كتبت: إسراء عادل

محدش مننا يقدر يستغنى عن المكنسة لأنها حاجة مهمة جدًا في كل بيت، ممكن تتخيل صعوبة تنضيف البيوت كانت إزاي قبل ما يخترع المهندس الإنجليزي “هيربرت بوت” أول مكنسة كهربية عام ١٩٠١ م، عشان تتطور بعدها على مدار قرن كامل وتوصل لشكلها العصري المعروف دلوقتي. المكنسة بتحافظ علي السجاجيد وبتلم كل التراب الموجود فيهم بوقت ومجهود بسيط جدًا. عشان كده، ياقوطة هتقولك على خطوات بسيطة عشان تعرف إزاي تشتري مكنسة كهربية، وكمان هتقدملك قايمة بأحسن ٥ مكانس من بين الأكثر مبيعًا على ياقوطة.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

قبل ما ندخل في الموضوع، لازم نتأكد الأول إنك عارف شوية معلومات بسيطة لكن أساسية عشان تقدر تشتري مكنسة كهربية مناسبة. زي النوع، الحجم، مكان تجمع الأتربة، كفاءة المكنسة وملحقاتها كمان.

النوع

في ٣ أنواع للمكانس الكهربائية:

• النوع الأول: بتكون فيها وحدة الشفط والموتور في مكان واحد.

• النوع التاني: بتكون فيها الموتور ووحدة الشفط منفصلين.

• النوع التالت: بتكون صغيرة ممكن تشيلها في إيدك.

أفضلهم جميعًا اللي فيها الموتور ووحدة الشفط في نفس المكان، أو الصغيرة عشان بتكون سهلة الحركة وبتعرف تنتقل بيها في كل مكان في البيت.

تقدر تشوف أنواع مختلفة من المكانس الكهربائية من هنا.

الوزن

من الحاجات المهمة اللي لازم تبصلها وانت بتجيب المكنسة وزنها لإن الوزن مهم جدًا، لازم تجيب مكنسة وزنها مناسب عشان تقدر تشيلها وتكنس بيها.

مكان تجمع الأتربة

لازم تخلي بالك لما تيجي تشتري مكنسة إن في نوعين:

• النوع الأول: مكنسة فيها كيس بيتجمع فيه الغبار.

• النوع التاني: مكنسة مفيهاش كيس.

تقدر تشتري مكنسة مفيهاش كيس من هنا.

الأحسن طبعًا المكنسة اللي فيها كيس عشان ما تضطرش تشتريلها كيس كل شوية.

كفاءة المكنسة

كفاءة المكنسة بتعتمد عمومًا على حاجتين أولًا حجم كيس المكنسة بالنسبة للمكانس اللي فيها كيس، فكل ما كان حجم الكيس أكبر وفيه مساحة فاضية كل ما كانت قوة الشفط أفضل. ولو الكيس ده كان مليان مش هتحس إن المكنسة بتشفط قوي.

وبالنسبة للمكانس اللي مفيهاش كيس وبتعتمد في تخزين الأتربة في علبة زي الدورق كده بسعات مختلفة من ١٫٥ لتر وأكتر وكل ما كانت السعة اللترية أكبر وفيها مكان فاضي كل ما كانت قوة الشفط أفضل.

تاني حاجة بتعتمد عليها قوة الشفط هي قوة الوات الخاصة بكل مكنسة وكل ما قوة الوات زادت – مع وجود مساحة فاضية في كيس المكنسة طبعًا أو الدورق الخاص بيها – كل ما كانت قوة الشفط أفضل وعادةً المكانس اللي تشتريها وانت مطمن المفروض ما تقلش عن ٢٠٠٠ وات. أما السعات المنتشرة في المكانس المتاحة في السوق بتبدأ من ١٦٠٠ وات وبتوصل لغاية ٣٠٠٠ وات.

ملحقات المكنسة

لازم تبص لملحقات المكنسة عشان الأجزاء دي بتبقى مهمة جدًا لأنها بتساعدك تنضف المرتبة والأرض والصالون. أنا لما جيت اشتري مكنسة اشتريت الصغيرة عشان تبقى سهلة الحركة وأعرف أشيلها.

الجدول الجاي بنوضحلك فيه أفضل ٥ مكانس من بين الأكثر مبيعًا على ياقوطة، وبنقارنلك بينهم من حيث العيوب، المميزات وكمان الأسعار:

مكنسة بدون كيس من سامسونج 2000 وات

المواصفات

• حقيبة بدون أكياس.
• قدرة ٢٠٠٠ وات.
• طول سلك الطاقة ٦٫١ متر.
• خرطوم الدوران ٣٦٠ درجة.
• إرجاع السلك التلقائي.
• الوزن الصافى ٤٫٦ كجم.

المميزات

• مزودة بعجلات بتوفر ثبات وسهولة تحريك بشكل أفضل.
• بتزيل الغبار والمواد المثيرة للحساسية.
• مثالية للمنازل اللي بتضم حيوانات أليفة أو الأشخاص اللي بيعانوا من الحساسية.
• فلتر تنقية الهواء لضمان تنقية الهواء المطرود أثناء الكنس.

العيوب

• قوة الشفط بتاعتها مش عالية.

ممكن تشتري مكنسة بدون كيس من سامسونج 2000 وات على ياقوطة من هنا، بسعر يبدأ من ٣١٠٠ جنيه مصري.

مكنسة كهربائية باناسونيك 2100 وات – MCYL699

المواصفات

• فيها حاجز مضاد للبكتريا.
• ليها سعة تصل إلى ٢٠ لتر.
• قدرة ٢١٠٠ وات.
• صناعة يابانية.

المميزات

• مناسبة للمساحات الكبيرة.
• فيها فلتر مضاد للبكتريا.
• فلتر البكتريا بيتغسل وده بيضمن حماية أكتر.

العيوب

• مش مناسبة للشقق الصغيرة.

ممكن تشتري مكنسة كهربائية باناسونيك 2100 وات – MCYL699 على ياقوطة من هنا، بسعر يبدأ من ٤٨٧٤ جنيه مصري.

مكنسة كهربائية إل جي – VK7320NHAR

المواصفات

• قدرة ٢٠٠٠ وات.
• مزودة بتكنولوجيا ضغط الغبار حتى ٦ لتر.
• يوجد بها فلتر كاربون.
• لوحة تحكم منزلقة.

المميزات

• قوة الشفط بتاعتها عالية وطويلة.
• سهولة التخلص من الغبار.

العيوب

• مش مناسبة للمساحات الكبيرة.

ممكن تشتري مكنسة كهربائية إل جي – VK7320NHAR على ياقوطة من هنا، بسعر يبدأ من ٥٥٣٢ جنيه مصري.

مكنسة كهربائية هيتاشي 2100 وات – Cv-960Y

المواصفات

• قدرة ٢١٠٠ وات.
• طول سلك الطاقة ٥ متر.
• فلتر قماش.
• الوزن ٣ كجم.
• سعة ٢١ لتر.

المميزات

• بيبقى معاها ملحقات كتير زي فرشاة للستاير والغبار والنفايات.

العيوب

• وزنها تقيل.

ممكن تشتري مكنسة كهربائية هيتاشي 2100 وات – Cv-960Y على ياقوطة من هنا، بسعر يبدأ من ٣١٩٩ جنيه مصري.

مكنسة كهربائية General شفط مياه وأتربة 80 لتر 3000 وات بالمشتملات

المواصفات

• سعة ٨٠ لتر.
• قدرة ٣٠٠٠ وات.
• التانك بتاعها مصنوع من الاستانلس ستيل.

المميزات

• موتورها قوي من غير ضوضاء.
• قوة الشفط بتاعتها قوية.
• ليها عجلات بتسهل استخدامها.
• بتشفط المياه.

العيوب

• حجمها كبير.

ممكن تشتري مكنسة كهربائية General شفط مياه وأتربة 80 لتر 3000 وات بالمشتملات على ياقوطة من هنا، بسعر يبدأ من ٥٤٢٠ جنيه مصري.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.