مميزات وعيوب موبايل Tecno Camon C9 Plus

مميزات وعيوب و سعر و تقييم موبايل Tecno Camon C9 Plus

كتبت: أمنية عزمي

من موبايلات الفئة الاقتصادية اللي بتنافس في السوق بقوة لمواصفاتها العالية اللي بتميزها في فئتها هو موبايل Tecno Camon C9 Plus واللي حقق نجاح كبير من أول ما نزل السوق. تعالوا مع مراجعة ياقوطة نعرف أهم مواصفاته ومميزاته وكمان عيوبه ورأي المستخدمين فيه علشان لو مناسب ليك وحبيت تشتريه هتلاقي عندنا أحسن الأسعار ليه واللي تقدر تقارن بينهم بنفسك وكمان تقدر تطلبه من خلالنا ويوصلك في أقرب وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

الشاشة الذاكرة الرام البروسيسور الكاميرا الخلفية الكاميرا الأمامية نظام التشغيل البطارية
٥.٥ بوصة ٣٢ جيجابايت ٣ جيجا رام ثماني النواة ١٣ ميجا بكسل ١٣ ميجا بكسل أندرويد مارشميلو 6.0 3000 مللي أمبير

المميزات

  • شاشة ٥٫٥ بوصة من نوع كاباستيف IPS تاتش بجودة عالية وبدقة ١٩٢٠ × ١٠٨٠ واللي بتشوف من خلالها كل محتويات الموبايل براحة وبتشغل عليها الألعاب بسلاسة.
  • مزود بشاشة حماية ضد الصدمات والخدش.
  • ذاكرته الداخلية ٣٢ جيجا وتقدر تزودها لحد ١٢٨ جيجابايت عن طريق كارت الذاكرة الإضافي، ومزود بـ ٣ جيجا رام اللي بتخليه سريع في استجابته بشكل عام وفي التطبيقات والألعاب بشكل خاص.
  • معالج ثماني النواة يعمل بتردد 1.3 جيجا هيرتز ميديا تك MT6753 بمعالج رسومي مالي T720 اللي بيخلي أداؤه مميز مع سرعته.
  • مع كاميرات موبايل تكنوا كامون الخلفية والأمامية اللي بنفس الـ 13 ميجا بكسل وفلاش LED أمامي وخلفي هتقدر تسجل كل لحظات حياتك الحلوة بمميزاتها اللي فيها تركيز تلقائي على الوجوه وخاصية التقاط الصور السريعة، وكاميرا سيلفي مركزة في سنتر الموبايل من أعلاه واللي بتمنحك صور بنقاء وجودة عالية وكمان تصوير فيديو.
  • نظام تشغيل أندرويد مارشميلو 6.0 اللي بيكون سلس وسهل في استخدامه.
  • بطارية بقوة ٣٠٠٠ مللي أمبير اللي بتستمر معاك فترة كبيرة في الاستخدام العادي واللي بتوصل لـ ٢٠٠ ساعة في وضع الاستعداد وبتقدر تشغل عليها فيديوهات لمدة ٦٦ ساعة وتصور بيها ما يصل لـ ٧٥٠٠٠ صورة.
  • الموبايل مزود بشريحتين من نوع نانو سيم وبيدعم الاتصال بشبكة الجيل الرابع.
  • الموبايل شكله أنيق جدًا ورفيع ووزنه خفيف في اليد وده بيخليه عملي جدًا.
  • مصنع من الألومنيوم اللي بيخليه متين وقوي وتصميمه جميل بألوان جذابة.
  • بيدعم مستشعر الضوء والقرب.
  • مصمم بخاصية الماسح الضوئي للعين علشان تمنحك أمان أكتر وتحافظ على خصوصيتك.
  • مزود براديو FM.

العيوب

  • مفيش مستشعر بصمة وكانت مهمة لأن خاصية الماسح الضوئي للعين لوحده مش كفاية.
  • البطارية غير قابلة للإزالة رغم إن ضهر الهاتف بيتفتح.
  • وضعيات تصوير الكاميرا محدودة.
  • لا يدعم مستشعر الجيروسكوب أو البوصلة.
  • مش مزود بميكروفون إزالة الضوضاء.
  • لمبة الإشعارات مدمجة مع مع الزرار الرئيسي في الشاشة ومش بينوًر غير لون واحد فقط هو الأبيض وكان أفضل تكون لمبة منفصلة.

تجربة المستخدم

  • الغالبية العظمى بتشكر فيه وإن سعره مناسب ومواصفاته عالية ومريح وسريع في استجابته والكاميرا تصويرها جيد، وألوان الشاشة وحجمها مميزين.
  • الموبايل سمكه كبير نوعا ما وفي أرفع منه في نفس الفئة.
  • موبايل إمكانياته عالية وسعره حلو جدًا.

شوف موبايل Tecno Camon C9 Plus من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

 أمنية عزمي، بكتب من 6 شهور. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرء كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول دايمًا أجرب أي جهاز بنفسي قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة 100%.

Leave a Reply

Your email address will not be published. Required fields are marked *