كتبت: أمنية عزمي

لما بنيجي نشتري أجهزة معمرة بنحتار في المواصفات اللي نشتري بها الجهاز خاصة في ظل تقدم التكنولوجيا اللي بتقدم كل جديد بصفة مستمرة، لكن دايمًا بتكون في مواصفات أساسية بنركز عليها ومواصفات عالية بيحتاجها البعض والبعض الآخر بيعتبرها رفاهية، بالنسبة للتليفزيون  بنركز على أساسيات أهمها جودة الصورة، وجودة الصورة بتختلف هي كمان في مواصفاتها اللي بيكون أعلى حاجة فيها ال OLED لكن بتكون مكلفة جدا وأقلها الشاشات ال LED اللي ميزانيتها منخفضة لكن جودة صورتها حلوة، لكن الليد مش بيكون نوع واحد في كل الشاشات فبتلاقي الأنواع المعروفة في السوق بتستخدم ليد نوعه كويس جدا وعمره طويل مفيش فيه مشاكل، وفي أسماء تانية مش معروفة بتديك مواصفات بأسعار قليلة لكن للأسف بتبوظ بعد شوية وتلاقي الشاشة بتعمل نقط سودا كتير بسبب الليد اللي اتحرق فيها، البعض بيعتبر التليفزيونات اللي سعرها مرتفع رفاهية لكن في الحقيقة الأسماء المعروفة تقدر تعتمد عليها كجهاز معمر، في حين انك ممكن تدفع فلوس كتير في تصليح جهاز رخيص كل شوية يبوظ وتكتشف انك ندمت على قرار الشراء من الأول. والأفضل إنك تسأل عن المنتج وصيانته وامكانياته قبل ما تاخد القرار.

هنتكلم في المراجعة دي مع ياقوطة عن تليفزيون Barito 40 بوصة- ليد وهنتعرف على أهم مواصفاته ومميزاته وكمان عيوبه ورأي المستخدمين فيه ولو عجبك وحبيت تشتريه هتلاقي عندنا أحسن الأسعار ليه وتقدر تقارن بينهم بنفسك وتقدر كمان تطلبه من خلالنا ويوصلك في أقرب وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

• بلد المنشأ: مصر.
• اللون: أسود.
• الكود التعريفي للمنتج: BA748EL15CVMENAFAMZ
• فترة الضمان: 1 سنة.
• حجم الشاشة بالبوصة: 40.

المميزات

• الشاشة كبيرة بحجم 40 بوصة مصممة بحواف رفيعة وشكل أنيق، وحجمها مناسب لدقتها الإتش دي اللي وضوحها بيكون بدقة 1366× 720 بكسل بيظهرجمال الصورة والألوان.
• الشاشة ليد بإضاءة خلفية، بيظهر فيها تباين اللون الأسود وكمان بتظبط سطوع الشاشة بشكل أتوماتيكي وبتديك جودة عالية للصورة واقتصادية في سعرها.
• سمك الشاشة رفيع جدا ودي ميزة تساعدك انك تعلقها عالحائط وبالتالي تستغل مساحة المكان بشكل أفضل.
• مصممة بأرجل تحافظ على ثباتها بشكل جيد في حالة الصدمات.
• التليفزيون مزود بمنفذين HMDI علشان يسهل عليك تشغيل الأصوات ومقاطع الفيديو وبتدعم إشارات الفيديو عالي الوضوح وإشارات الصوت متعددة القنوات وبتشوف فيها الصور بدقة أعلى خالية من التشويش.
• مزود بمدخلين يو اس بي اللي بتوصل الفلاشة من خلاله وتقدر تتفرج على صورك أو أفلامك المفضلة أو تستمع بالأغاني اللي بتحبها، بالإضافة لفيديو IN/OUT، ومنفذ Mp3 أوديو.
• كمبيوتر مونيتور اللي بتكون الصورة فيها مميزة في ماتشات الكرة وألعاب البلاي ستيشن.
• مزود بريموت كنترول بتتحكم فيه عن طريقه في الشاشة عن بعد.

العيوب

• الخامات المصنع منها خامات ضعيفة.
• لا يحتوي على منفذ RF الخاص بالإيريال الأرضي.
• غير مزود بمنفذ VGA اللي بتوصل الشاشة من خلاله بالكمبيوتر وتشوف محتوى الكمبيوتر على شاشة التليفزيون .
• زمن استجابة الشاشة بيكون بطيء نوعا ما في الماتشات.
• فترة الضمان سنة واحد ودي فترة قليلة جدا على ضمان التليفزيونات مفروض أقل مدة 3 سنوات.

خدمة العملاء

• ما عندهومش مراكز صيانة ولا وسيلة اتصال زي رقم صيانة أو أي عنوان، وآراء الناس عنهم سيئة على صفحتهم الرئيسية على فيسبوك.

تجربة المستخدم

• قابلت اتنين من اللي استخدموه وكان عندهم نفس المشكلة وهي ان الصورة بتطلع مقلوبة ومش عارفين يتواصلوا مع الصيانة لأن مفيش أصلا مراكز صيانة ولا أرقام للتواصل، ولما اشتكوا على الصفحة الرئيسية قالولهم ابعتوا أرقامكم وحد هيتواصل معاكم! الحقيقة معاملة غريبة وما تطمنش.
• في شكوى من واحد ان التليفزيون عمل بيكلات سودا وده نتيجة حرق لمبات الليد فيه.

شوف تليفزيون Barito 40 بوصة- ليد من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

كاتبة المقال 

أمنية عزمي، بكتب من 15 شهر. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة 100%.