مميزات وعيوب غسالة إريستون ٧ كيلو
كتبت: سارة عمارة
الغسالات الأوتوماتيك أحجام وموديلات كتيرة، ومع تعدد الموديلات الموجودة في السوق كتير مننا بيفضّل يشتري غسالة مستوردة حتى لو سعرها كان غالي شوية. ومن الموديلات دي غسالة إريستون ٧ كيلو وهنتعرف في المقال ده على مميزات وعيوب الغسالة وكمان هنشوف أراء الناس فيها، وتقدر عن طريق ياقوطة تعرف أفضل الأسعار ليها ولو عجبتك ممكن تطلبها وتكون عندك في أسرع وقت.
*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
المواصفات
| نوع التشغيل | أوتوماتيك. |
| اللون | فضي. |
| السعة | ٧ كيلو. |
| نوع التحميل | أمامي. |
| عدد اللفات |
١٢٠٠/دقيقة. |
| بلد الصنع | إيطاليا. |
المميزات
- البخار: قوة البخار بتخليها تعمل تعقيم ممتاز وتنضيف أصعب البقع يعني ٢×١.
- برامج الغسل: برامج الحركة فيها متعددة ومناسبة لكل أنواع الغسيل.
- الحلة الداخلية بتاعتها كبيرة وواسعة وبتشيل هدوم كتير.
- المعدن الداخلي والخارجي من معدن الاستانلس استيل المقاوم للصدأ يعني عمر طويل.
العيوب
- ضمان الغسالة سنة ودي مدة قليلة جدًا.
- خدمة ما بعد البيع مش كويسة قوي وخصوصًا بعد انتهاء فترة الضمان.
- قلة قطع الغيار للغسالة.
- صوت الغسالة مش عالي عند التشغيل.
- مش سريعة في الاستعمال فلازم بين كل غسلة وغسلة تستني فترة ٤ ساعات على الأقل عشان الموتور يرتاح وده عيب كبير لو كان عندك غسيل كتير.
- تصميم الباب ضعيف ممكن يتكسر.
تجربة المستخدم
- بعد فترة استعمال مش كبيرة كمان الألوان بتبهت بسبب الغسالة.
- التصميم الداخلي جسم الغسالة محطوط فيه تقل لتقليل الضوضاء وتثبيت الغسالة ما تتحركش مع التشغيل، وده ذو فاعلية، لكنه صعب على ست البيت تحرك الغسالة لو فكرت في كده.
- سعة الغسالة الحلة بتاعت الغسالة ممتازة وفعلًا بتاخد الـ ٧ كيلو وتستحملهم، بس مابتشيلش أكتر من كده، فمحدش يحاول يغامر بموتور الغسالة لأنه ممكن يعطل.
- البرامج متنوعة بين ١٢٠٠ لفة لدورة غسيل متكاملة، فيها كمان تسخين المياه عشان تغسلي الهدوم البيضا بشكل كويس، لكن لازم تختاري البرنامج المناسب لنوعية الأقمشة المغسولة والألوان.
- تقدري توقفيها وقت ما تحبي، وتكملي الغسيل بعدين، كمان لو قطعت الكهرباء أو المياه، حتوقف غسيل وترجع تكمّل لما الكهربا أو المياه تيجي.
- التكنولوجيا: فيها شاشة ديجيتال لعرض الوقت البرنامج، ولعرض أي خطأ وهتديلك إشارة بكده.
- في تقنية جديدة اسمها HD، ودي للتأكيد على إن الغسيل بيتغسل من كل الجهات مش مجرد حركات بشكل دائري وخلاص.
شوف غسالة إريستون أوتوماتيك ٧ كيلو من هنا.
احكي تجربتك مع غسالتك وفيد بيها غيرك في كومنت على ياقوطة.
*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.
انا عندى غسالة فول أتوماتيك نوعها LG.
البوردة بتاعتها باظت واتصلت بالصيانة قالولى الشركة لم تعد تصنعها .طب أو اى تعمل منتج وتوقف إنتاج قطع غياره. دا حراام. اعمل ايه ف الغسالة
أقتراحنا عليكي يا أسماء انك تحاولي تدوري على واحده مستعملة فيها مشكله مختلفة و تاخدي منها الجزء التالف..
غسالة اريستون زبالة اكثر من مشكلة فيها مرة بوردة
ومرة اخرى صمام المياة ومرة اخرى منظم الجهد للكهرباء والشوشرة ومؤة اخرى بلية دى الاخيرة ب3000 علشان الحلة بتتغير كلها غسالة الة اريستون زبالة اكثر من مشكلة فيها مرة بوردة ومرة اخرى صمام المياة ومرة اخرى منظم الجهد للكهرباء والشوشرة ومؤة اخرى بلية دى الاخيرة . علشان الحلة بتتغير كلها غسالة غسالة زبالة وكل المشاكل دى فى فترة لا تتجاوز 8 سنين
انا عندي اريستون ٧ كيلو ومرتاحه معاها جدا لكن الكتالوج اللي معاها مكتوب بحروف مفرطه ومش عارفه اتعامل معاه لو حد عنده الكتالوج واضح ياريت يبعتهولي
اشتريت غسالة إريستون سنة 2014 ضمانوسنتين فقط لكن للأسف حصل عطل فيها شهرمارس2018 اتصلت بالتوك اللى هو بى تك وكلفتنى 3500 تمن تغيير البوردة قلت مش مشكلة أهم حاجه أنها بالتوكيل فوجئت شهر أغسطس 2018 حصل نفس العيب كلمت الشركة قاللولى أن ضمان البوردة اللى اشتريتها 3 شهور فقط الضمان يعنى عليه انى اشتري بوردة جديدة على حساب وكل ده عشان
الغسالة اريستون ملهاش قطع غيار خارج التوكيل فاضطر انك تشترى قطع الغيار بأى تمن من التوكيل
عندي غسالة اريستون ٧ كيلو منسنة ٢٠٠٧
انكسرت يد الغسالة
كيف استطيع الحصول على يد جديدة
أهلًا يا ام امير 🙂
تقدري حضرتك تكلمي رقم أريستون المعتمد
19453
ومن خلالهم هتعرفي أقرب مكان ليكي
لو سمحت انا عندى 6 كيلو
كنت عايزه اسال هي بتسحب مايه قليله ليه
ممكن ضغط المياه يكون ضعيف عند حضرتك، او الخرطوم فيه سدد بسيط
لو الدنيا كويسة فيهم خدمة العملاء والصيانة تبقى هي الحل الأمثل
اول استخدام ليا فيها و هي بتجفف صوتها فظيع و اتحركت من مكانها بشكل بشع و قفلتها من غير ما تكمل من شدة الصوت اعمل ايه
أهلًا يا أ. نجلاء
عادة الغسالات الأوتوماتيك مهم فني من الشركة اللي بيقوم بالتوصبلات والتشغيل وتفعيل الضمان والتأكد إن كل حاجة شغالة بشكل كويس
ممكن حضرتك تتأكدي إن الغسالة مش محطوطة على (حامل الغسالة) لإن معظم الغسالات دلوقاي بيكون ليها رجلين بتتظبط عشان ثبات افضل واوقى ع الارض
جربي وإن شاء الله الدنيا تتحسن
ولو فضلت كده ممكن يكون فيه مشكلة داخلية والضمان هيفيدك احسن مننا
خدمة ما بعد البيع سيئة للغاية و الفني اللي بيجي يصلح بيبقي عايز طلع مصلحة منك و يقولك علشانكم هعملها ليكم بسعر اقل من اللي الشركة حاطاه و هعمل معاكم واجب!!!!!!!!!!!!!!!!
هبة الغسالة لها تنظيف فلتر لانى مش لاقياة ولا المكان اللى تحت بيتفتح
تم الرد
طريقة تنظيف فلتر الغسالة وفين مكانة
يرجى مراجعة دليل التشغيل الموجود مع الغسالة يا افندم
الغسالة تأخذ وقت اكثر بكثير من زمن البرنامج وتظل متوقفة دون اى استجابة لفترات طويلة
ممكن ترجع للصيانة يا افندم
طيب انا لسه حاجزها ولسه لم استلمها بس من التعليقات حاسس انها مش هتكون مريحة وخصوصا موضوع خدمة ما بعد البيع وقطع الغيار مش عارف ارجعها ولا ايه رايكم
مبروك مقدما يا افندم
دورنا في ياقوطة اننا بنعرض مزايا وعيوب المنتجات وتجارب المستخدمين عنها بكل حيادية وامانة، وبنقولك على كل اسعار المنتج في السوق والاختيار ليك
انا لسه شاريه غساله اريستون 7كيلو وبعد ما الفني ركبه لقيتها بتكهرب كلمتهم قالوي هنعنل تأريضه ليها هل ده تمام ولا من حقي استبدل الجهاز لاني لسه مستخدمتهوش وهما اصلا محاولوش يعرفوا العيب فعلا منها ولا الارضي حسب قولهم
يعني هيسرب شحنة الكهربا بره الغسالة، عن طريق سلك بيخرج من الغسالة (شرح مبسط جدًا) عشان ما توصلش لحضرتك وتعمل لسعة الكهربا دي
بس الشكوى دي يا افندم انتهت من الموديلات الجديدة تقريبًا
انا لسة شاري غسالة اريستون ١١ ك من يومين ولسة الفني مركبها النهاردة وفعلا الغسالة بتكهرب وقالولي لازم تعمل ارضي عشان تفرغ الشحنة. ى
ممكن لو سمحت ترشح لى ماركة غسالة ملابس اجيبها علشان كنت شايفة عروض على اريستون بس الحقيقة قلقلت من الكلام ده و هل الفوق اوتوماتيك أفضل ولا الباب الامامى افضل
الماركات المميزة كتير ةيا افندم والمعروض في السوق بيختلف حسب عدد أسرة حضرتك كمان.. عمومًا زانوسي مميزة وعليها إقبال كبير وأسعارها معقولة
وفيه توشيبا وكريازي وإيديال ووايت ويل وغيرهم.. كل دي موديلات مميزة.. حضرتم تحددي الاحتياج والسعة وبعدين أمر الماركة أو الشركة سهلة
الأفضل حسب استخدامك.. التحميل الأمامي بتحتاج مسحوق أوتوماتيك
العلوي عادي وأوتوماتيك
العلوي صعب تستخدمي سطح الغسالة زي رف تشيلي عليه حاجات خاصة بيكي
عكس الأمامي
السعر كمان مهم
الغساله عندي بقالها سنتين ومبتنضفش
جربت كل انواع المساحيق وكنت فاكره انه عيب مسحوق
بس مطلعش عيب مسحوق وحرفيا بتطلع
الهدوم زي الزفت
زي ميكون مجرد بلتها مش غسلتها
كلكوا كده ولا انا بس يا جماعه؟
مشكلتي معاها جهد الكهرباء احيانا لاتعمل الجهاز الوحيد الذى لا يعمل والتقى يقول ضعف كهرباء أقل من ٢٢٠فولت وتفضل مده ثم تعمل براحتها ومش عارف احمل المشكله دى لولا تلك المشكله كنت رشحت الغساله غير كده لا أنصح بيها نهائيا بسبب المشكله دى ولم تظهر فى اى جهاز أو غساله أخرى
ضعف الكهربا وزيادتها بتؤثر عمومًا على الأجهزة الكهربائية، والجهاز الكهربائي أيًا كان لو ما اشتغلش بجهد كهربائي أقل من المطلوب يعتبر حماية للجهاز من أي مشكلة، وفيه شركات بتعمل كده حماية لأجهزتها
والاختيار ليك
ورأيك شرفنا وأكيد هيفيد ناس كتير
حضرتك انا لسه شريهاا متمتش تلات شهور استخدام
٧كيلوو بتاخد وقت كبير قبل ما تشتغل كمان بعد ما تشتغل وتغسل تقف متفصلش الكهرباء لا هى بتقف بدون لف أو عصر وتطول اوى تكون خلصت مسحوق فبقوم افصلهاا واعيد تشغيلها تانى وأحط مسحوق تشتغل اوقات متشتغلش رغم انى محدده برنامج وكله تمام بس هى واقفه مسحبتش ميه ولا بتلف للعلم الميه عندى كويسه والكهرباء عندى كويسه الحمدلله بس معرفش مشكله فين وقلقانه عليهاا جدا ارجو الرد علياا وشكرا جدا لحضرتكم…..
التوكيل يا افندم أفضل خيار قدامك خصوصا انها لسه في الضمان
وممكن كتيب التعليمات يبقى فيه حل للمشكلة دي