مميزات وعيوب موبايل Xiaomi Redmi 9C

كتبت: أمنية عزمي

موبايل شاومي ريدمي 9C بيستهدف الفئة الاقتصادية بمواصفات قوية بالنسبة لنفس الفئة، المعالج بيعتبر الأفضل في فئته وبيقدم أداء جيد جدا في الألعاب، الشاشة كبيرة بحجم 6.53 بوصة، بالإضافة لمساحة تخزين 32 و 64 جيجابايت ورام 2 و 3  جيجابايت، مع 3 كاميرات خلفية وأخيرا بطارية ضخمة بسعة 5000 مللي أمبير.

تعالى مع ياقوطة إتعرف على أهم مواصفات ومميزات وعيوب موبايل Xiaomi Redmi 9C واتعرف كمان على رأي المستخدم فيه، ولو عجبك وحبيت تشتريه هتلاقي عندنا أحسن الأسعار ليه وتقدر تقارن بينهم بنفسك وتقدر كمان تطلبه من خلالنا ويوصلك في أقرب وقت.

بنفكرك إنك ممكن تشتري Xiaomi Redmi 9C من خلال شهري أول وأسهل تطبيق تقسيط في مصر واللي مش بيحتاج منك غير صورة البطاقة وصورة إيصال مرافق وبس، من غير زيارة ولا ضامن واستمتع كمان بالتوصيل مجاني لكل مشترياتك.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

  • الشاشة: 6.53 بوصة HD
  • المعالج: ثماني النواة Helio G53 تكنولوجيا 12 نانو
  • نظام التشغيل: أندرويد 10.
  • سعة التخزين: 32 و 64 جيجابايت
  • الكاميرا الأمامية: 5 ميجابكسل
  • الكاميرا الخلفية (ثلاثية): 13+2+2 ميجابكسل
  • حجم ذاكرة الرام: 2 و 3 جيجابايت
  • قدرة البطارية: 5000 مللي أمبير

أداء الموبايل المعالج الرئيسي من شركة ميدياتك ثماني النواة من نوع  Helio G35 بتكنولوجيا 12 نانو، والمعالج مدمج بمعالج رسومي من نوع PowerVR GE8320 وبيعزز الأداء جدا بسبب دعم المعالج لوضع ال Hyper Engine اللي بيوفر أفضل أداء ممكن خاصة في الألعاب، مع ذاكرة وصول عشوائي سعتها 2 و 3  جيجابايت ومساحة تخزين داخلية بسعة 32 و 64 جيجابايت وبتقدر تزود المساحة عن طريق كارت الذاكرة ل 512 جيجابايت وبتعتبر مساحة كبيرة ومقبولة بالنسبة للفئة السعرية.

الشاشة شاشة ريدمي 9C بتيجي على هيئة نوتش صغير فيه الكاميرا السيلفي، حجمها 6.53 بوصة بدقة +HD  720×1600 بكسل، الشاشة من نوع IPS LCD ، بتوفر تجربة ممتازة سواء في مشاهدة الفيديوهات أو الألعاب وبيعتبر جيد جدا في فئته.

الكاميرا الموبايل بينزل ب 3 كاميرات خلفية دقتهم 13 ميجا بكسل وهي العدسة الأساسية، بالإضافة لعدسة ماكرو بدقة 2 ميجابكسل، وأخيرا عدسة العزل بدقة 2 ميجا بكسل، مع فلاش خلفي أحادي ليد.

الكاميرا الأمامية تأتي بدقة 5 ميجا بكسل.

جميع الكاميرات بتدعم تصوير الفيديو بدقة 1080 بكسل ب 30 فريم في الثانية، وبيدعموا ال HDR وبانوراما.

الكاميرات بتقدم أداء مقبول وصور جيدة بنسبة كبيرة.

نظام التشغيل موبايل شاومي ريدمي 9C يأتي بنظام تشغيل أندرويد 10 مع أحدث إصدار من واجهة المستخدم الخاصة شاومي ال MIUI 12.

البطارية بيتميز ببطارية قوية 5000 مللي أمبير ليثيوم بتقدر تعتمد عليها يوم كامل بدون ما تحتاج لإعادة في الاستخدام العالي وبتستمر أكتر من يوم في الاستخدام المتوسط.

المستشعرات.. بيدعم البصمة اللي مكانها في ظهر الموبايل، وبيدعم مستشعر التسارع والتقارب.

بيدعم الواي فاي 802.11 بترددات b/g/n وبيدعم كمان خاصيتي  Wi-Fi Direct, Hotspot.

بلوتوث الإصدار الخامس أحدث إصدار مع دعمه لخاصيتي A2DP, LE

بيدعم GPS (التحديد الجغرافي للمواقع) وبيدعم كمان أنظمة الملاحة A-GPS, GLONASS, BDS.

منفذ سماعات 3.5 في أعلى الهاتف.

منفذ يو إس بي بيدعم منفذ USB 2.0، مع دعمه لخاصية OTG لتشغيل أي USB Driver على موبايلك.

شريحتين إتصال الموبايل بيدعم شريحتين إتصال من نوع نانو سيم.

الموبايل بيدعم جميع شبكات الإتصال بداية من الجيل التاني والتالت وصولا للجيل الرابع 4G.

بيدعم راديو FM

وزن الموبايل 196 جرام وأبعاده 164.9× 77× 9 ملم

المميزات

  • تصميم جذاب وألوان مميزة.
  • البطارية قوية جدا 5000 ملي أمبير وبتستمر فترة طويلة مهما كان الاستخدام على الهاتف مكثف.
  • شاشة بحجم كبير ودقة HD+.
  • بيدعم بصمة الإصبع.
  • أداء الهاتف جيد جدا في الاستخدام اليومي وخاصة في الألعاب.
  • وجود منفذ منفصل خاص بكارت لزيادة حجم الذاكرة وده بيديك إمكانية استخدام شريحتين الإتصال وكارت ميموري في نفس الوقت.
  • يأتي بأحدث نظام تشغيل مع أحدث واجهة MIUI 12.

العيوب

  • قدر الشحن 10 وات ضعيفة جدا وبيحتاج وقت شحن 3 ساعات.
  • منفذ 0 من إصدار قديم وكان مفروض يكون منفذ Type-c.
  • لا يدعم مستشعر جيروسكوب.
  • لا يدعم وجود لمبة إشعارات.
  • الموبايل بييجي بدون سماعات وبتحتاج تشتري سماعات خارجية.

تجربة المستخدم

  • ناس كتير شكرت في أداء الموبايل خاصة من محبي الألعاب وقالوا إن أداء الموبايل جيد جدا في الألعاب، وعمر البطارية طويل حتى في الاستخدام المكثف لكن الشحن بطيئ جدا وبيستهلك وقت طويل، سرعته معقولة جدا، أداء الكاميرات معقول لكن مش عالي، والمواصفات مناسبة للسعر.

شوف موبايل Xiaomi Redmi 9C  من هنا.

**قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

كاتبة المقال       

أمنية عزمي، بكتب من سنتين. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة كويس جدا.

Leave a Reply

Your email address will not be published. Required fields are marked *