مراجعة تليفزيون إل جي ٤٣ بوصة 4K UHD- سمارت

كتبت: أمنية عزمي

هنتكلم في المراجعة دي مع ياقوطة عن تليفزيون إل جي 43UK6300 – 43 بوصة 4K UHD– سمارت وهنتعرف على أهم مواصفاته ومميزاته وكمان عيوبه ورأي المستخدم فيه، ولو عجبك وحبيت تشتريه هتلاقي عندنا أحسن الأسعار ليه وتقدر تقارن بينهم بنفسك وتقدر كمان تطلبه من خلالنا ويوصلك في أقرب وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

  • نوع العرض: LED|Smart|Ultra HD 4K|IPS
  • نظام التشغيل: WebOS
  • بلد المنشأ: مصر.
  • الكود التعريفي للمنتج: LG178EL18MAWMNAFAMZ
  • دقة الشاشة: 3840×2160.
  • الاتصال: Wi-Fi|Bluetooth|HDMI|USB 2.0
  • عدد سنوات الضمان: 2 سنة.
  • حجم الشاشة بالبوصة: 43 بوصة.
  • الموديل: 43UK6300
  • نوع المعالج: Quad Core

المميزات

  • دقة 4K UHD يعني 3840×2160 بكسل، دقة عالية لصورة حادة تبلغ 4 أضعاف النقاء مقارنة بدقة أجهزة التلفزيون كاملة الوضوح FHD وتكاد تصل لدقة 4K فائقة الوضوح، واللي بتستمتع معاها بصورة حادة وواضحة بأصغر التفاصيل على شاشة بحجم 43 بوصة.
  • مع تقنية النطاق الديناميكي المرتفع HDR هيوفرلك ألوان حقيقية طبيعية مع تفاصيل دقيقة تستمتع بكل حاجة من خلالها.
  • IPS، تقنية بتعمل على تعلية ووضوح الألوان بشكل أفضل وبتعتمد على تقنية LCD وبتتحكم في درجة السطوع للوصول لتباين رائع.
  • الشاشة ليد يعني إضائتها خلفية ودا بيمنحك تباين رائع للون الأسود حتى في أحلك اللقطات وألوان صافية وطبيعية.
  • صورة تعمل بمعالج رباعي النواة بيعمل على تحسين الدقة حتى في جودة الصورة المنخفضة للوصول لجودة صورة تقترب من 4K وبيعمل على تقلييل الضوضاء المشتتة.
  • الشاشة سمارت، بتقدر تتابع من خلالها كل التطبيقات على الإنترنت بشكل أوضح وأسهل على شاشته وتقدر كمان تنزل تطبيقاتك المفضلة من جوجل ستور وتستمتع بها.
  • مزود بنظام WebOS بتقدر تبحث عن التطبيقات من خلاله وبيقدملك خدمات كتير وبتقدر تتحكم في الأوامر باستخدام صوتك فقط.
  • هتستمتع بقوة صوت دولبي بنقاء عالي بيحيطك في المكان من كل اتجاه وكمان بيعمل على تنقية الضوضاء المحيطة بفضل تقنية Clear View وكمان بيعمل على تحسين جودة الصوت علشان يساعدك تستمتع بالمشاهدة بشكل واضح ونقي بدون تشتيت.
  • مزود بمدخلين يو إس بي بتقدر من خلالهم تشوف أفلامك وصورك المفضلة وكمان بيستخدموا في تحديث السوفت وير.
  • مزود ب 3 منافذ HDMI اللي بتوصل من خلالهم الأجهزة الأخرى زي البلاي ستيشن والكاميرات وتستمتع بألعابك الترفيهية، ومدخلين USB.
  • مزود بمدخل LAN بتوصل به كابل الراوتر وتقدر تستخدمه وايرلس.
  • سمك الشاشة رفيع ودا بيديك اختيار إنك تعلقه على الحائط وبالتالي تقدر تستغل المساحة بشكل أفضل وتحافظ عليه من الصدمات.
  • سهل التنقل من التطبيقات للقنوات والألعاب كأنك بتقلب قنوات.

العيوب

  • خلفية الشاشة ضعيفة جدا خاصة ان حجم الشاشة كبير والقاعدة اللي متثبتة عليها برضه ضعيفة وممكن تقع بسهولة وممكن تحل المشكلة دي بإنك تعلق الشاشة عالحائط علشان تبقى في أمان.
  • سرعة المعالج بطيئة وبتحس بالبطأ في التصفح والتنقل بين التطبيقات مع ان المشكلة دي مش موجودة في الأنواع العادية.
  • الشاشة بدون مفاتيح تحكم زي المفروض انها موجودة في كل تليفزيون والتحكم فيها بيكون عن طريق الريموت كنترول فقط.

خدمة العملاء

  • مراكز الصيانة متوفرة في كل مكان لكن في شكاوى كتير من سوء الصيانة وانهم مش بالكفاءة المطلوبة والتليفزيونات ليها أعطال كتير وبتروح الصيانة أكتر من مرة وبترجع بنفس العطل بالإضافة ان أسعارهم مبالغ فيها في الصيانة.

آراء المستخدمين

  • ناس كتير بتشكر فيه وبتقول ان الصورة حلوة جدا والصوت قوي لكن خامات التصنيع ضعيفة وثباته مش قوي على القاعدة المرتكز عليها.
  • في شكاوى من سوء الصيانة وان الأجهزة بتبوظ بعد اصلاحها بفترة قصيرة رغم انها بتكون لسه في الضمان وده خلى ناس كتير تيأس من المنتج.
  • في ناس كانت جايبة إل جي من بره وبتقول ان مستواه كان أفضل كتير من ناحية التقفيل ودقة الشاشة والمتانة.

شوف تليفزيون إل جي 43UK6300 – 43 بوصة 4K UHD- سمارت من هنا.

**قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

كاتبة المقال

أمنية عزمي، بكتب من سنة ونص. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة كويس جدا.

Leave a Reply

Your email address will not be published. Required fields are marked *