كتب: خالد عاصم

لكل مجال تكنولوجي شركاته العملاقه اللي منتجاتها بتتميز بسيطرتها الكاملة على السوق على المستوى التجاري ومستوى المبيعات، وكمان بتتميز المنتجات دي بإنها بتتضمن أحدث التقنيات للدرجة اللي بتخليها تقدر تحدد مستقبل المجالات دي، وفي عالم التكنولوجيا الاستهلاكية المنزلية وخصوصًا التليفزيونيات، تعتبر أكبر شركة سامسونج وشركة LG هما العمالقة تقريبًا من غير منافسة فعلية، يعني نقدر نقول إن المنافسة الرئيسية على القمة بتكون بين سامسونج وLG وباقي الشركات بتتنافس على المراكز التانية.

بتوفر سامسونج وLG مجموعة كبيرة ونطاق واسع من التليفزيونات المتميزة والمختلفة من حيث القطر طبعًا وكمان من حيث الجودة والإمكانيات والتقنيات وغيرها، ومن بين كل التنوع ده هنختار تليفزيون واحد من كل شركة عشان نقارنهم ببعض، واختيارنا النهارده هيكون لتليفزيون بمواصفات أساسية هي قطر 55 بوصة وجودة 4K وإنه يكون تليفزيون سمارت، وفي الوقت اللي بتوفر فيه الشركتين تليفزيونات كتير بنفس المواصفات دي، اخترنا أقربهم من حيث السعر للمستهلك.

من خلال المقال ده هنقارن بين تليفزيون سامسونج سمارت ٥٥ بوصة بجودة 4K وما بين تليفزيون LG بالمواصفات والخصائص نفسها، وهنتعرف على إمكانياتهم ومتوسط أسعارهم في السوق المصري، ولو اختارتوا واحد من الاتنين هتقدروا تطلبوهم من خلالنا في ياقوطة وهيوصلولكم لحد باب البيت أو مكان ما تحبوا بأسرع وقت ممكن.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

تليفزيون سامسونج سمارت بقطر ٥٥ بوصة وجودة 4K موديل 55RU7100

المواصفات الأساسية

• نوع التليفزيون: سمارت.
• القطر:٥٥ بوصة.
• الجودة: 4K UHD
• الدقة: ٢١٦٠ × ٣٨٤٠ بيكسل.
• التصميم: مسطح.
• الإضاءة: خلفية.
• تقنية HDR: مدعومة.
• تقنية دولبي الصوتية: متوفرة.
• قنوات الصوت: ثنائي القنوات.
• قوة خرج الصوت: ٢٠ وات.
• دعم الاتصال الصوتي اللاسلكي: متوفر.
• الاتصال اللاسلكي: واي فاي – بلوتوث.
• المنافذ: ٣ منافذ HDMI – ٢ منفذ USB – منفذ إيثرنت.
• ريسيفر مدمج: متوفر.

اتعرف على عروض أسعار تليفزيون سامسونج سمارت بقطر ٥٥ بوصة وجودة 4K موديل 55RU7100 من هنا.

اتعرف على عروض أسعار تليفزيونات سامسونج المتوفرة على ياقوطة من هنا.

تليفزيون LG سمارت بقطر ٥٥ بوصة وجودة 4K موديل 55Uk6400

المواصفات الأساسية

• نوع التليفزيون: سمارت.
• القطر:٥٥ بوصة.
• الجودة: 4K UHD
• الدقة: ٢١٦٠ × ٣٨٤٠ بيكسل.
• التصميم: مسطح.
• الإضاءة: خلفية.
• تقنية HDR: مدعومة.
• تقنية دولبي الصوتية: متوفرة.
• قنوات الصوت: ثنائي القنوات.
• قوة خرج الصوت: ٢٠ وات.
• دعم الاتصال الصوتي اللاسلكي: متوفر.
• الاتصال اللاسلكي: واي فاي – بلوتوث.
• المنافذ: ٣ منافذ HDMI – ٢ منفذ USB – منفذ إيثرنت.
• ريسيفر مدمج: متوفر.

اتعرف على عروض أسعار تليفزيون LG سمارت بقطر 55 بوصة وجودة 4K موديل 55Uk6400 من هنا.

اتعرف على عروض أسعار تليفزيونات LG المتوفرة على ياقوطة من هنا.

المقارنة بين التليفزيونين

من المواصفات الأساسية بيتضح إن الجهازين مش مختلفين بشكل كبير، بالعكس المواصفات الأساسية متطابقة تقريبًا، فالتليفزيونين سمارت بنفس المقاس ٥٥ بوصة ونفس الدقة ٣٨٤٠ × ٢١٦٠ بيكسل والاتنين بتصميم مسطح والاتنين كمان بييجوا بتقنية HDR وبجودة 4K UHD وبيعتمدوا على سماعتين بقوة ٢٠ وات بيدعموا تقنيات دولبي الصوتية المختلفة، ده غير إن الاتنين بييجوا باتصالات لاسلكية وبنفس المنافذ تقريبًا وكمان فيهم ريسيفر مدمج.

أما عن الاختلافات فبتكمن بشكل رئيسي في التقنيات الخاصة اللي بتعتمد عليها كل شركة في أجهزتها، يعني تقنيات دقة الألوان في التليفزيونين مختلفة رغم إن كلهم بيخدموا نفس نطاقات الألوان القياسية المعروفة والأساسية، كمان بيختلف الجهازين من حيث أنظمة التشغيل الخاصة بالسمارت واللي برضه في النهاية بتقدم نفس الخدمات تقريبًا وبتوفر نفس التطبيقات الأساسية على الأقل زي نتفليكس ويوتيوب وتطبيقات التواصل وغيرها من التطبيقات الأساسية الموجودة في مختلف التليفزيونات السمارت.

التليفزيونين كمان بيتميزوا بتصميم أنيق جدًا ونحيف ومناسب لأي غرفة خصوصًا لو حابب إنك تشتري تليفزيون كبير، غير كده فيه اختلافات تانية بسيطة بتتميز بيها كل شركة، يعني مثلًا تليفزيونات LG بتتميز بالريموت كنترول الماجيك الخاص بأجهزة تليفزيونات سمارت، أما سامسونج فبتتميز بمعالجات ومحركات داخلية قوية بتميز أجهزتها بشكل كبير على مستوى الألوان تحديدًا وعلى مستوى سرعة الاتصال وثباته.

التليفزوينين بيدعموا نفس الصيغ كمان يعني بيقدروا يشغلوا نفس الملفات سواء الموسيقية أو ملفات الصور أو الفيديو، والتليفزيونين بيتميزوا بتقنيات صوتية ممتازة جدًا.

يبقى بس إننا نتكلم عن العوامل اللي ممكن تحدد اختيارك لتليفزيون بعينه بدل التاني بما إن الجهازين بيتمتعوا بنفس الإمكانيات تقريبًا، العنصر الأساسي في الاختيار هو ارتياحك الشخصي للشركات، يعني فيه ناس بتفضل منتجات سامسونج في المطلق وناس تانية بتفضل منتجات LG في المطلق، كما لازم تحط في دماغك قوة خدمات ما بعد البيع ومدى قوة خدمة العملاء وتفهمها ومستوى الصيانة، كمان الإيكو سيستم ممكن يكون من العوامل الرئيسية، يعني لو مثلًا نظام المسرح المنزلي اللي ناوي تجيبه LG فيفضل إنك تجيب تليفزيون من LG وهكذا، وفي النهاية لو جبت أي تليفزيون من الاتنين فانت اخترت واحد من أفضل الأجهزة في الفئة السعرية دي وبالمواصفات دي.

اتعرف على عروض أسعار مختلف التليفزيونات المتوفرة على ياقوطة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.