مميزات وعيوب تكييف شارب بارد فقط-بلازما كلاستر- إنڨرتر- سبليت ١٫٥ حصان

مميزات وعيوب و سعر تكييف شارب بارد فقط-بلازما كلاستر- إنڨرتر-

كتبت: أمنية عزمي  

الناس اهتماماتها بتختلف، يعني مثلًا في الحر تلاقي ناس بتدور على تكييفات تبرد حرارة الجو وتقلل الرطوبة وده كل اللي بيهمها ان الجو يكون لطيف، وفيه ناس بتدور على مستوى تاني اللي مش بس بيكمن في تبريد الجو وظبط الرطوبة، لأ. بتحب تنقي الهواء اللس بتستنشقه من أي بكتيريا وأتربة وفيروسات، بتحب تستنشق هواء صحي بدون أتربة ولا ملوثات وهنا بييجي دور التكييفات بالبلازما كلاستر اللي بتتميز بخاصية التنظيف الذاتي عن طريق الأيونات واللي بتديك الجو المثالي من هواء صحي نقي بارد. 

هنتكلم في المراجعة دي مع ياقوطة عن تكييف من أقوى الأنواع وأشهرها في السوق وهو تكييف شارب AH-XP12UHE بارد فقط-بلازما كلاستر- إنڨرتر- سبليت ١٫٥ حصان وهنوضح أهم مواصفاته ومميزاته وعيوبه وكمان رأي المستخدم فيه علشان تقدر تكون فكرة كاملة تساعدك في القرار لو بتفكر في إقتناؤه، ولو عجبك وحبيت  تشتريه هتلاقي عندنا أحسن الأسعار ليه وتقدر تقارن بينهم بنفسك وتقدر كمان تطلبه من خلالنا وهيوصل لغاية عندك في أسرع وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

كود المنتج التعريفي SH287HL08PHNMNAFAMZ
بلد المنشأ اليابان.
اللون فضي.
وزن المنتج ٥١ كجم.
فترة الضمان ٥ سنوات.
موديل AH-XP12UHE

المميزات

  • قوته ١٫٥ حصان، بيغطي مساحة ١٢ متر مربع.
  • كمبريسور إنفرتر، أداؤه أعلى من المكيفات العادية وبيدي تبريد قوي وأسرع من العادي.
  • مزود بخاصية تربو اللي بتزود سرعة ضخ الهواء علشان تحصل على درجة الحرارة المطلوبة بأقصى سرعة.
  • مزود بتقنية ECO اللي بتوفر الطاقة، فبمجرد الوصول لدرجة الحرارة المطلوبة للغرفة بيتجه لنمط توفير الطاقة وبيوفر الطاقة بنسبة بتصل ل 60%.
  • بلازما كلاستر أيون، بتطلق أيونات تنقي الهواء من البكتيريا والفيروسات والروائح الكريهة وتمنحك هواء صحي نقي.
  • شارب بيستخدم فريون صديق للبيئة.
  • وضع سوبر جيت اللي بتعمل على تدفق كمية هواء كبيرة للأسفل لتبريد سريع في الغرفة بالكامل.
  • فيه خاصية توجيه الهواء من خلال الريش لكل الاتجاهات وبتقدر كمان تثبتها في اتجاه معين وبتتحكم فيها عن طريق الريموت والريش يدوي.
  • شاشة ديجيتال بتعرف منها درجات الحرارة.
  • فيه مؤشر تنبيه لميعاد تنضيف الفلاتر علشان تحافظ على نفس مستوى النقاء في المكان.
  • وحدته الخارجية مقاومة للصدأ والتآكل بفضل دهانات شارب الخاصة اللي بتحافظ عليه.
  • فيه خاصية التشغيل الجاف اللي بتمنحك هواء خالي من الرطوبة ودا مناسب للمناطق اللي فيها رطوبة عالية أثناء الصيف.
  • فيه خاصية التشغيل الهادئ لوقت النوم واللي بتحصل من خلالها على نوم هادئ بدون صوت.
  • مزود بخاصية إعادة التشغيل التلقائي اللي بتنفع في حالة انقطاع التيار الكهربائي، واللي بتخليه يشتغل أتوماتيك على نفس البرنامج عند عودة التيار.
  • فيه تايمر بتتحكم من خلاله في فترة التشغيل.
  • مزود بخاصية التنظيف الذاتي بأيونات البلازما اللي بتنضف الجهاز من الداخل وتحافظ عليه.
  • مزود بريموت للتحكم عن بعد فيه كل الوظائف.
  • عليه ضمان ٥ سنوات.

العيوب

  • سعره أعلى من العادي لكن فيه كل الإمكانيات ومواصفاته عالية.
  • بتحتاج تنضف الفلاتر بصفة مستمرة علشان تحافظ على كفاءته في العمل وعلى نقاء الهواء.
  • مش بيحتوي على تقنية التشخيص الذكي للمشكلة اللي بتساعدك تعرف إيه المشكلة اللي بتواجهه.

خدمة ما بعد البيع

  • عندهم أكبر شبكة من مراكز الصيانة وبتغطي مناطق الجمهورية كلها.
  • المهندسين والفنيين على أعلى مستوى من الكفاءة وعندهم سرعة استجابة عالية ومعاملتهم محترمة.
  • قطع الغيار متوفرة بالضمان.
  • الضمان شامل على الجهاز لمدة ٥ سنوات.

تجربة المستخدم

  • من خلال تجربتي معاه أقدر أقولكم إن الإنفرتر فعلًا بيوفر في الكهرباء بنسبة كبيرة من ٤٠ لـ ٦٠٪ وكمان بيقلل من صوت الكباس يعني بيبقى هادي خالص ماتسمعلوش صوت، وعنده قدرة رهيبة على تثبيت حرارة المكان اللي بيكيفه طول الوقت، ومن مميزاته كمان إن التكييف بيشتغل على أي فولت يعني لو الكهرباء عندك ضعيفة بيشتغل عادي، وبينقي الهواء بشكل رائع، الحقيقة كله مميزات بس خلي بالك من إن التكييف بيشتغل على كروت إلكترونية حساسة عشان كده مهم المهندسيين بس اللي يشوفوه لو حصل مشكلة.
  • مواعيدهم سيئة جدًا جدًا، كان عندي مشكلة في التكييف وادوني ميعاد بعد ٢٠ يوم، كنت هتجنن. وللأسف خدمة العملاء حافظين مش فاهمين. ندمت إني اشتريته.

شوف تكييف شارب AH-XP12UHE بارد فقط- بلازما كلاستر- إنڨرتر- سبليت ١٫٥ حصان من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

 أمنية عزمي، بكتب من 6 شهور. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرء كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول دايمًا أجرب أي جهاز بنفسي قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة 100%.

Leave a Reply

Your email address will not be published. Required fields are marked *