مميزات وعيوب واحد من أنجح الموبايلات الاقتصادية موبايل Samsung Galaxy A50

مميزات وعيوب واحد من أنجح الموبايلات الاقتصادية موبايل Samsung Galaxy A50

كتب: خالد عاصم

الفئة السعرية بين ٣٥٠٠ جنيه مصري و٤٥٠٠ جنيه مصري بقت من بين الفئات السعرية النشطة جدًا في سوق الموبايلات المصري، وده بفضل عدد كبير من الموبايلات المتميزة جدًا اللي بقت متوفرة في الفئة السعرية دي واللي كانت بتعاني فيها شركة زي Samsung بسبب عدم قدرتها على تقديم موبايلات كويسة في فئة سعرية تعتبر منخفضة بالنسبة ليها، ولكن كل ده اتغير مع سلسلة Samsung Galaxy A واللي من بينها موبايل Samsung Galaxy A50 اللي بقاله فترة دلوقتي في السوق المصري قدر خلالها إنه يحقق نجاح وشعبية متميزين جدًا.

لكن هل يستحق Samsung Galaxy A50 النجاح اللي حققه … هو ده اللي هنعرفه من خلال مقال النهارده اللي هنعرف من خلاله مميزات وعيوب الموبايل بعد فترة من استخدامه، ولو عجبكم الموبايل وحبيتوا تشتروه، هتقدروا تطلبوه من خلالنا في ياقوطة وهيوصلكم لحد باب البيت أو مكان ما تحبوا بأسرع وقت ممكن.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

موبايل Samsung Galaxy A50

المواصفات

  • أبعاد الموبايل: ٧.٧ × ٧٤٫٧ × ١٥٨٫٥ مم.
  • وزن الموبايل: ١٦٦ جرام.
  • البناء والصناعة: هيكل وظهر من البلاستيك بزجاج أمامي.
  • شرائح الاتصال: إصدار أحادي الشريحة وإصدار ثنائي الشريحة.
  • شاشة الموبايل: شاشة موبايل Samsung Galaxy A50 كاملة بشق قطرة المياه قطرها ٦٫٤ بوصة ومعدلها ١٩:٥:٩ وده بيخليها تشغل حوالي ٨٤٫٩ في الميه من مساحة الموبايل الأمامية. والشاشة بتقدم دقة عرض ٢٣٤٠ × ١٠٨٠ بيكسل بكثافة ٤٠٣ بيكسل لكل بوصة والشاشة مصنوعة من شرائح Super AMOLED ومحمية بزجاج كورنينج جوريلا جلاس الإصدار التالت.
  • أداء الموبايل: معالج Exynos 9610 ثماني النواة وسرعته ٢٫٣ جيجا هيرتز لأربع شرائح من Cortex-A73 وبسرعة ١٫٧ جيجا هيرتز لأربع شرايح Cortex-A53 والمعالج مدمج بمعالج جرافيكس Mali-G72 MP3. والموبايل بيصدر بإصدارات بذاكرة عشوائية ٤ جيجابايت رام أو ٦ جيجابايت رام وبذاكرة داخلية سعتها ٦٤ جيجابايت أو ١٢٨ جيجابايت وممكن زيادة مساحة الموبايل التخزينية بكروت الذاكرة الخارجية لحد ٥١٢ جيجابايت.
  • نظام التشغيل: الموبايل بيشتغل بنظام تشغيل أندرويد ٩ باي
  • الكاميرا: الموبايل الكاميرا الخلفية بتاعته ثلاثية العدسات بقوة ٢٥ ميجا بيكسل وفتحة مستشعر f/1.7 للعدسة الأولانية العريضة وبقوة ٨ ميجا بيكسل بفتحة مستشعر f/2.2 للعدسة التانية فائقة العرض وبقوة ٥ ميجا بيكسل بفتحة مستشعر f/2.2 للعدسة التالتة الخاصة باستشعار عمق الصورة والكاميرا مدعومة بتقنية التركيز التلقائي PDAF وتقنية HDR ومدعومة بإضاءة فلاش ليد فردية وبتقدر تصور الفيديو بجودة 1080p بمعدل ٣٠ إطار في الثانية، أما الكاميرا الأمامية فعدستها عريضة بقوة ٢٥ ميجا بيكسل وفتحة مستشعر f/2.0 والكاميرا مدعومة بتقنية HDR وبتقدر تصور الفيديو بجودة 1080p بمعدل ٣٠ إطار في الثانية.
  • منفذ توصيل السماعات السلكية ٣٫٥ مم: متوفر.
  • منفذ الشحن ونقل البيانات: USB Type-C.
  • ماسح البصمة: مدمج أسفل الشاشة.
  • المستشعرات: التسارع – الدوران – التقارب – البوصلة.
  • البطارية: بطارية الموبايل غير قابلة للإزالة سعتها ٤٠٠٠ مللي أمبير في الساعة وبتدعم تقنية الشحن السريع بقوة ١٥ وات.

مزايا وعيوب Samsung Galaxy A50

مزايا Samsung Galaxy A50

  • موبايل Samsung Galaxy A50 مفيهوش أي حاجة جديدة في التصميم ودي بعتبرها ميزة مش عيب لأنه اختار يعتمد على التصميم الأكتر شعبية وشيوع دلوقتي وهو تصميم شق قطرة المياه الصغير واللي بيتيح وصول الشاشة لشغل نسبة كبيرة من المساحة الأمامية للموبايل وده كمان بفضل اعتماد الشاشة على معدل ١٩.٥:٩ وكمان الحواف النحيفة أوي اللي بتحيط بيها
  • شاشة الموبايل قطرها كبير وبتوفر مساحة رؤية ممتازة جدًا
  • الشاشة ممتازة على مستوى الحدة والوضوح في مختلف سيناريوهات الاستخدام ومختلف ظروف الإضاءة المحيطة بفضل اعتمادها على شرائح Super AMOLED
  • دقة عرض الشاشة ممتازة وده بيأثر بالإيجاب على كثافتها العالية رغم قطر الشاشة الكبير
  • الشاشة محمية بزجاج مقوى
  • بيعتمد Samsung Galaxy A50 على بروسيسور كويس جدًا على مستوى السرعة والأداء في الفئة المتوسطة وكمان بيوفر من طاقة البطارية لأنه بمعمارية ١٠ نانوميتر اللي أداءها على مستوى استهلاك الطاقة أحسن كتير من بروسيسورات معمارية ١٢ نانوميتر المنتشرة في الفئة دي
  • إصدارات الموبايل متنوعة وبتدي خيارات كبيرة للمستخدم إنه يختار الأنسب ليه
  • الموبايل بيدع كروت الميموري لحد ١ تيرابايت كاملة وكمان من خلال منفذ مستقل يعني مش بيأثر على استخدام شريحة اتصال تانية
  • الموبايل بيشتغل بنظام تشغيل اندرويد ٩ باي
  • الموبايل بيتميز بكاميرا خلفية ثلاثية العدسات وأداءها ممتاز جدًا بفضل وجود عدسة أساسية عريضة وقوية وكمان عدسة فائقة العرض بالإضافة لعدسة خاصة بعزل الخلفية وإنتاج تأثير بوكيه
  • الكاميرا الخلفية مدعومة بتقنية التركيز التلقائي PDAF وتقنية HDR
  • الكاميرا الأمامية لموبايل Samsung Galaxy A50 ممتازة سواء على مستوى القوة أو فتحة المستشعر أو كون زاويتها عريضة أو إنها مدعومة بتقنية HDR
  • الموبايل فيه منفذ ٣٫٥ مم لتوصيل السماعات السلكية.
  • الموبايل فيه راديو إف إم.
  • بيعتمد على منفذ USB Type C 2.0 في الشحن ونقل البيانات.
  • الموبايل بيتميز بماسح بصمة مدمج أسفل الشاشة.
  • الموبايل فيه كل المستشعرات الأساسية بما فيها مستشعر الدوران اللي بيدعم تطبيقات وألعاب الواقع الافتراضي.
  • الموبايل بيتميز ببطارية قوية سعتها ٤٠٠٠ ميللي أمبير في الساعة.
  • الموبايل بيدعم تقنية الشحن السريع بقوة ١٥ وات.
  • فيه تحديث لسه واضل للموبايل من كام يوم حل كل مشاكل البصمة والشبكة، وكتير من مستخدمي الموبايل مبسوطين بيه.

عيوب Samsung Galaxy A50

  • الموبايل معمول من البلاستيك سواء الهيكل أو الجزء الخلفي.
  • الموبايل مش محمي ضد الغبار والغمر في المياه.
  • شاشة الموبايل محمية صحيح بس بإصدار قديم من كورنينج جوريلا جلاس.
  • الكاميرا فيها تقنيات كويسة جدًا بس بينقصها كمان تقنيات مهمة زي مثبت الصورة وخواص مهمة زي التقريب على الرغم من تعدد عدسات الكاميرا الخلفية.
  • الموبايل مفيهوش سماعات ستيريو.
  • مفيش تقنيات صوتية قوية رغم إن فيه موبايلات تانية من سامسونج في الفئة نفسها فيها تقنيات زي دولبي أتموس.

شوف عروض أسعار  موبايل Samsung Galaxy A50 من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.

Leave a Reply

Your email address will not be published. Required fields are marked *