مقارنة بين الفرن الغاز والفرن الكهرباء

مقارنة بين الفرن الغاز والفرن الكهرباء وأسعارهم في مصر

كتبت: نهى نصرت

على مدار سنوات طويلة كان الفرن الغاز هو الأكثر انتشارًا واستخدامًا في أغلب البيوت، وبسبب التطور في التكنولوجيا والأجهزة المنزلية ظهر الفرن الكهربائي وأصبح ليه شعبية وزاد الإقبال عليه، وبقى في حيرة كبيرة في يا ترى إيه الأحسن وإيه النوع اللي بيدّي نتائج أفضل وفي نفس الوقت ما يأثرش على جودة الطعم؟

عشان كده قررنا في ياقوطة نعمل مقارنة نوضح فيها مميزات وعيوب كل نوع منهم عشان نقدر نساعدك في اتخاذ قرار الشراء اللي عادةً مش بيكون قرار سهل.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

نصائح سريعة قبل الشراء

  • احرص على اختيار الحجم المناسب لمساحة مطبخك حيث تتواجد الآن بالأسواق أفران بأحجام ومقاسات مختلفة ويوجد نوعين:

١. الأفران التقليدية اللى بتيجى مع البوتجاز كوحدة واحدة وبها عيون للتسخين أعلى الفرن.

٢.  الأفران المدمجة Built-in اللى بتكون عبارة عن فرن فقط وبيخصص له مكان مدمج بالمطبخ.

وممكن تشوف مقال خطوات ياقوطة بإيجاز لشراء جهاز البوتاجاز من هنا.

  •  تأكد من إن الفرن يمتلك عزلاً جيداً للحرارة حتى لا تتسبب بأية أضرار لأسطح المطبخ.
  •  الأفضل اختيار فرن توجد به مروحة داخلية حتى تساعد على توزيع الحرارة بشكل منتظم.
  • احرص على شراء فرن له باب شفاف لرؤيه الطعام بداخله دون الحاجه لفتح الباب كل فترة مما يؤثر على الحرارة وجودة الطعام.
  • اتأكد إن الفرن فيه كل البرامج اللي هتحتاجها؛ لأن الأفران عادةً بيكون فيها برامج كتيرة مش كل الناس بتحتاج تستخدمها، زي مثلًا برنامج التنظيف الذاتي أو برنامج الخبز المحترف.

الموديل

 الفرن الكهربائى

 الفرن الغاز

 

عامل اللأمان  

  • يعتبر أكتر أمانًا ولكن قد تنتج عنه مخاطر في حالة حدوث ماس كهربائى مما قد يؤدي إلى حدوث حرائق. لكنه في المجمل آمن أكتر خصوصًا إنه بييجي منفصل عن البوتاجاز فممكن تحطه في مكان مرتفع بحيث يبقى بعيد عن متناول الأطفال.
  • قد يحدث تسرب فى الغاز مما يتسبب فى الإصابة بالاختناق.
  • يعمل بالشعلة بالنيران مما قد يتسب فى ضرر فى حالة وجود اطفال.

 

الجودة   
  • بياخد وقت أطول فى التسخين فبيتسبب في تنشيف بعض المعجنات، لكن في ناس كتير بتفضّله في الخبز لأن أغلب المخابز اللي بره بتستخدم الفرن الكهربائي في عمل المعجنات (ما عدا البيتزا وما شابهها طبعًا) وبتطلع جميلة.
  • بيعطي نتائج جيدة جدا مع الطعمة التة تحتاج لوقت أطول فى التسوية.
  • يعطى نتائج جيدة لأنه سريع فى التسخين ولكن فى نفس الوقت ممكن يعطى نتائج سلبية أحيانا نتيجة عدم انتظام الشعلة فيطلع الأكل مش مستوى كويس.
 

التوزيع الحراري  

  • فى حالة وجود مروحة يتميز بتوزيع الحرارة بشكل متساوى مما يساعد على تسوية الأكل بصورة أفضل
  • لا يقوم بتوزيع الحرارة بشكل متساوى مما قد يتسبب فى عدم تسوية الطعام بشكل جيد، كمان ممكن زيادة الحرارة دي تتسبب في حرق أجزاء منه.
 

الاستمرارية في التشغيل

 

  • فى حالة انقطاع الكهرباء أثناء التشغيل قد يتسبب فى تلف ما بداخله خاصة المعجنات.
  • ضمان الاستمرارية فى التشغيل فى حالة وجود غاز طبيعى بالمنزل
  • انقطاع التشغيل كل فترة فى حالة استخدام الأنابيب مما يعرض الطعام للتلف

 

 

درجات الحرارة

  • سهل التحكم فى درجات الحرارة مع إمكانية ضبط التايمر بحيث يقف التشغيل عند الوقت المحدد حيث  يوجد منظم حراري للحفاظ على درجة الحرارة.
  • يمكن ضبط درجة الحرارة على حسب الرغبة ولكن يمكن ان تختلف درجة السخونة من فرن لآخر.
 

الوقت

  • بيستغرق وقت أطول عشان يسخن وأبطء فى التسوية، بس ده برضه بيرجع لقدرة الفرن الكهربائية.
  • بيسخن بسرعة وأسرع فى التسوية.
معدل الاستهلاك 
  • بيستهلك كهرباء كتير وبالتالى فاتورة كبيرة.
  • بيستهلك غاز قليل وبالتالى فاتورة قليلة.
 

سهولة الاستخدم

  • سهل الاستخدام مش محتاج أكتر من توصيل سلك الكهرباء ولكن قد تواجهين مشكلة فى حالة انقطاع التيار الكهربائى.
  • بيتميز أنه فيه عدة أنظمة للتشغيل بيتم الاختيار بينهم على حسب الاستخدام اذا كان شواء او تسوية من السطح أو من الأسفل أو تسوية شاملة.
  • فى حالة وجود غاز بيسهل عليكى التشغيل لكن المشكلة اللى ممكن تقابلك لو عندك أنبوبة وطبعا بتحتاجى تغيريها كل فترة.
 

التنظيف

  • سهل التنظيف ولكن يجب التأكد قبل التشغيل من عدم وجد ماء بداخله لتجنب حدوث ماس كهربائى.
  • بعض الأفران يوجد بها خاصية التنظيف الذاتى حيث يتم رفع درجه الحرارة حتى تتم إذابة الدهون بدخلها فيسهل مسحها وتنظيفها.
  • محتاج مجهود ووقت أطول عند تنظيفه لكثرة الزيت والشحوم.

التكلفة

  • أقل فى تكلفة ويوجد منه موديلات بأسعار منخفضة على حسب السعة والمواصافات.
  • يعتبر أعلى تكلفة عند الشراء.

 تجربة وتقييم المستخدم

أكيد تجربة المستخدم لأى منتج بتفرق معانا كتير عند الشراء وخبرات الناس اللى قبلنا بتحسم الأمر أحيانا فحاولنا نتعرف عن تجارب الستات اللى استخدموا الفرن الغاز والفرن الكهرباء ودى كانت أغلب الأراء اللى قالوها من خلال تجاربهم:

  •  اختلفت الأراء بخصوص تسوية الكيك والمعجنات :

الرأى الأول: إن الفرن الكهرباء بيطلع نتائج أفضل عشان توزيع الحرارة متساوى على عكس الفرن الغاز أحيانًا بيطلع المعجنات نص سوى.

الرأى التانى: إن الفرن الغاز أفضل وبيطلع المعجنات والكيك هشة لكن الفرن الكهرباء بتنشفها عشان بياخد وقت طويل فى التسوية.

  • فكرة وجود أنبوبة فى البيت جعلت بعض السيدات يتجهوا للفرن الكهرباء للهرب من معاناة فك وتركيب الأنبوبة خاصة إنهم اتعرضوا لمواقف محرجة أثناء العزومات لما الأنبوبة كانت بتخلص فى أوقات حرجة.
  • بعض السيدات يروا إن الفرن الغاز يعتبر الأفضل فى ظل ارتفاع فواتير الكهرباء بشكل مبالغ فيه الفترة الأخيرة.

يمكنك الاطلاع والتعرف على أنواع الفرن الغاز من هنا، أنواع الفرن الكهرباء من هنا.

فى النهاية تجارب الناس تبقى مجرد دليل عشان يساعدك ولكن يبقى فى الأخر تجربتك انتى بعد الشراء اللى ممكن تختلف من سيدة لأخرى على حسب تجربتها الشخصية أثناء الطهي.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

Leave a Reply

Your email address will not be published. Required fields are marked *