مميزات وعيوب موبايل هواوي الاقتصادي Huawei Y5 2019

مميزات وعيوب موبايل هواوي الاقتصادي Huawei Y5 2019

كتب: خالد عاصم

بيقدم موبايل Huawei Y5 2019 حل مثالي للي عايز موبايل رخيض ومن شركة كبيرة ومعروفة وفي المقال ده هنتكلم عن مميزات وعيوب الموبايل ده ومتوسط سعره في السوق، ولو الموبايل عجبكم هتقدروا تطلبوه من خلالنا في ياقوطة وهيوصلكم لحد باب البيت وكمان تقدروا تشتروا المنتجات دي بالتقسيط من خلال شهري أول وأسهل تطبيق للتقسيط في مصر واللي مش بيحتاج منك غير صورة البطاقة وصورة إيصال مرافق وبس، ومن غير زيارة ولا ضامن واستمتع كمان بتوصيل مجاني لكل مشترياتك من خلاله.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع

موبايل Huawei Y5 2019

المواصفات

  • أبعاد الموبايل: ٨.٥ × ٧٠.٨ × ١٤٧.١ مم.
  • وزن الموبايل: ١٤٦ جرام.
  • البناء والصناعة: جسم من البلاستيك بزجاج أمامي.
  • شرائح الاتصال:  إصدار أحادي وإصدار ثنائي الشريحة.
  • شاشة الموبايل: شاشة موبايل Huawei Y5 2019 كاملة بشق قطرة المياه قطرها ٥.٧١ بوصة بتشغل حوالي ٧٨.١ في الميه من مساحة الموبايل الأمامية. والشاشة بتقدم دقة عرض ١٥٢٠ × ٧٢٠ بيكسل بكثافة ٢٩٥ بيكسل لكل بوصة والشاشة مصنوعة من شرائح IPS LCD.
  • أداء الموبايل: معالج MediaTek Helio A22 رباعي النواة وسرعته ٢.٠ جيجا هيرتز لأربع شرائح من Cortex-A53 والمعالج مدمج بمعالج جرافيكس PowerVR GE8320. والموبايل بيصدر بإصدارين بذاكرة عشوائية سعتها ٢ جيجابايت رام وبذاكرة داخلية سعتها إما ١٦ جيجابايت أو ٣٢ جيجابايت وممكن زيادة مساحة الموبايل التخزينية بكروت الذاكرة الخارجية من خلال منفذ مستقل.
  • نظام التشغيل: الموبايل بيشتغل بنظام تشغيل أندرويد ٩ باي.
  • واجهة المستخدم: EMUI 9
  • الكاميرا: الموبايل الكاميرا الخلفية بتاعته أحادية بقوة ١٣ ميجا بيكسل وفتحة مستشعر f/1.8 والكاميرا مدعومة بتقنية التركيز التلقائي PDAF وتقنية HDR ومدعومة بإضاءة فلاش ليد فردية وبتقدر تصور الفيديو بجودة 1080p بمعدل ٣٠ إطار في الثانية، أما الكاميرا الأمامية فعدستها بقوة ٥ ميجا بيكسل وفتحة مستشعر f/2.2.
  • منفذ توصيل السماعات السلكية ٣٫٥ مم: متوفر.
  • منفذ الشحن ونقل البيانات: microUSB 2.0.
  • ماسح البصمة: مش متوفر.
  • المستشعرات: التسارع – التقارب.
  • البطارية: بطارية الموبايل غير قابلة للإزالة سعتها ٣٠٢٠ مللي أمبير في الساعة.

مميزات وعيوب موبايل Huawei Y5 2019

مميزات Huawei Y5 2019

  • الموبايل رغم إن مصنوعه من البلاستيك وده بيوضح بشكل كبير أول ما نمسكه بس شكله في المجمل مش وحش وده لأنه بيعتمد على تصميم شق قطرة المياه اللي لسا مستخدم في مجموعة مش قليلة من الموبايلات
  • الشاشة قطرها مش كبير ودي ميزة للمستخدمين اللي مش قادرين يتعاملوا مع الموبايلات اللي شاشاتها كبيرة وكمان لأن جودة الشاشة محدودة فالأفضل يكون قطرها متوسط مش كبير
  • اعتماد الشاشة على معدل الشاشات الكويلة بيدي إيحاء إنها أكبر وبيخليها مناسبة لمشاهدة الفيديوهات رغم إنها صغيرة نسبيًا مقارنة بالموبايلات المتوفرة دلوقتي حتى في الفئة دي
  • ألوان شاشة الموبايل واضحة وطبيعية
  • الموبايل بيقبل كروت الميموري وكروت الميموري مش بتعطل استخدام شريحة الاتصال التانية لأن ليها منفذ مخصص
  • الكاميرا الخلفية مكونة من عدسة واحدة بس صحيح بس إمكانياتها مقبولة جدًا لانها بتتمتع بدقة مش بطالة وفتحة عدسة كبيرة نسبيًا وقدرة على تصوير صور مقبولة في مختلف ظروف الإضاءة كمان مدعومة بتقنية التركيز التلقائي PDAF وبتقدر تصور الفيديو بجودة 1080p
  • الموبايل فيه منفذ ٣٫٥ مم
  • الموبايل فيه راديو إف إم بهوائي مدمج يعني يقدر يشتغل من غير ما تحتاج تركب السماعات
  • بطارية الموبايل مقبولة جدًا خصوصا وإن الشاشة والبروسيسور مش بيستهلكوا طاقة كبيرة أوي

عيوب Huawei Y5 2019

  • الموبايل مصنوع من مواد ضعيفة إلى حد كبير وده بينعكس على وزنه الخفيف جدًا وكمان هيكون من السهل تعرضه للخدش خصوصًا على مستوى الضهر
  • الموبايل مش بيتمتع بأي حماية ضد قطرات أو رشات المياه أو التعرق
  • الشاشة دقتها ضعيفة شوية بس ده ممكن يكون طبيعي بالنسبة لموبايل اقتصادي
  • الحواف المحيطة بالشاشة كبيرة بشكل ملحوظ ومش متناسب أوي مع تصميم شق قطرة المياه
  • الموبايل بيعتمد على بروسيسور رباعي النواة بس صحيح أداءه كويس بس في حدود إمكانياته اللي ماتقدرش تشغل عدد كبير من الألعاب والتطبيقات المعقدة
  • الموبايل راماته ٢ جيجابايت رام بس في الإصدارين اللي بيصدر بيهم ودي سعة مش كبيرة وخصوصًا مع معالج زي ده فهيكون أداء الموبايل محدود شوية
  • السعة الداخلية للإصدارين محدودة وغالبًا هتحتاج للاستعانة بكارت ميموري خارجي
  • كاميرا Huawei Y5 2019 الخلفية أحادية مفيهاش عدسة تانية تقدر تصور صور بورتريه
  • الكاميرا الأمامية قوتها محدودة بشكل واضح وقدرتها على تصوير صور واضحة في الإضاءة المحيطة المنخفضة ضعيفة جدًا
  • الموبايل بيعتمد على منفذ microUSB في الشحن ونقل البيانات
  • مستشعرات الموبايل محدودة جدًا
  • الموبايل مفيهوش ماسح بصمة
  • الموبايل مش بيدعم تقنية الشحن السريع

اتعرف على عروض أسعار موبايل Huawei Y5 2019 من هنا.

اتعرف على عروض أسعار مختلف هواوي المتوفرة على ياقوطة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.

Leave a Reply

Your email address will not be published. Required fields are marked *