مراجعة ومزايا وعيوب موبايل سامسونج الاقتصادي Samsung Galaxy A12

مراجعة ومزايا وعيوب موبايل سامسونج الاقتصادي Samsung Galaxy A12

كتب: خالد عاصم

الفئة الاقتصادية من بين أعلى فئات الهواتف الذكية من حيث الانتشار والمبيعات في السوق المصري، وعشان كده بتهتم بيها مختلف الشركات الكبرى في عالم تطوير الموبايلات، ومن بينها طبقًا شركة Samsung اللي بتوفر مجموعة كبيرة من الموبايلات الاقتصادية اللي من بينها موبايل Samsung Galaxy A12 اللي هنتكلم عنه النهاردة وهنتعرف على مميزاته وعيوبه ومتوسط سعره الحالي في السوق المصري.

ولو الموبايل عجبكم هتقدروا تطلبوه من خلالنا في ياقوطة وهيوصلكم لحد باب البيت وكمان تقدروا تشتروا المنتجات دي بالتقسيط من خلال شهري أول وأسهل تطبيق للتقسيط في مصر واللي مش بيحتاج منك غير صورة البطاقة وصورة إيصال مرافق وبس، ومن غير زيارة ولا ضامن واستمتع كمان بتوصيل مجاني لكل مشترياتك من خلاله.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

موبايل Samsung Galaxy A12

المواصفات

  • أبعاد الموبايل: ٨.٩ × ٧٥.٨ × ١٦٤ مم.
  • وزن الموبايل: ٢٠٥ جرام.
  • البناء والصناعة: هيكل وضهر من البلاستيك بزجاج أمامي
  • شرايح الاتصالات: إصدار أحادي الشريحة وإصدار ثنائي الشريحة
  • شاشة الموبايل: شاشة PLS IPS بتصميم شق قطرة المياه للكاميرا الأمامية، قطر الشاشة ٦.٥ بوصة ومعدلها ٢٠:٩ وده بيخليها تشغل حوالي ٨٢.١ % من مساحة الموبايل الأمامية. والشاشة بتقدم دقة عرض ١٦٠٠ × ٧٢٠ بيكسل بكثافة ٢٧٠ بيكسل لكل بوصة
  • أداء الموبايل: معالج MediaTek Helio P35 بمعمارية ١٢ نانوميتر ثماني النواة وسرعته ٢.٣٥ جيجا هيرتز لأربع شرايح Cortex-A53 وبسرعة ١٫٨ جيجا هيرتز لأربع شرايح Cortex-A53 والمعالج مدمج بمعالج جرافيكس PowerVR GE8320. والموبايل بيصدر عالميًا بإصدارات متعددة بذاكرة عشوائية سعتها ٢ و ٣ و ٤ و ٦ جيجابايت رام بذاكرة داخلية سعتها بين ٣٢ جيجابايت أو ٦٤ جيجابايت أو ١٢٨ جيجابايت والموبايل بيدعم بطاقات الذاكرة الخارجية من خلال منفذ مستقل.
  • نظام التشغيل: الموبايل بيشتغل بنظام تشغيل أندرويد ١٠ بواجهة مستخدم One UI 2.0.
  • الكاميرا: الموبايل الكاميرا الخلفية بتاعته رباعية العدسات بقوة ٤٨ ميجا بيكسل وفتحة مستشعر f/2.0 للعدسة الأولانية العريضة وبقوة ٥ ميجا بيكسل بفتحة f/2.2 للعدسة الثانية بالغة العرض وبقوة ٢ ميجا بيكسل بفتحة f/2.4 للعدستين التالتة والرابعة الخاصة بالتقاط صور الماكرو وباستشعار عمق الصورة والكاميرا مدعومة بتقنية التركيز التلقائي وكمان بتقنية HDR ومدعومة بإضاءة فلاش ليد فردية وبتقدر تصور الفيديو بجودة 1080p بمعدل ٣٠ إطار في الثانية 
  • كاميرا السيلفي : عدسة عريضة قوتها ٨ ميجا بيكسل بفتحة مستشعر f/2.2 وكاميرا الموبايل الأمامية مدعومة بتقنية HDR وبتصور فيديو بجودة 1080p بمعدل ٣٠ إطار في الثانية.
  • منفذ توصيل السماعات السلكية ٣٫٥ مم: متوفر.
  • منفذ الشحن ونقل البيانات: USB Type-C.
  • ماسح البصمة: جانبي
  • المستشعرات: التسارع – التقارب – البوصلة
  • البطارية: بطارية الموبايل غير قابلة للإزالة سعتها ٥٠٠٠ مللي أمبير في الساعة مدعومة بتقنية الشحن السريع بقوة ١٥ وات

مميزات وعيوب موبايل Samsung Galaxy A12

مميزات موبايل Samsung Galaxy A12

  • شاشة الموبايل مقبولة نسبيًا على مستوى القطر المتوسط اللي بيخليها توفر مساحة رؤية كويسة وكمان التصميم اللي رغم إنه بقى قديم شوية إلا إنه لسا جذاب ومش غريب على موبايلات الفئة دي
  • على الرغم من سعة الذاكرة العشوائية المحدودة نسبيًا إلا إنها مقبولة جدًا في الفئة دي وكمان بيتوفر الموبايل بإصدار بذاكرة داخلية كبيرة بتتيح مساحة تخزين ممتازة جدًا حتى للمستخدم اللي بيعتمد على تطبيقات وألعاب كتير
  • الموبايل بيقبل كروت الميموري من خلال منفذ مستقل مش بيأثر على استخدام شريحتين الاتصال
  • الموبايل بيشتغل بنظام تشغيل اندرويد 10 وبيقبل الترقية لحد نظام تشغيل اندرويد 11 وطبعًا بيعتمد على واجهة مستخدم One UI المعروفة بخفتها وإمكانياتها الممتازة
  • الكاميرا الخلفية ممتازة لموبايل في الفئة السعرية دي وبتقدر تقدم أداء ممتاز
  • الموبايل بيعتمد على تقنية بلوتوث إصدار ٥.٠
  • الموبايل فيه راديو إف إم بيدعم التسجيل
  • منفذ USB Type-C سريع في الشحن ونقل البيانات
  • ماسح بصمة سريع
  • بطارية قوية جدًا سعتها ٥٠٠٠ ميللي أمبير في الساعة
  • الموبايل بيدعم تقنية الشحن السريع بقوة ١٥ وات

عيوب موبايل Samsung Galaxy A12

  • سمك الموبايل كبير ووزنه تقيل بالمقارنة بأي موبايل اقتصادي تاني
  • الموبايل معمول كليًا من البلاستيك
  • مفيش طبقة حماية من أي زجاج مقوى سواء على الضهر أو على الشاشة
  • الموبايل مفيهوش أي حماية ضد المياه على مستوى النقط أو الرش مثلًا
  • شاشة الموبايل بتعمد على دقة منخفضة وبفارق بسيط جدًا في السعر ممكن الحصول على موبايل بشاشة بجودة FHD Plus
  • الموبايل بيعتمد على معالج قديم وفيه موبايلات أفضل بكتير بفارق سعر بسيط جدًا عن السعر ده
  • الموبايل أدائه مش هيكون كافي أوي في الألعاب المتوسطة حتى وكافي بس للألعاب الخفيفة
  • الكاميرا الخلفية مش بتدعم تصوير 4K
  • الكاميرا الأمامية دقتها منخفضة وأدائها في الإضاءة المنخفضة ضعيف جدًا
  • الموبايل مفيهوش مستشعر الدوران

اتعرف على عروض أسعار موبايل Samsung Galaxy A12 من هنا.

اتعرف على عروض أسعار مختلف موبايلات سامسونج المتوفرة على ياقوطة من هنا.

اتعرف على عروض أسعار مختلف الموبايلات المتوفرة على ياقوطة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.

Leave a Reply

Your email address will not be published. Required fields are marked *