مميزات وعيوب موبايل Samsung Galaxy M51

كتبت: أمنية عزمي

Samsung Galaxy M51 الموبايل صاحب أضخم بطارية في عالم الموبايلات بسعة 7000 مللي أمبير وبتدعم الشحن بقوة 25 مللي أمبير، مع كاميرا خلفية رباعية تدعم دقة ال 4K ومعالج سناب دراجون 730 ثماني النواة، مع نظام تشغيل أندرويد 10، ذاكرة تخزين ضخمة 128 جيجا مع 8 جيجا رام بتوفر سرعة عالية  في الألعاب، وشاشة سامسونج الرائعة سوبر أموليد بلس بدقة FHD.

تابعنا مع ياقوطة هنوضح أهم مواصفات ومميزات وكمان عيوب موبايل Samsung Galaxy M51 وهننقل لك  تجارب الناس اللي استخدمته، ولو عجبك وحبيت تشتريه هتلاقي عندنا أحسن الأسعار ليه وتقدر تقارن بينهم بنفسك وتقدر كمان تطلبه من خلالنا ويوصلك في أقرب وقت.

بنفكرك إنك ممكن تشتري موبايل سامسونج جالاكسي M51 من خلال شهري أول وأسهل تطبيق تقسيط في مصر واللي مش بيحتاج منك غير صورة البطاقة وصورة إيصال مرافق وبس، من غير زيارة ولا ضامن واستمتع كمان بالتوصيل مجاني لكل مشترياتك.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

  • نوع العرض: Super AMOLED Plus
  • الدقة: 1080× 2400
  • السعة (جيجابايت): 128.
  • رام (جيجابايت): 6 و 8
  • الاتصال: 4G|USB-C
  • نظام التشغيل أندرويد 10
  • الكاميرا الخلفية: (رباعية) 64+12+5+5 ميجابكسل.
  • الكاميرا الأمامية: 32 ميجا بكسل.
  • حجم الشاشة بالبوصة: 6.7.
  • نوع المعالج: ثماني النواة، سناب دراجون 730G

التصميم والشاشة

  • الموبايل ضهره مصنوع من البلاستيك المقوى بولي كاربونيت والوجه زجاج حماية كورنينج جوريلا 3+ مقاوم للخدش مع إطار من البلاستيك، وزن الموبايل 213 جرام وبيعتبر تقيل نظرا لكبر حجم البطارية، أبعاده 163.9 مم طول× 76.3 ملم عرض× 9.5 مم سمك، فيه إنحناءات من الجوانب بتخليه مريح في اليد وسهل الاستخدام.
  • مميز بشاشة سوبر أموليد بلس FHD بدقة 2400× 1080، 16 مليون لون بكثافة بكسلز 393، بتتميز بسطوعها العالي تحت أشعة الشمس، بالنسبة لحجم الشاشة 6.7 بوصة بحواف ضئيلة جدا بأبعاد 20:9، أعلى الشاشة في ثقب وبتستحوذ على نسبة 87.4% من مساحة الهاتف الأمامية.

الأداء

  • المعالج من النوع سناب دراجون 730G ثماني النواة بتقنية 8 نانو متر، وبالنسبة لمعاج الرسوميات فهو من نوع Andero 618، وبيدعم خاصية Games Launcher بتقوي أداء الألعاب بشكل عالي.
  • الموبايل متوفر بذاكرة داخلية 128 جيجابايت و6 أو 8 جيجا رام ذاكرة عشوائية.
  • إمكانية إضافة كارت ذاكرة خارجي علشان تزود به مساحة الموبايل الداخلية لحد 512 جيجابايت.
  • المعالج أداؤه رائع ومتميز جدا في فئته المتوسطة وهتحس بسرعته في استخداماتك اليومية وفي الألعاب وتقدر تشغل عليه كل الألعاب بأعلى جودة سواء ببجي أو فورت نايت أو كول أوف ديوتي بدون ما تهنج أو تسقط فريمات.

الكاميرات

  • جزئية الكاميرات الخلفية في سامسونج بتعتبر من المميزات الإيجابية اللي بيتميز بها، مصمم بأربع كاميرات، الأساسية بدقة 64 ميجا بكسل بفتحة عدسة f/1.8 وبتدعم خاصية الضبط التلقائي المزدوج PDAF صوره نقية جدا وواضحة بتفاصيلها.
  • الكاميرا التانية 12 ميجابكسل بزاوية فائقة الإتساع Ultra wide بفتحة عدسة f/2.2، والعدسة التالتة بدقة 5 ميجا بكسل مع فتحة عدسة f/2.4 مخصصة لتصوير الماكرو، الكاميرا الرابعة بدقة 5 ميجا بكسل بفتحة عدسة f/2.2 مخصصة للعزل والبورتريه، وفلاش أحادي ليد.
  • الفيديو بيوفر كل أنواع جودة التصوير بداية من 4k و FHD وhd بواقع 30 لقطة في الثانية وبيوفر خاصية التثبيت البصري لمنع اهتزاز الصور، وبيدعم خاصية التصوير الليلي وصوره مضيئة حتى في أقل إضاءة، وبيدعم كمان التصوير البطيئ Slow motion وبانوراما وHDR.
  • الكاميرا الأمامية دقتها 32 ميجابكسل زاوية واسعة والصور الشخصية فيها بتطلع رائعة خاصة في ضوء النهار أو الأضواء الخارجية، بتدعم وضع ال HDR وبتصور فيديو بجودة 1080 بكسل مع 30 لقطة في الثانية وبتدعم العزل.

البطارية

  • تعتبر من أقوى مميزات الموبايل، حجمها كبير جدا وبتيجي بسعة 7000 مللي أمبير وبتدعم الشحن السريع بقوة 25وات وتصل مدة شحنها 100% لساعتين تقريبا وبتدعم الشحن العكسي، وبتستمر معاك مكالمات 3G حوالي 40 ساعة وتصفح الإنترنت 18 ساعة ومشاعدة فيديوهات 17 ساعة وموسيقى لحد 95 ساعة، وبتعتبر مناسبة جدا كمان للشاشة السوبر اموليد لأنها بتستهلك طاقة.

نظام التشغيل

  • يعمل بأحدث نظام أندرويد النسخة العاشرة مع واجهة سامسونج الجديدة One UI 2.0

المستشعرات

  • مزود بمستشعر البصمة في جانب الموبايل، ومزود بسماعات خارجية بتوفر صوت مرتفع، وفيه منفذ سماعات 3.5 مم بالإضافة لميكروفون عازل للضجيج.
  • بيدعم شبكة الجيل التاني والثالث والرابع.
  • بيدعم كل الحساسات الأساسية زي مستشعر البصمة الجانبي، وبيدعم خاصية التقارب والبوصلة والتسارع والجيروسكوب الخاص بنظارات الواقع الافتراضي VR، وبيدعم كمان تحديد الموقع الجغرافي GPS بالإضافة لأنظمة الملاحة A-GPS, GLONASS, GALILEO, BDS

الاتصال

  • الهاتف بيدعم الواي فاي بترددات a/b/g/n/ac وبيدعم كمان Wi-Fi Direct و Dual-band و Hotspot بالإضافة انه بيدعم البلوتوث بإصدار 10 مع دعمه لخاصيتي A2DB, LE.

العيوب

  • ظهر الموبايل بلاستيك سهل خدشه ومحتاج جراب حماية بالإضافة إن الموبايلات المنافسة من نفس الفئة بتنزل بتصميم زجاج وإن كان البلاستيك أوقع في تحمل الصدمات.
  • الموبايل ضخم ووزنه تقيل لكن دا بيرجع لحجم البطارية الضخمة.
  • ضعف استقبال الواي فاي بالهاتف.
  • البطارية غير قابلة للإزالة ولا يدعم الشحن اللاسلكي.
  • غير مزود بلمبة إشعارات.
  • بيحتاج فترة طويلة للشحن بسبب كبر حجم البطارية وكان يفضل أن قوة الشحن ما تقلش عن 30 وات.
  • غير مقاوم للماء.
  • طبقة الحماية كورنينج جوريلا من الإصدار الثالث وكام مفروض تكون أحدث.

تجربة المستخدم

  • الشبكة ضعيفة ودي من العيوب السيئة، لكن بتميزه البطارية والشاشة السوبر أموليد والكاميرات، لكن البطارية بتاخد وقت طويل في الشحن، المعالج كويس وسرعته عالية في الألعاب.

شوف موبايل Samsung Galaxy M51 من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

كاتبة المقال      

أمنية عزمي، بكتب من سنتين. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة كويس جدا.

Leave a Reply

Your email address will not be published. Required fields are marked *