقنية الشحن السريع.

شوف عروض أسعار موبايل Redmi 7 من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.

Leave a Reply

Your email address will not be published. Required fields are marked *