مميزات وعيوب بموبايل Oppo F5 صاحب الكاميرا الأمامية الممتازة

مميزات وعيوب بموبايل Oppo F5 صاحب الكاميرا الأمامية الممتازة

كتب: خالد عاصم

من سنتين طرحت Oppo موبايل Oppo F5 في السوق المصري ومثل وقتها نقلة كبيرة في عالم الموبايلات وخصوصًا الموجهة لعشاق السيلفي اللي بيحتاجوا موبايل بكاميرا أمامية قوية، ولكن يا ترى بعد مرور سنتين وبعد العدد الكبير من الموبايلات اللي اتطرحت في الأسواق خلال الفترة دي ومع احتفاظ موبايل Oppo F5 بسعر عالي نسبيًا بالنسبة لحركة السوق، هل نقدر نقول إن الموبايل لسا يعتر اختيار متميز؟ ده اللي هنحاول نجاوب عليه النهاردة.

فمن خلال المقال ده هنعيد نظرتنا لموبايل Oppo F5 بعد مرور سنتين على طرحه في السوق وهنعيد قياس مميزاته وعيوبه في ضوء التطورات الجديدة اللي حصلت بعد توفره في السوق، ولو في النهاية لقيتوا إن الموبايل لسا خيار متميز هتقدروا تطلبوه من خلالنا في ياقوطة وهيوصلكم لحد باب البيت أو مكان ماتحبوا بأسرع وقت ممكن.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع

موبايل Oppo F5

مواصفات Oppo F5

  • أبعاد الموبايل: ٧.٥ × ٧٦ × ١٥٦.٥ مم.
  • وزن الموبايل: ١٥٢ جرام.
  • البناء والصناعة: جسم من البلاستيك بزجاج أمامي.
  • شرائح الاتصال:  ثنائي الشريحة.
  • شاشة الموبايل: شاشة موبايل Oppo F5 كاملة قطرها ٦.٠ بوصة بمعدل الشاشات الطويلة القديم ١٨:٩ بتشغل حوالي ٧٨.١ في الميه من مساحة الموبايل الأمامية. والشاشة بتقدم دقة عرض ٢١٦٠ × ١٠٨٠ بيكسل بكثافة ٤٠٢ بيكسل لكل بوصة والشاشة مصنوعة من شرائح LTPS IPS LCD ومحمية بزجاج كورنينج جوريلا الإصدار الخامس.
  • أداء الموبايل: معالج MediaTek Helio P23 ثماني النواة وسرعته ٢.٥ جيجا هيرتز لتمن شرائح من Cortex-A53 والمعالج مدمج بمعالج جرافيكس Mali-G71 MP2. والموبايل بيصدر بإصدارين بذاكرة عشوائية سعتها ٤ جيجابايت رام وبذاكرة داخلية سعتها ٣٢ جيجابايت وذاكرة عشوائية سعتها ٦ جيجابايت رام بذاكرة داخلية سعتها ٦٤ جيجابايت وممكن زيادة مساحة الموبايل التخزينية بكروت الذاكرة الخارجية لحد ٢٥٦ تيرابايت من خلال منفذ مستقل.
  • نظام التشغيل: الموبايل بيشتغل بنظام تشغيل أندرويد ٧.١.١ نوجات.
  • واجهة المستخدم: ColorOS 3.2
  • الكاميرا: الموبايل الكاميرا الخلفية بتاعته أحادية بقوة ١٦ ميجا بيكسل وفتحة مستشعر f/1.8 والكاميرا مدعومة بتقنية التركيز التلقائي PDAF وتقنية HDR ومدعومة بإضاءة فلاش ليد فردية وبتقدر تصور الفيديو بجودة 1080p بمعدل ٣٠ إطار في الثانية، أما الكاميرا الأمامية فعدستها بقوة ٢٠ ميجا بيكسل وفتحة مستشعر f/2.0.
  • منفذ توصيل السماعات السلكية ٣٫٥ مم: متوفر.
  • منفذ الشحن ونقل البيانات: microUSB 2.0.
  • ماسح البصمة: خلفي.
  • المستشعرات: التسارع – التقارب – البوصلة
  • البطارية: بطارية الموبايل غير قابلة للإزالة سعتها ٣٢٠٠ مللي أمبير في الساعة.
  • ألوان الموبايل: الأسود – الأحمر – الذهبي.

مزايا وعيوب Oppo F5

مزايا Oppo F5

  • الموبايل وزنه خفيف بس مش بشكل مستفز أو يحسسك إنه ضعيف قوي.
  • الموبايل بيدعم شريحتين اتصال SIM.
  • شاشة الموبايل كاملة من غير ثقب أو شق ودي ممكن تكون ميزة للي مش مقتنع لسا بتصميم الشق أو الثقب أو التصاميم الجديدة اللي من النوع ده.
  • شاشة الموبايل كبيرة بتوفر مساحة رؤية كاملة ومميزة للفيديوهات والألعاب.
  • موبايل Oppo F5 بيمتاز بشاشة بجودة عالية دقتها ٢١٦٠ × ١٠٨٠ بيكسل بكثافة عالية ومتميزة.
  • شاشة الموبايل بتتميز بدقة ألوان أكثر من ممتازة.
  • الشاشة محمية بزجاج كورنينج جوريلا الإصدار الخامس.
  • الموبايل بيتميز بإصدار بذاكرة عشوائية قوية سعتها ٦ جيجابايت رام.
  • الموبايل بيقبل كروت الميموري لحد ٢٥٦ جيجابايت من خلال منفذ مستقل يعني مش هيأثر على استخدام شريحة الاتصال التانية
  • الكاميرا الخلفية أداءها مقبول جدًا سواء في الإضاءة المحيطة المرتفعة أو المنخفضة.
  • الكاميرا الأمامية كمان أداءها متميز خصوصًا في الإضاءة المحيطة العالية وده لأن الموبايل أصلًا كان موجه لعشاق السيلفي.
  • الموبايل فيه منفذ ٣٫٥ مم.
  • الموبايل فيه ماسح بصمة خلفي سريع ودقيق.
  • الموبايل بيتميز ببطارية مقبولة جدًا وأداءها كويس.

عيوب Oppo F5

  • الموبايل معمول بالكامل من البلاستيك ماعدا الشاشة اللي بتتميز بحماية.
  • ضهر الموبايل من البلاستيك ومش محمي بأي نوع من أنواع الزجاج المقوى.
  • شاشة الموبايل ممكن تكون مناسبة للي مش حابين التصميمات الجديدة بس في نفس الوقت هو تصميم قديم ومش هيكون جذاب للي بيدور على موبايل جديد عصري.
  • شاشة الموبايل بتشغل نسبة قليلة من المساحة الأمامية.
  • الشاشة حدتها ووضوحها في ضوء الشمس المباشر ضعيف شوية لانها مصنوعة من LCD مش AMOLED
  • البروسيسور بتاع المبايل ضعيف جدًا بالنسبة لموبايلات فئته ومقارنة بسعر الموبايل.
  • معالج الرسوميات مش قوي ومش هيأدي الأداء المنتظر أوي برضه بالنسبة لفئة الموبايل السعرية.
  • الذاكرة الداخلية للموبايل تعتبر محدودة جدًا.
  • الموبايل بيشتغل بإصدار اندرويد ٧.١.١ نوجات ومش بيقبل الترقية لحد اندرويد ٩ باي.
  • تصوير الفيديو في الكاميرا الخلفية مش بيدعم جودة 4K.
  • رغم إن الموبايل كان يعتبر نقلة في عالم تصوير السيلفي إلا إن إمكانيات الكاميرا الأمامية بالمقارنة بكاميرات كتير في نفس الفئة مابقتش عنصر جذب قوي.
  • مفيش راديو إف إم.
  • بيعتمد الموبايل على منفذ microUSB 2.0 في الشحن ونقل البيانات ودي كمان حاجة مابقتش مناسبة للفئة السعرية.
  • مفيش مستشعر الدوران اللي بيدعم تطبيقات الواقع الافتراضي والواقع المعزز.
  • البطارية مش بتدعم تقنية الشحن السريع.
  • الموبايل في المجمل سعره عالي جدًا بالنسبة لتاريخ طرحه ولمواصفاته اللي مابقتش تمثل أي عنصر قوة في مقابل موبايلات تانية كتير في نفس الفئة السعرية وبتقدم إمكانيات ممتازة، وفعلًا Oppo محتاجة تراجع سعر الموبايل في السوق المصري.

شوف عروض أسعار موبايل Oppo F5 من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.

Leave a Reply

Your email address will not be published. Required fields are marked *