المقارنة الكاملة بين تلاتة من أحسن تكييفات LG المتوفرة في السوق المصري

كتب: خالد عاصم

مفيش شك إن شركة LG واحدة من أكبر الشركات في العالم وفي مصر على مستوى تطوير وصناعة أجهزة التكييف، وعشان كده تكييفات LG رغم أسعارها اللي ممكن تكون عالية شوية مقارنة بأجهزة تكييف تانية، إلا إن مبيعاتها دايمًا قوية والإقبال عليها دايمًا كبير وده لمميزات كتير بتتشارك فيها كل تكييفات LG ومن بينها على سبيل المثال لا الحصر، جودة الصناعة، التقنيات المتميزة المختلفة اللي بتتمتع بيها، وكمان خدمة ما بعد البيع الممتازة واللي بتشتهر بيها LG على مستوى الأجهزة المنزلية الاستهلاكية.

وفي المقال ده هنتكلم عن تلاتة تحديدًا من تكييفات LG المتوفرة في نفس الفئة السعرية وبتتشارك في كونها بقوة 3 حصان وبتقنية انفرتر الموفرة للطاقة، ولو أي تكييف من اللي هنتكلم عنهم عجبتكم هتقدروا تطلبوها من خلالنا في ياقوطة وهتوصلكم لحد باب البيت وكمان تقدروا تشتروا المنتجات دي بالتقسيط من خلال شهري أول وأسهل تطبيق للتقسيط في مصر واللي مش بيحتاج منك غير صورة البطاقة وصورة إيصال مرافق وبس، ومن غير زيارة ولا ضامن واستمتع كمان بتوصيل مجاني لكل مشترياتك من خلاله.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

مقارنة بين تلاتة من أبرز تكييفات LG

تكييف LG ارت كول ٣ حصان انفرتر بارد وسخن

التكييف الأول من تكييفات LG اللي هنتكلم عنها هو تكييف ارت كول بقوة ٣ حصان بتقنية انفرتر، وبيعتمد التكييف ده على تقنية انفرتر المتميزة المطورة من خلال LG واللي بقدر تجمع بين الأداء القوي والصوت المنخفض جدًا وكمان تقليل استهلاك الطاقة اللي بيوصل لحد ٦٦ في الميه، الجهاز بيتميز كمان بتصميم أنيق جدًا ممكن نكون عليه إنه الأشيك من بين أجهزة تكييفات LG ومن بين الأشيك في المطلق.

التكييف بيتميز بمجموعة مختلفة من المميزات التانية، زي تصميمه اللي بيعمل على تحسين تدفق الهواء وده بيخلي التكييف يقدر يغطي منطقة توصل لحد ١٠ متر بغض النظر عن الحجم، ده غير إن التكييف بيتميز بقدرة تبريد سريع وقوي، وطبعًا تقدر تعدل اتجاه الدوران الأفضل والرأسي عشان تقدر تحدد المناطق اللي عايز تبردها، كل ده كمان مدعوم بفلاتر بتقنية البلازما اللي بتقدر توفر أفضل بيئة صحية ممكنة من غير بكتريا أو ريحة.

اتعرف على عروض أسعار تكييف LG ارت كول ٣ حصان انفرتر من هنا.

تكييف LG اس بلس ٣ حصان انفرتر بارد بس

واحد من تكييفات LG الممتازة اللي بتتمتع بمجموعة كبيرة من التقنيات ومنها اللي بتتشارك فيه مع باقي تكييفات المجموعة اللي هنتكلم عنها زي إنه بقوة ٣ حصان وزي إنه بيتمتع بتقنية العاكس أو انفرتر اللي بتقدر توفر الكهربا بشكل كبير جدًا مع الحفاظ على قوة الأداء وكمان تخفيض الصوت بشكل هيخليك تشغل التكييف من غير ما تحس بأي صوت مزعج.

التكييف بيتميز بتقنيات كتير ممتازة زي خاصية ابلازما أيونايزر اللي بتنقي الهوا وبتحافظ عليه وبتخليه دايمًا فريش وخالي من الميكروبات مع قدرة على امتصاص الروايح المزعجة، التكييف كمان بيتمتع بتقنية التربو اللي بتعمل تبريد سريع جدًا للغرفة وكمان فيه خاصية In-room Tracking اللي بتعدل درجة حرارة الغرفة باللي يتناسب مع الجو، التكييف كمان بيتميز بإمكانية التعديل الأفقي والرأسي لتدفق الهواء، ده غير إن التكييف ديجيتال وفيه واي فاي يعني تقدر تتحكم فيه من خلال تليفونك، بس النقص الوحيد في التكييف ده إن بارد فقط.

اتعرف على عروض أسعار تكييف LG اس بلس 3 حصان من هنا.

تكييف LG انفرتر بارد وساخن بقوة ٣ حصان

واحد من أفضل التكييفات المتوفرة على الإطلاق في السوق المصري، التكييف بيتميز بتقنية Dual Inverter Compressor اللي بتتفوق على التكييفات بتقنية الانفرتر العادية وده لانها بتقضي على الضوضاء بشكل كامل وبيتيح التشغيل السلس للتكييف وكمان بيقدر يظبط سرعة الضاغط عشان يحافظ على مستويات الحرارة مع إخراج الهواء بسرعات أعلى ولمسافات كبيرة ومع توفير كبير جدًا للطاقة.

من بين المميزات التانية اعتماد التكييف على مجموعة مختلفة من التقنيات زي فلتر EZ وخاصية التعديل الأوتوماتيكي عند النوم وكمان تقنية الزعانف الذهبية Gold Fin المقاومة للتآكل وكمان بيتميز التكييف بقدرة على التنظيف التلقائي ومرشح الحماية المزدوج وعدد كبير مختلف من التقنيات.

اتعرف على عروض أسعار تكييف LG انفرتر ساخن وبارد 3 حصان من هنا.

اتعرف على عروض أسعار مختلف تكييفات LG المتوفرة على ياقوطة من هنا.

الخلاصة

لو هنتكلم عن الأفضل على الإطلاق فأكيد هننصحك بالتكييف التالت اللي بيتميز بكل الإمكانيات اللي ممكن تفضلها في جهاز تكييف وخصوصًا إن فرق السعر بينه وبين التكييف التاني قليل جدًا مع العلم إن التاني بارد بس، صحيح بيتميز بتقنية الواي فاي بس بالنسبة لناس كتير ممكن ماتكونش العامل المرجح أوي لاختيار التكييف ده، اما التكييف المثالي في وجهة نظري هو الأول وده لانه بيتمتع بمجموعة كبيرة جدًا من الإمكانيات مع انخفاض سعره الملحوظ عن باقي التكييفات واللي مش بعيد أوي عن تكييفات تانية بنفس القوة وبإمكانيات أقل من شركات تانية مختلفة.

اتعرف على عروض أسعار مختلف التكييفات المتوفرة على ياقوطة من هنا.

اتعرف على عروض أسعار الأجهزة المنزلية المتوفرة على ياقوطة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.

Leave a Reply

Your email address will not be published. Required fields are marked *