مميزات وعيوب مكواة الشعر الدوارة أنستيلر

مميزات وعيوب و مواصفات و سعر مكواة الشعر الدوارة أنستيلر

كتبت: منى عوض

ياقوطة قررت تقدملك النهارده ريفيو شامل عن مكواة الشعر الدوارة أنستيلر. وهتعرفي من خلال الريفيو ده على مواصفات مكواة الشعر دي ومميزاتها وعيوبها كمان، ولو عجبتك وعايزة تشتريها تقدري من خلالنا تعرفي أحسن الأسعار ليها وتقارني بينهم وتقدري كمان تطلبها وهتوصل لغاية عندك في أسرع وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

المواصفات

  • استخدامات مكواة الشعر‏: ‏ تمليس وتجعيد الشعر.
  • حجم أسطوانة مكواة الشعر‏: ‏ ١.٢٥
  • إعدادات الحرارة‏: ‏ ٣ درجات.
  • وقت التسخين‏: ‏ ٣٠ ثانية.
  • شاشة LED: يوجد.
  • الخامات‏ المصنوع منها المكواة: ‏ البلاستيك والسيراميك والتورمالين.
  • قدرة مكواة الشعر: ١٣٠ وات.
  • البلد المنشأ: الصين.

المميزات

  • المكواة بتتناسب مع جميع أنواع الشعر وكمان سهلة الاستخدام، وبتمنحك مظهر الشعر اللي انتي عاوزاه.
  • بتتناسب مع الاستخدام على الشعر سواء كان جاف أو مبلول.
  • تقدري تستخدمي المكواة بداية من جذور الشعر من غير خوف.
  • بتقوم بتجفيف الشعر من خلال إزالة الماء من جذور الشعر‏ وإخراجه بالتبخير من الأسطوانة الدوارة.
  • تعتبر موفرة للوقت والجهد. لأنها بتنشف الشعر من المياه بسرعة وأمان في نفس الوقت اللي بتقوم فيه بعملية التصفيف من غير ما تتسبب في أي ضرر للشعر.
  • أول صف من الفرشاة مخصص لفصل الشعر وتسويته، أما ثانى صف فمخصص لتصفيف الشعر وزيادة كثافته ولمعانه.
  • مكواة الشعر فيها جزء مصمم من السيراميك عشان تصدر درجة حرارة مناسبة لأي نوع شعر من غير ما تتلفه.
  • الأسطوانة الدوارة بتوصل الحرارة لغاية جذور الشعر، وكمان بتوزع الحرارة بشكل كويس ومتكافئ عشان تسرحي شعرك بشكل أفضل. عشان تحصلي على شعر لامع وأملس من غير ما يتعرض لأي ضرر.
  • مزودة بشاشة LED لمتابعة درجة الحرارة بشكل أفضل.
  • بتسخن بسرعة في مدة زمنية قدرها ٣٠ ثانية.
  • مزودة بخاصية الإيقاف التلقائي بمجرد ما بتوصل لدرجة سخونة عالية.
  • مكواة الشعر مزودة بذراع عازل للحرارة عشان ما تتعبش إيديك أو تحرقها وانتي بتستخدميها.

العيوب

  • شعيرات الفرشاة ممكن تبوظ بمرور الوقت.
  • الفرشاة ممكن تسبب تقصيف وتساقط الشعر لو متشابك أو مش متسرح.
  • المكواة مش بتدي نتايج كويسة إلا لو تم استخدامها ببطء على الشعر.
  • مش هتقدري تشيلي المكواة إلا بعد ما تتأكدي إنها بردت خالص بعد الاستخدام.

نصائح لاستخدام مكواة الشعر بشكل أفضل

  • حاولي بقدر الإمكان إنك تستخدمي منشفة عشان تنشفي شعرك كويس قبل استخدام المكواة عشان توفري على نفسك وقت.
  • لو هتستخدميها على الشعر المبلول لازم تمرري المكواة مرتين على شعرك، مرة لتجفيف الشعر أما المرة التانية فهتكون لفرد الشعر أو تسريحه.
  • درجة الحرارة المنخفضة دي مخصصة للشعر الناعم ودرجة الحرارة المتوسطة للشعر متوسط الكثافة أما درجة الحرارة العالية مخصصة للشعر الكثيف.
  • يفضل عدم لمس الشعر بعد استخدام مكواة الشعر الدوارة عشان تسريحة شعرك ماتبوظش، وكمان ممكن تستخدمي سبراى بخاخ لتثبيت الشعر بس حاولي تقللي من استخدام الاسبراي ده لأنه ممكن يتلف الشعر بمرور الوقت.

شوفي مكواة الشعر الدوارة أنستيلر من هنا.

تقدري تشوفي أنواع مختلفة من أدوات تصفيف الشعر من هنا.

وتقدري كمان تعرفي أكتر عن إزاي تحددي أداة تصفيف الشعر المناسبة لنوع شعرك من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

منى عوض، كاتبة بقالي أكتر من سنتين، بكتب عادة عن التكنولوجيا اللي بقت جزء لا يتجزأ من حياتنا اليومية، وبحب دايمًا أني أقرأ وأدور كويس جدًا عن كل حاجة قبل 
ما أكتب عنها عشان أكون متأكدة من كل معلومة بكتبها ولو حسيت أن المعلومات اللي لاقيتها على الإنترنت مش كافية ببدأ أنزل وأسأل سواء أشخاص جربوا الحاجة دي أو في الأماكن اللي بتكون متخصصة في بيع الحاجة اللي بكتب عنها.

Leave a Reply

Your email address will not be published. Required fields are marked *