مراجعة ماكينة البيتي فور والبسكوت لعمل أحلى بسكوت في البيت
كتبت: أمنية عزمي
أكلات وحلويات كتير بنختلف على حبها، لكن البسكوت بأنواعه والبيتي فور محدش بيختلف عليه والكل بيحبهم سواء أطفال أو كبار، أكتر حاجة بتميزهم في محلات الحلويات هي أشكالهم الجميلة اللي تفتح النفس، لكن طبعًا لا يعلى على الطعم البيتي المتكلف واللي مضمونة نضافته وممكن كمان تعمل ضعف الكمية بنفس الإمكانيات مع ماكينة تقطيع البسكوت والبيتي فور مش هيبقى عندك المشكلة دي وهتقدر تعمل أكتر من شكل.
تعالوا مع ياقوطة نشوف ماكينة البيتي فور والبسكوت Biscuit Maker ونشوف مواصفاتها ومميزاتها وعيوبها علشان لو عجبتك وحبيت تشتريها هتلاقي عندنا أحسن الأسعار ليها وتقدر تقارن بينهم بنفسك وتقدر كمان تطلبها من خلالنا وتوصل لحد عندك في أقرب وقت.
*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.
المواصفات
- العلامة التجارية: أخرى.
- نوع الماكينة: خبز.
- اللون: أحمر.
- كود المنتج: 2724271693959
المميزات
- سهلة في الاستخدام، بترفع الكباس وتدخل العجين وتركب الكباس فوقه وتوقفها بشكل عمودي على الصاج المدهون زيت أو زبدة وتضغط يد الكباس أول مرة ضغطتين وترفعه هتلاقي الشكل اترسم على الصاج وبعد كده بتضغط الشكل مرة واحدة.
- بتحتوي على مكبس جودته عالية وسهل في الاستخدام.
- المقبض مصمم بشكل هندسي يخليه مريح وناعم في الإمساك به علشان ميأذيش الإيد مع الاستعمال المتكرر وقت الضغط عليه.
- مزود بـ ١٨ قطعة بتديك أشكال مختلفة بتتركب في فوهة الماكينة.
- مميز بسهولة تركيبه وتنظيفه لأنه مصنوع من الاستانلس ستيل سهل التنظيف وضد الالتصاق وضد الصدأ.
- يعتبر من أفضل ماكينات صنع البيتي فور.
- بيجذب الأطفال إنها تساعد أمهاتهم في التحضير لجمال الأشكال اللي بيقدمها وسلالة تشغيله.
- بتشتغل بشكل يدوي يعني مش هتستهلك كهرباء.
- حجمها صغير وسهلة لأي حد يستخدمها سواء كبار أو صغيرين وكمان مش بتاخد حيز في التخزين.
- الشكل النهائي هو أهم خطوة في تقديم أي أكلة وماكينة البيتي فور والبسكوت بتتوج نجاح خبزك للبيتي فور والبسكوت بأجمل الأشكال المختلفة معظمها تشبه الزهور اللي تفتح النفس مع تجميلها بالمربى أو الشوكولاتة.
- لونها جميل وبيضفي عليها جاذبية وشياكة.
العيوب
- إن كل الأشكال المرفقة معاها من نفس النوع يعني مثلًا ورد كلها وكان يفضل يبقى فيها تنوع زي أشكال حيوانات للأطفال مثلًا.
- مش مرفق معاها أقماع تزيين التورت بالكريمات زي أنواع تانية كتير وده بيحد استخدامها في البيتي فور فقط والأنواع التانية بتديك اختيارات لعمل بلح الشام والبسكوت وعمل وردات وأشكال كريمة على التورتة.
- حجمها متوسط مش بياخد كمية كبيرة وبيخليك تضطر تفكها وتملاها كل شوية.
خدمة العملاء
- ملوش ضمان ولا اسم ومن المنتجات اللي بتشتريها وتستهلكها وخلاص. وغالبًا مش بيبوظ فيه حاجة. أنا شخصيًا جربته كتير.
تجربة المستخدم
- من وأنا صغيرة كنا بنعمل به البيتي فور مع ماما وكنت بحب جدًا اليوم ده علشان أقعد أعمل أشكال وأفنن به وألزق كل شكلين مع بعض بالمربى والشوكولاتة الفورماسيلا وبيطلع أشكال تحفة.
- جميل وسلس وسهل وبجيبله أقماع بتاعة الكريمة وبلح الشام وبركبها فيه لإنهم كلهم نفس الحجم وبكده بستخدمه في حاجات كتير زي البسكوت والبيتي فور ويلح الشام وأزّين به التورت.
شوف ماكينة تشكيل البسكوت Biscuit Maker من هنا.
*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.
عن كاتب المقال