مميزات وعيوب بوتاجاز لاجيرمانيا 5 شعلة بالمروحة

بوتاجاز لاجيرمانيا 5 شعلة بالمروحة 9M10GUB1X4AWW

كتبت: أمنية عزمي

بوتاجاز لاجيرمانيا من أكتر الأنواع اللي عاملة ضجة في السوق المصري، البوتاجاز بيتميز بأناقة التصميم وجودة الخامات اللي بتعتمد عليها شركة لاجيرمانيا في تصنيع أجهزتها وتطويرها، بيوفر الأمان الكامل، شاشة التحكم من الزجاج، الحوامل من الزهر، إشعال ذاتي للشعلات وإشعال إلكتروني للفرن، ثرموستات للتحكم في درجة الحرارة، 5 شعلات ماركة سباف إيطالي، الشعلة الوسطى ثنائية، البوتاجاز مصنع من الاستانلس ستيل بالكامل، ومزوج بعازل حراري صديق للبيئة، مزود بمروحتين، مصمم بمدخلين لتوصيل الغاز، بالإضافة لمؤقت يدوي للتنبيه.

تابعنا مع ياقوطة واتعرف على أهم مواصفات ومميزات وعيوب بوتاجاز لاجيرمانيا 5 شعلة بالمروحة 9M10GUB1X4AWW واعرف كمان مستوى خدمة العملاء ورأي المستخدم فيه ولو عجبك وحبيت تشتريه هتلاقي عندنا أحسن الأسعار ليه و تقدر تقارن بينهم بنفسك وتقدر كمان تطلبه من خلالنا ويوصلك في أسرع وقت.

بنفكرك إنك ممكن تشتري بوتاجاز بوتاجاز لاجيرمانيا 5 شعلة بالمروحة 9M10GUB1X4AWW من خلال شهري أول وأسهل تطبيق تقسيط في مصر واللي مش بيحتاج منك غير صورة البطاقة وصورة إيصال مرافق وبس، من غير زيارة ولا ضامن واستمتع كمان بالتوصيل مجاني لكل مشترياتك.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

  • رقم الموديل: 9M10GUB1X4AWW
  • عدد الشعلات: 5
  • الخامة الأساسية: ستانلس ستيل
  • أبعاد المنتج: 90×60
  • مروحة: نعم
  • إشعال ذاتي: نعم
  • بلد المنشأ: مصر
  • فترة الضمان: 5 سنوات

المميزات

  • مصنع من الستانلس ستيل بالكامل مقاوم للصدأ وسهل التنظيف، وفيه عازل للحرارة صديق للبيئة بيحافظ على برودة الجسم الخارجي للبوتاجاز أثناء الاستعمال.
  • مميز ب 5 شعلات غاز سباف صناعة إيطالي بالكامل بأحجام مختلفة بتلائم كل مقاسات أواني الطهي ومنهم الشعلة الوسطى كبيرة ثنائية الإشعال.
  • إشعال إلكتروني بالكامل بيوفر الوقت ويسهل عملية الإشعال بمجرد لف مفتاح العين المطلوب اشعالها.
  • مزود بعامل الأمان الكامل للشعلات إيطالي، بيفصل الغاز في حالة انسكاب سوايل عالنار ويمنع تسريب الغاز.
  • حوامل من الزهر مصممة بشكل رائع بحواف عريضة لثبات أعلى للأواني وسهل إزالتها وتنضيفها، وفيها ميزة إن وزنها متوسط وسهل حملها.
  • تصميم مميز لمفاتيح البوتاجاز بيسهل استخدامها بسبب سهولة دورانها وارتكازها في قاعدة منفصلة وخاماتها قوية.
  • شاشة التحكم فيه من الزجاج وكل العلامات الموضحة عليه مرسومة في ضهر الزجاج ودي ميزة حلوة جدا بتخليها ثابتة ومش بتتمسح مع التنضيف بعد فترة.
  • مزود بعازل حراري صديق للبيئة بيمنع وصول الحرارة لجسم البوتاجاز الخارجي.
  • سعة الفرن كبيرة ودا بيسمحلك بطهي أكتر من وجبة في نفس الوقت مع 5 مستويات مختلفة لتغيير رف الفرن جسب الحاجة.
  • الفرن مزود بمروحة داخلية بتوزع الهواء السخن داخل الفرن في كل الأنحاء علشان تضمن إن التحمير أو الطهو بالنسبة للمخبوازات أو الكيك بيستوي من كل الجهات بنفس المقدار ويديك نتايج مثالية.
  • الفرن مزود بإضاءة داخلية تساعدك تتابع الأكل وقت الطهي من غير ما تفتح الفرن وتسرب الحرارة.
  • شواية داخلية بتدور بالموتور، والميزة إن باب الفرن بيكون مغلق وقت الشوي وبالتالي مش بيسرب الحرارة للمكان.
  • مزود بمروحة تبريد تحافظ على حرارة البوتاجاز الخارجية وقت استخدامه.
  • مزود بمؤقت رقمي مدته 60 دقيقة تقدر تظبطه بالتوقيت المناسب لطهي الأكلة وبيصدر إنذار وقت إنتهاء التوقيت.
  • مزود بمدخلين لتوصيل الغاز لسهولة تركيبه حسب مكانه في المطبخ.
  • الفرن يعمل بخاصية الإشعال الإلكتروني ومزود بالأمان الكامل (إيطالي).
  • مزود بثرموستات للتحكم في درجة حرارة الفرن.
  • باب الفرن زجاج مزدوج فيه جزء شفاف من المنتصف لمتابعة عمليات التسوية داخل الفرن بسهولة.
  • مزود بمقبض ستانلس ستيل للفرن بشكل انسيابي يساعد على تنضيفه بشكل سلس.
  • مصمم بغطاء زجاجي مصنوع من الزجاج المقوي بشكل أنيق وبيحافظ على الفرن من الأوساخ والتجريح في حالة عدم استخدامه فترات طويلة.
  • درج تسخين سفلي علشان يحافظ على الأكل سخن بعد عملية الطهي وبيحتفظ بحرارته.
  • عليه ضمان شامل مجاني لمدة 5 سنوات من العربي جروب.

العيوب

  • مستوى خدمة العملاء سيء واستجابتهم للشكاوى بطيئة.
  • مفتاح الفرن والشواية واحد وبالتالي مش بتقدر تستخدم الشواية مع الفرن في نفس الوقت.
  • بعض الموديلات فيها مشكلة في الشواية.
  • المروحة الداخلية تنضيفها صعب ودا بشكل عام في كل الأفران.

خدمة العملاء

  • الرقم السريع لصيانة العربي جروب: 19319
  • مراكز الخدمة متوفرة في كل محافظات الجمهورية، وبيوفروا قطع غيار لكن بتكون أسعارها عالية لأنها مستوردة.
  • في شكوى من سوء مستوى الصيانة والخدمة.

تجربة المستخدم

  • الآراء اختلفت عليه، ناس بتشكر فيه جدا وبتقول إنه رائع في التسوية سواء من ناحية العيون أو الفرن، وناس واجهت مشكلة واحدة فيه وهي إن الشواية مش بتشتغل وإن الفرن لما بيتفتح وهو شغال النار بتطفي، وشكوى تانية إن الحوامل بتاعته مش بتنضف بسهولة وبتعمل بقع وبتبوظ شكل البوتاجاز.

شوف بوتاجاز لاجيرمانيا 5 شعلة بالمروحة 9M10GUB1X4AWW من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

كاتبة المقال       

أمنية عزمي، بكتب من 3 سنين. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة كويس جدا.

Leave a Reply

Your email address will not be published. Required fields are marked *