الميكروويف ولا الفرن الكهربائي … الفروق ما بينهم وإيه اللي يناسبك فيهم

كتب: خالد عاصم

أوقات كتير بيكون الاختيار صعب ما بين الأجهزة المختلفة لعدم معرفتنا بطبيعة كل جهاز واستخدامات كل جهاز، ومن بين الأمثلة المهمة على كده الميكروويف والفرن الكهربائي واللي بيكون الاختيار ما بينهم صعب لنس كتير لعدم معرفتهم بطبيعة كل جهاز وأهمية استخدام كل جهاز منهم، وفي المقال ده هنساعد المستخدمين على الاختيار ما بينهم من خلال معرفتنا بطبيعة كل جهاز وهنتعرف كمان على مميزات وعيوب كل جهاز منهم.

ماتنساش إنك ممكن تشتري الميكروويف أو الفرن الكهربائي اللي نفسك فيه من خلالنا في ياقوطة وهيوصلكم لحد باب البيت وكمان تقدروا تشتروا المنتجات دي بالتقسيط من خلال شهري أول وأسهل تطبيق للتقسيط في مصر واللي مش بيحتاج منك غير صورة البطاقة وصورة إيصال مرافق وبس، ومن غير زيارة ولا ضامن واستمتع كمان بتوصيل مجاني لكل مشترياتك من خلاله.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

الاختيار لمين الميكروويف ولا الفرن الكهربائي

قبل ما نعرف إزاي نختار ما بين الميكروويف والفرن الكهربائي لازم في الأول نتعرف على كل واحد فيهم وعلى طبيعته وكيفية تشغيله، ومن خلال التعريف الأولي ده هنقدر نتعرف على مميزات وعيوب كل جهاز منهم، ومن هنا نقدر نحدد إيه المناسب لكل مستخدم.

تعريف الميكروويف

نقدر ببساطة نفهم يعني إيه ميكروويف من اسمه فكلمة ميكروويف Microwave هي عبارة عن موجات كهرومغناطيسية أصغر من موجات الراديو وأكبر من موجات الأشعة تحت الحمراء، والموجات دي مع إنتاجها وحركتها داخل أي وسيط بتقوم بتسخينه، بمعنى إنها هي المسؤولة عن تسخين الأكل وطهيه، وطبعًا الموجات دي بتستخدم في حاجات تانية كتير زي الاتصالات والرادارات ومجموعة من أغراض الاتصالات والأغراض الصناعية المختلفة.

وبتعمل أفران الميكروويف على استغلال الإشعاع الكهرومغناطيسي في تسخين الأكل بس من غير تسخين المساحة الداخلية الكاملة اللي بيتحط فيها الأكل ده، وده بيحصل من خلال حاجة اسمها الماجنيترون ودي المسؤولة عن تحريك الإلكترونات في أسلاك كهربائية رفيعة وده اللي بيولد الحرارة اللي بتستخدم في تسخين أو طهي الأكل.

تعريف الفرن الكهربائي

على عكس الميكروويف وتعقيداته العلمية، الفرن الكهربائي بيعتمد على قاعدة علمية بسيطة جدًا وهي تحويل الطاقة الكهربائية لطاقة حرارية، والفرن الكهربائي بيعتمد على عناصر معدنية بيتم تسخينها من خلال تيار كهربائي عشان كده بيكون فيه وسيلة للتحكم في درجة الحرارة، وبيقون الفرن الكهربائي بتسخين الأكل من خلال تسخين كامل المساحة الداخلية ليه واللي بالتالي بتقوم بتسخين وطهي الأكل، وأحيانًا بيكون فيه مروحة داخلية عشان تقوم بتوزيع درجة الحرارة دي بالتساوي داخل المساحة الداخلية للفرن.

مميزات وعيوب أفران الميكروويف

المميزات

  • بتتمتع بسهولة الاستخدام بشكل كبير، فكل اللي عليك إنك تحط الأكل في الفرن وتظبط درجة الحرارة المطلوبة وبس وعشان كده بيعتبر الاختيار المفضل لعدد كبير من المستخدمين
  • بيستخدم بشكل كبير في الإذابة لأي أكل مجمد ودي حاجة الفرن الكهربائي مش بيقدر يوفرها
  • بيتميز بقدرته على التسخين والطهي أسرع من الفرن الكهربائي ومش محتاج إنه يتسخن الأول لفترة زي ما بيحصل في الفرن الكهربائي وده معناه توفير في الوقت لأن درجة الحرارة بترتفع بمجرد تشغيل الفرن
  • موفر في الطاقة الكهربائية بشكل كبير عن الفرن الكهربائي وده راجع لنفس النقطة اللي فاتت المتمثلة في سرعة التسخين وعدم الحاجة لتسخين الفرن لفترة في الأول وكمان مش بيحتاج لأي تجهيزات أو تحضيرات قل التشغيل
  • موفرة في المساحة لان حجمها دايمًا أصغر من الفرن الكهربائي الكبير
  • صحية أكتر وأسهل في التنضيف

العيوب

  • لو بتستخدم الميكروييف في الطهي مش في التسخين فمش هيكون فعال في طهي أي أكل بسمك أكبر من بوصة على سبيل المثال يعني مثلًا مش هتقدر تطهي فيه بانية وده على الرغم من قدرته على توزيع الحرارة بتساوي ودي مش بتكون مشكلة في حالة التسخين بس
  • محتاج طبعًا إنك تاخد بالك من الحاجات اللي بتتحط فيه يعني طبعًا ماينفعش يتحط فيه أي حاجة معدن زي ورق الفويل لأن ده هيتسبب في انفجاره، وكمان ممكن بعض الأكل فيه يبوظ زي البيض لو حاولت تسلقه من غير ما تحط الكمية المناسبة من المياه وده هيأدي كمان لانفجار البيض جواه

مميزات وعيوب الأفران الكهربائية

المميزات

  • الفرن الكهربائي متعدد الوظائف يعني ممكن تستخدمه في الخبز أو التحميص أو الشوي ودي حاجات مش بتقدر تحققها أفران الميكروويف
  • أبرز مميزاته القدرة على التحكم في درجة الحرارة مش بس الوقت، فمش كل الأكلات بتحتاج لنفس درجة الحرارة ولا لنفس الوقت، أما الميكروييف فإمكانيات الاختيار فيه محدودة في الجزء المتعلق بدرجات الحرارة
  • الأفران الكهربائية اللي فيها مروحة بتقدر توزع الحرارة بنفس التساوي والكفاءة اللي موجودة في الميكروويف

العيوب

  • لو الفرن مفيهوش مروحة فعلى الأغلب الأكل مش هيتسوى بنفس المستوى لأن توزيع الحرارة مش هيكون متساوي
  • بتحتاج لوقت طويل وأطول من الأفران التانية وده لأنها لازم تتسخن الأول لفترة قبل ما يتحط فيها الأكل وده بيخليها تستهلك كهرباء أكتر مش بس وقت
  • الأفران الاحترافية والكبيرة غالية وأغلى من الميكروويف بفرق واضح

الميكروويف ولا الفرن الكهربائي

من خلال تعريف الجهازين ومعرفتنا بمميزات وعيوب كل واحد فيهم، هنقدر نقول إن الاختيار متوقف على طبيعة احتياجاتك واستخدامك وده لأن زي ما اتضح فالاختلافات بين الجهازين كبيرة إلى حد واضح، فيعني لو كان الحتياج الرئيسي لجهاز يتعمل فيه صواني وطهي كامل فساعتها الفرن الكهربائي هيكون هو الجهاز المناسب، أما لو محتاج جهاز تقدر من خلاله تدوب أي حاجة مجمدة أو تسخن أكل جاهز أو تعمل أكل خفيف فساعتها هيكون الميكروويف هو الجهاز المناسب، أما بقى لو محترف طبخ وعايز مطبخ مثالي، فالحل طبعًا إنك تشتري الاتنين.

اتعرف على عروض أسعار مختلف أنواع الميكروويف المتوفرة على ياقوطة

اتعرف على عروض أسعار مختلف أنواع الأفران الكهربائية المتوفرة على ياقوطة

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.

Leave a Reply

Your email address will not be published. Required fields are marked *