مميزات وعيوب موبايل Xiaomi المتميز Redmi Note 10s

مميزات وعيوب موبايل Xiaomi المتميز Redmi Note 10s

كتب: خالد عاصم

موبايل Redmi Note 10s من بين الموبايلات الممتازة اللي طرحتها Xiaomi الفترة اللي فاتت في السوق المصري، ويعتبر إضافة قوية جدًا للفئة السعرية دي بفضل مميزاته الكتير للي هنتكلم عنها في المقال ده زي ما هنتكلم عن عيوبه بالظبط.

ولو الموبايل عجبكم هتقدروا تطلبوه من خلالنا في ياقوطة وهيوصلكم لحد باب البيت وكمان تقدروا تشتروا المنتجات دي بالتقسيط من خلال شهري أول وأسهل تطبيق للتقسيط في مصر واللي مش بيحتاج منك غير صورة البطاقة وصورة إيصال مرافق وبس، ومن غير زيارة ولا ضامن واستمتع كمان بتوصيل مجاني لكل مشترياتك من خلاله.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

موبايل Redmi Note 10s

المواصفات

  • أبعاد الموبايل: ٨.٣ × ٧٤.٥ × ١٦٠.٥ مم.
  • وزن الموبايل: ١٧٨.٨ جرام.
  • حماية الموبايل: حماية ضد الغبار والمياه طبقًا لمعيار IP53
  • شرائح الاتصال:  ثنائي الشريحة.
  • شاشة الموبايل: شاشة AMOLED بثقب في المنتصف قطرها ٦.٤ بوصة ومعدلها ٢٠:٩ وده بيخليها تشغل حوالي ٨٣.٥ في الميه من مساحة الموبايل الأمامية. والشاشة بتقدم دقة عرض ٢٤٠٠ × ١٠٨٠ بيكسل بكثافة ٤٠٩ بيكسل لكل بوصة والشاشة محمية بزجاج كورنينج جوريلا جلاس الإصدار الثالث.
  • أداء الموبايل: معالج MediaTek Helio G95 بمعمارية ١٢ نانوميتر ثماني النواة بتردد ٢.٠٥ جيجا هيرتز لشريحتين Cortex-A76 وبتردد ٢.٠ جيجا هيرتز لست شرايح Cortex-A55 والمعالج مدمج بمعالج جرافيكس Mali-G76 MC4. والموبايل بيصدر عالميًا بإصدارات بذاكرة عشوائية ٤ جيجابايت رام أو ٦ جيجابايت رام أو ٨ جيجابايت رام وبذاكرة داخلية سعتها ٦٤ جيجابايت أو ١٢٨ جيجابايت وممكن زيادة مساحة الموبايل التخزينية بكروت الذاكرة الخارجية من خلال منفذ مستقل.
  • نظام التشغيل: الموبايل بيشتغل بنظام تشغيل أندرويد ١١ بواجهة مستخدم MIUI 12.5
  • الكاميرا: الموبايل الكاميرا الخلفية بتاعته رباعية العدسات بقوة ٦٤ ميجا بيكسل وفتحة مستشعر f/1.8 للعدسة الأولانية العريضة المدعومة بتقنية التركيز التلقائي PDAF وبقوة ٨ ميجا بيكسل بفتحة مستشعر f/2.2 للعدسة التانية بالغة العرض بزاوية رؤية ١١٨ درجة وبقوة ٢ ميجا بيكسل بفتحة مستشعر f/2.4 للعدسة التالتة الخاصة بتصوير صور الماكرو وبقوة ٢ ميجا بيكسل بفتحة f/2.4 للعسة الخاصة باستشعار عمق الصورة والكاميرا مدعومة بتقنية التركيز التلقائي PDAF وتقنية HDR ومدعومة بإضاءة فلاش ليد زوجية وبتقدر تصور الفيديو بجودة 4K بمعدل ٣٠ إطار في الثانية وبجودة 1080p بمعدلات ٣٠/٦٠ إطار في الثانية، أما الكاميرا الأمامية فعدستها عريضة بقوة ١٣ ميجا بيكسل وفتحة مستشعر f/2.5 والكاميرا مدعومة بتقنية HDR وبتقدر تصور الفيديو بجودة 1080p بمعدل ٣٠ إطار في الثانية.
  • منفذ توصيل السماعات السلكية ٣٫٥ مم: متوفر.
  • تقنيات صوتية: سماعات ستريو – دقة صوت ٢٤ بت/١٩٢ كيلو هيرتز
  • منفذ الشحن ونقل البيانات: USB Type-C.
  • ماسح البصمة: جانبي.
  • المستشعرات: التسارع – الدوران – التقارب – البوصلة.
  • البطارية: بطارية الموبايل غير قابلة للإزالة سعتها ٥٠٠٠ مللي أمبير في الساعة وبتدعم تقنية الشحن السريع بقوة ٣٣ وات.

مزايا وعيوب موبايل Redmi Note 10s

مزايا موبايل Redmi Note 10s

  • الموبايل مش سميك أوي وكمان وزنه تقريبًا خفيف ودي بقت تعد ميزة في الوقت اللي بقى فيه موبايلات كتير أوي في الفئة دي سميكة جدًا وبشكل بقى يصعب من استخدام الموبايل
  • قليل لما بنلاقي موبايل متوسط بيتمتع بحماية ضد الغبار طبقًا لأي معيار معتمد زي معيار IP53 اللي بيتمتع بيه الموبايل ده
  • شاشة AMOLED ممتازة بتتمتع بمعدلات سطوع عالية جدًا بالنسبة لموبايل في الفئة السعرية دي
  • موبايلات كتير في الفئة دي لسا بتعتمد على جودة HD بس Redmi دايمًا بتحاول تقدم أفضل ما في إمكانياتها على مستوى الشاشة وعشان كده جودة الموبايل FHD
  • تصميم الشاشة عصري وجذاب جدّا مايختلفش كتير عن موبايلات أغلى منه بفرق كبير
  • الشاشة محمية بطبقة من زجاج كورنينج جوريلا جلاس
  • الموبايل بيعتمد على معالج كويس جدًا في الفئة السعرية دي ومتجرب في عدد من الموبايلات وقدر يقدم أداء مقبول جدًا
  • الذاكرة الداخلية للموبايل فئة UFS 2.2 ودي أسرع بفارق واضح عن الفئات العادية المنتشرة في موبايلات الفئة السعرية دي
  • الموبايل بيقبل كروت الميموري من خلال شريحة مستقلة
  • الموبايل بيتشغل بنظام تشغبل اندرويد ١١ مباشرة
  • الموبايل بيعتمد على أحدث إصدارات واجهة مستخدم MIUI وهو إصدار ١٢.٥
  • الكاميرا الخلفية ممتازة وخصوصًا على مستوى العدسة الرئيسية اللي بتقدر تقدم أداء ممتاز
  • الكاميرا الأمامية مقبولة جدًا
  • نظام صوت كويس أوي بيعتمد على سماعات ستريو مع دعم لدقة صوت عالية
  • بطارية الموبايل قوية ومدعومة بتقنية الشحن السريع اللي بتقدر تشحن البطارية من صفر لخمسين في الميه في ٢٥ دقيقة بس وبتشحنها بالكامل في ٧٤ دقيقة

عيوب موبايل Redmi Note 10

  • المواد المستخدمة في صناعة الموبايل مش محددة ولكنها في الأغلب بتعتمد على البلاستيك
  • شاشة الموبايل مش بتدعم معدل تحديث عالي ومش بتدعم تقنية HDR
  • إصدار طبقة الحماية على الشاشة الإصدار التالت وده إصدار قديم شوية وإن كان لسا مستخدم في الموبايلات منخفضة السعر
  • الموبايل مفيهوش تقنية NFC
  • رغم إن الشاشة AMOLED إلا أن الموبايل مش بيعتمد على ماسح بصمة مدمج في الشاشة واللي بقت من بين المواصفات اللي عدد كبير من المستخدمين بيفضلها

اتعرف على عروض أسعار موبايل Redmi Note 10s من هنا.

اتعرف على عروض أسعار مختلف موبايلات Xiaomi المتوفرة على ياقوطة من هنا.

اتعرف على عروض أسعار مختلف الموبايلات المتوفرة على ياقوطة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.

Leave a Reply

Your email address will not be published. Required fields are marked *