مراجعة تليفزيون سامسونج 55 بوصة- UHD 4K- سمارت-مع ريسيڨر مدمج

 

كتبت: أمنية عزمي

الشاشات جزء أساسي في تأسيس البيوت والكافيهات وحتى المستشفيات يعني أي مكان بيجتمع فيه الناس، وزي ما بنقول لكل مقام مقال بنختار على أساسه حجم الشاشة والمواصفات المطلوب توفرها في الشاشة، ووسط الأنواع والإمكانيات الموجودة في السوق واللي بتتميز بدقة UHD 4K بتيجي سامسونج في المراتب الأولى لأنها بتتمتع بجودة صورة حلوة مش مجرد مواصفة مكتوبة زي في الكتير من الأنواع التانية، بالإضافة لصوت قوي وأحجام مختلفة بترضي كل الاحتياجات، وزي ما في مميزات في كل منتج لأي شركة بيكون في عيوب لكن حسب العيوب دي بتقرر ينفع تشتري المنتج أصلا ولأ.

هنتكلم في المراجعة دي مع ياقوطة بالتفصيل عن رائعة سامسونج تليفزيون سامسونج UA55RU7300– 55 بوصة- UHD 4KHDR– سمارت- شاشة منحنية مع ريسيڨر مدمج وهنتعرف على مواصفاته ومميزاته وعيوبه ورأي الناس فيه، ولو عجبك وحبيت تشتريه هتلاقي عندنا أحسن الأسعار ليه وتقدر تقارن بينهم بنفسك وتقدر كمان تطلبه من خلالنا ويوصلك في أسرع وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

  • نوع العرض: LED|Smart|Ultra HD 4K
  • دقة الشاشة: Ultra HD 4K بدقة 3840×2160
  • الكود التعريفي للمنتج: SA024EL06T8XZNAFAMZ
  • الموديل: UA55RU7300
  • عدد سنوات الضمان: 2

المميزات

  • جودة ودقة 4K UHD الحقيقية بدقة 2160× 3840، بيتميز بعدد وحدات بكسل بتزيد 4 مرات عن دقة ال FHD واللي هتشوف معاها كل التفاصيل بوضوح عالي في أي إضاءة.
  • مع خاصيةHDR هتشوف كل التفاصيل الخفية بدون ما يفوتك أي تفاصيل صغيرة بفضل مستوى السطوع واسع النطاق اللي بيمنحك أوضح رؤية حتى في المشاهد القاتمة في الإضاءة وذات السطوع العالي.
  • تقنية Pure Color اللي بتنقل لك الصور والمشاهد بألوانها الطبيعية الحقيقية بوضح أقرب للطبيعة وبتدي إحساس إنك عايش جوا المشهد بتفاصيله مش بتشوفه من مجرد شاشة.
  • تقنية تعتيم UHD، بتقسم الشاشة لمربعات صغيرة وبتعالجها بحيث تبرز أدق التفاصيل وتستمتع بمستويات محسنة من الوضوح والتباين والألوان وبالتالي متعة مشاهدة عالية.
  • محسن العمق التلقائي بيعمل على ضبط مستويات التباين متعدد الطبقات وبييظهر الصورة بشكل حيوي.
  • تصميم رائع فائق النحافة بشكل معاصر بيضيف للمكان رقي بذوقه الرفيع.
  • شاشة كبيرة منحنية بتصميم رفيع بتعيش معاها متعة المشاهدة على نطاق أوسع وبتندمج مع الأفلام في تجربة سينمائية مذهلة وتعيش الماتشات كأنك في الملعب بفضل التفاصيل الدقيقة والألوان الحقيقية على شاشة أقرب للحقيقة منها للمشاهدة.
  • تليفزيون ذكي بتتجمع فيه كل المتع اللي ممكن تحتاجها من خلال تواصلك به عالإنترنت ووسائل التواصل واليوتيوب من خلال جهاز واحد بتتحكم منه في جميع الأجهزة بمحور واحد لإدارتها.
  • هتقدر تستمتع معاه بألعابك الديناميكية بتشغيل سلس وتفاعل سريع بدون تأخير حتى مع جودة الرسومات العالية هتحس بانسيابية وسرعة الحركة.
  • تصميم ذكي لمسارات الكابلات بيخلصك من تشابك الأسلاك، بتوصل الكابلات بالكهرباء وبتدخل الكابلات في مسارات مخصصة خلف الشاشة وترتبها في حامل التليفزيون وبكده بتحصل على تنظيم كامل ومريح.
  • تطبيق Smart things من على الموبايل بتتحكم عن طريقه في كل شيئ عن بعد.
  • تقنية One Depth، هي الطريقة الذكية اللي تقدر تحصل على المتعة من خلالها بطريقة سهلة وسريعة عن طريق تجميع المحتويات كلها وعرضها على شاشة واحدة وبكده تقدر تشوف العناصر كلها في صور صغيرة قبل فتح أي واحدة منها.
  • حقق المتعة الكاملة مع تطبيق Steam Link هتقدر تستمتع بألعابك من على الكمبيوتر ولكن على شاشة التليفزيون بحجمها الكبير ودقتها الرائعة من غير ما تحتاج تدقق وتنحني أمام شاشة صغيرة.
  • مزامنة المحتوى ومشاركته، تقدر تحقق أقصى استفادة من خدمة سامسونج كلاود وتوصل أجهزة سامسونج الذكية مع بعضها وتشارك صورك من الهاتف وتستمتع بمشاهدتها على شاشة التليفزيون.
  • مزود ب 3 منافذ HDMI اللي بتقدر تشغل من خلالها كل حاجة على الشاشة سواء أفلام أو ألعاب أو بث مباشر وبتقدر تتنقل بينهم بسهولة كأنك بتقلب القنوات.. بالإضافة لمنفذين يو إس بي 2.0 يعني جهاز واحد لكل اللي تحتاجه.
  • جهاز واحد للتحكم عن بعد بتتحكم من خلاله في سمة التتبع التلقائي اللي بتصل الشاشة بجميع الأجهزة المتصلة وتتعرف عليها، وبكدا بيجمع سهولة العثور على الأشياء مع سهولة الاستخدام عن طريق جهاز تحكم واحد.
  • اتحكم في الأوامر وأي حاجة بتدور عليها من خلال Bixby Voice اللي بيقدملك طريقة ثورية بتساعدك في العثور على برامج البث المباشر مع دليل عالمي وبتساعدك عن طريق الأوامر الصوتية من خلال شاشة NU8000 الذكية.

العيوب

  • مدة الضمان سنتين ودي مش كفاية لأن أقل حاجة بتبقى من 3 ل 5 سنين فيما فوق.
  • الريموت كنترول مستوى جودته مش عالية، بالإضافة ان الشاشة محتاجة تتحط في مكان آمن لأنها عرضة للاصطدام بحجمها وممكن تتكسر.
  • إعلانات سامسونج بتكون كتير جدًا عند توصيله بالإنترنت ومفيش وسيلة لمنعها.

خدمة العملاء

  • مراكز الصيانة متوفرة في كل أنحاء الجمهورية على رقم 19089 ومتوفر عندهم قطع الغيار الأصلية بالضمان.
  • مستوى خدمة العملاء محتاج يتحسن لأن فيه شكاوى كتير منهم.

آراء المستخدمين

  • لو سامسونج منعت إعلاناتها أو حتى خفتها هيكون التليفزيون رائع، لكن طبعا كشاشة ودقة وألوان وكل حاجة هايل مفيش كلام.

شوف تليفزيون سامسونج UA55RU7300- 55 بوصة- UHD 4K- HDR- سمارت- شاشة منحنية مع ريسيڨر مدمج من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

كاتبة المقال   

أمنية عزمي، بكتب من 14 شهر. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة كويس جدا.

Leave a Reply

Your email address will not be published. Required fields are marked *