مراجعة ريسيفر Qmax 999 H8- FHD- فورايفر

كتبت: أمنية عزمي

أهم حاجة تقدر تعملها لما تيجي تشتري أجهزة إنك تسأل ناس جربوها بالفعل وتعرف تجاربهم شكلها إيه، وتأكد إن الحلو مش بيختلف عليه اتنين ولو في في الجهاز مشكلة هتلاقي الكل بيشتكي منها، لأن البياع اللي في أي مكان هيبقى فارق معاه انه يبيع ومش كلهم بيدوا رأي صادق في المنتج أو يقولك مميزات وما يقولش على العيوب، علشان كده إحنا حريصين في ياقوطة إننا نعرف الناس كل حاجة عن المنتج وننقل لهم كمان رأي الناس فيه ودا هيساعدكوا كتير في اتخاذ القرار المناسب.

هنتكلم في المراجعة دي مع ياقوطة عن ريسيفر Qmax 999 H8FHD– فورايفر  وهنتعرف على أهم مواصفاته مميزاته وكمان عيوبه ورأي المستخدم فيه، ولو عجبك وحبيت تشتريه هتلاقي عندنا أحسن الأسعار ليه وتقدر تقارن بينهم بنفسك وتقدر كمان تطلبه من خلالنا ويوصلك في أقرب وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

  • اللون: a
  • الموديل: MST-999 HM
  • بلد المنشأ: الصين.
  • الكود التعريفي للمنتج: QM949EL1|T2Y7NAFAMZ

المميزات

  • مزود بمعالج من شركة ناشونال شيب الصينية GX 6621 بفلاش داخلي 8 ميجابايت ورام 128 ميجابايت.
  • بيعرض القنوات بجودة FHD 1080 بكسل، ومشاهدة الأفلام والماتشات عليه بتكون دقة الصورة عالية بكل تفاصيلها لو التلفزيون بنفس الجودة.
  • مدعم بتيونر فائق الحساسية.
  • إشتراك مجاني لقنوات Apollo IPTV لمدة سنة ومنها القنوات العربية الرياضية ومجموعة كبيرة من القنوات العربية والأجنبية.
  • نظام IPTV بيغنيك عن تركيب طبق إستقبال وبتوصله بالإنترنت وتقدر تتابع كل القنوات العربية والعالمية بوضوح.
  • بيقدم اشتراك مجاني لسيرفر Forever لمدة 15 شهر
  • بيفتح قنوات بي أوت على عرب سات وبيدعم ترميز 256-HEVC الخاص بقنوات بي أوت.
  • عنده القدرة على تخزين عدد قنوات ضخم، بيعرض لحد 8000 قناة تلفزيون.
  • مزود بمدخلين USB عرض وتسجيل من خلالهم بتحدث السوفت وير وبتقدركمان تسجل أي برامج أو أفلام أو تشوف من عليهم أفلامك وأغانيك المفضلة من خلال الفلاش ميموري، مكانهم مميز في واجهة الرسيفر لسهولة الاستخدام.
  • بيحتوي على منفذ HDMI.
  • سهل التوصيل بالإنترنت، عن طريق كابل و بيدعم اليوتيوب والطقس والتحديث الداخلي.
  • إمكانية تسجيل البرامج أو أي محتوى وعرضها في الوقت اللي يناسبك.
  • ميزة تحديث برنامج التشغيل من خلال الجهاز عن طريق إتصاله بالإنترنت أتوماتيك فور صدوره.
  • فيه ميزة البحث الذاتي عن القنوات وكمان البحث اليدوي.
  • فيه إمكانية ترتيب القنوات في قائمة المفضلة ودا بيسهلك تجمع كل القنوات اللي بتحبها وتلاقيها في مكان واحد.
  • مميز بواجهة سهلة الاستخدام وسلس في تشغيله.
  • الجهاز بيقدم لغات عرض متعددة منها اللغة العربية.
  • مزود بريموت كنترول للتحكم عن بعد.

العيوب

  • سرعة التنقل بين القنوات بطيئة.
  • مزود بشاشة رقمية عادية وليست VFD ذاتية الإضاءة.
  • الجهاز لا يدعم دقة 4K ولا يدعم الأندرويد.
  • بيتعرض لأعطال كتير طول الوقت.
  • السوفت وير ضعيف وقائمة القنوات المفضلة بتحتاج لإعادة ضبط طول الوقت.
  • بيسخن بعد فترة من الاستخدام.

تجربة المستخدم

  • الجهاز ضعيف مقارنة باللي قبله H7 وعبد العال المستورد لأجهزة كيوماكس مش بيهمه غير الربح لكن مش بيتجه للتطوير، المعالج GX هو نفس المعالج في H6, H7 ومش بيدعم 4K ولا الأندرويد، خامات الصنع سيئة وبيسخن جدا، الميزة الوحيدة فيه هي أنظمة ال IPTV بتعتبر جيدة، عيوبه ان قنوات بين سبورت كأنها لينكات لمواقع IPTV وأرقام القنوات المعروضة غير القنوات الفعلية عند التشغيل وفيه قنوات كتير مكررة وإجمالي قنوات البين سبورت الحقيقية من 15 قناة حوالي 7 أو 8 فقط، الحاجة التانية ان دقة العرض ملهاش علاقة بدقة ال FHD يعني دقة وهمية.
  • أنا عندي شاشة ليد FHD ولما بظبط الرسيفر على 1080 بلاقي في وظائف بتختفي من الشاشة لكن لو تليفزيونك على نظام SCART مش هتحس بيها لإن الدقة دي مش موجودة أصلا.

شوف ريسيفر Qmax 999 H8FHD– فورايفر من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

أمنية عزمي، بكتب من سنة ونص. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة كويس جدا.

Leave a Reply

Your email address will not be published. Required fields are marked *