مراجعة مواصفات بوتاجاز فريش بروفيشنال ديجيتال، 5 شعلة غاز، ستانلس ستيل

كتبت: أمنية عزمي

بوتاجاز فريش بروفيشنال فيه كل المواصفات اللي تخليه بوتاجاز مميز تفضله عن غيره وتعتمد عليه في مطبخك، ودا لأنه مكوناته إيطالي بالكامل، بخمس عيون وإشعالهم ذاتي وفرنه كبير وفيه شواية ومروحة بتوزع الحرارة وتسوي الأكل بشكل أفضل وبيوفر خاصية الأمان اللي بتفصل الغاز أتوماتيك في حالة فوران أي سوائل على النار تتسبب في طفيانها، مواصفات كتير ومميزات هنعرضها في المراجعة دي مع ياقوطة  عن بوتاجاز فريش بروفيشنال ديجيتال، 5 شعلة غاز، ستانلس ستيل، 90سم وهنتعرف كمان على عيوبه ورأي المستخدم فيه ولو عجبك وعايز تشتريه هتلاقي عندنا أحسن الأسعار ليه وتقدر تقارن بينهم بنفسك وتقدر كمان تطلبه من خلالنا ويوصلك في أسرع وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

  • شاشة: نعم.
  • اللون: ستانلس ستيل.
  • أهم المميزات: بوتاجاز فريش بروفيشنال ديجيتال، 5 شعلة غاز، ستانلس ستيل، 90 سم- 5790.
  • العمق بالسم: 60 سم.
  • العرض بالسم: 90 سم.
  • عدد سنوات الضمان: 1.
  • النوع: مسطح غاز.
  • نوع الإشعال: غاز.
  • نوع المنتج: بوتاجازات.
  • التثبيت: ثابت بدون تدعيم.
  • العلامة التجارية: فريش.
  • الارتفاع: 85 سم.

المميزات

  • 5 شعلات غاز أحجام مختلفة علشان تلائم كل مقاسات أواني الطهي ومنهم شعلة كبيرة ثلاثية في المنتصف توزيع النار فيها رائع وبتسوي في وقت أسرع.
  • إشعال ذاتي بالكامل بيوفر الوقت ويسهل عملية الإشعال بمجرد لف مفتاح العين المطلوب اشعالها.
  • مزود بشاشة ديجيتال، و 3 زراير للإضاءة والمروحة والشواية.
  • حوامل من الزهر مصممة بحواف عريضة لثبات أعلى للأواني وسهل إزالتها وتنضيفها.
  • الفرن مزود بمروحة داخلية بتوزع الهواء السخن داخل الفرن في كل الأنحاء علشان تضمن إن التحمير أو الطهو بالنسبة للمخبوازات أو الكيك بيستوي من كل الجهات بنفس المقدار ويديك نتايج مثالية.
  • مزود بلمبة فرن في الجزء الخلفي من التجويف علشان يساعدك تتابع الأكل وقت الطهي من غير ما تفتح الفرن وتسرب الحرارة.
  • سعة الفرن كبيرة واللي بيسمحلك بطهي كذا وجبة في نفس الوقت بسهولة يعني تقدر تحط صينيتين مع بعض ويوفر عليك الوقت والاستهلاك.
  • شواية داخلية بتدور مع موتور، بتشتغل بشكل منفصل عن الفرن ومساحتها كبيرة تقدر تحط فيها فرختين للشوي في نفس الوقت.
  • باب الفرن زجاج أسود شفاف شكله أنيق وبتقدر تشوف من خلاله الأكلات داخل الفرن واللي بيحافظ على المخبوزات من تسريب الحرارة وكمان بيمنع تسريب الحرارة في المكان.
  • باب يغلق مع نظام الشوي، مش هتضطر تفتح باب الفرن وقت ما الشواية تكون شغالة زي معظم البوتاجازات واللي كان بيتسبب في ارتفاع الحرارة في المكان بشكل قوي.
  • مزود بمقبض مزدوج للفرن والشواية مصنع من الاستانلس ستيل.
  • ليه غطاء زجاجي علوي مرايا بيوسع المكان مصنوع من الزجاج المقوي بشكل أنيق وبيحافظ على الفرن من الأوساخ والتجريح في حالة عدم استخدامه فترات طويلة.
  • مزود بمؤقت رقمي مدته 60 دقيقة تقدر تظبطه بالتوقيت المناسب لطهي الأكلة وبيصدر إنذار وقت إنتهاء التوقيت.
  • درج تسخين، مميز بوجود درج سفلي علشان يحافظ على الأكل سخن بعد عملية الطهي وبيحتفظ بحرارته.
  • تصميمه عصري وجميل ومفيش في تقفيله مسامير في الفرن أو الأبواب وده بيسهل عملية تنضيفه خصوصًا إن المسامير ومع الاستعمال بتلم زيوت ودهون.
  • مصنع من الستانلس ستيل بالكامل وفيه عازل للحرارة علشان لو مكانه في المطبخ قريب من الخشب ما يتأثرش يعني شياكة وأمان وضد الصدأ وسهل التنضيف.

العيوب

  • فترة الضمان سنة واحدة وتعتبر قليلة جدَا.
  • مقبض الباب ستانلس ستيل بيسخن لو مشغل الفرن أو الشواية فترات طويلة، محتاج تاخد حذرك وتستخدم عازل للحرارة وانت بتفتحه.
  • المروحة الداخلية تنضيفها صعب.
  • الإشعال الذاتي بيبوظ بعد فترة وده في معظم البوتاجازات.

خدمة العملاء

  • مراكز الصيانة غير متوفرة بشكل كافي في كل مكان.. بمعنى إن خارج القاهرة بتضطر تتعامل عن طريق وكيل صيانة مش مع الشركة بشكل مباشر.
  • أسعار قطع الغيار تعتبر أعلى من مثيلاتها في السوق.
  • في شكاوى من سوء التعامل في الصيانة.

تجربة المستخدم

  • الآراء بتشكر فيه جدًا وبتقول انه من أحسن بوتاجازات فريش ومن أقوى الأنواع في المنافسة مع البوتاجازات في الماركات التانية من كل النواحي، متانة الصنع وروعة مواصفاته وحجمه والحقيقة محدش اشتكى منه.

شوف بوتاجاز فريش بروفيشنال ديجيتال، 5 شعلة غاز، ستانلس ستيل، 90سم- 5790 من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

كاتبة المقال 

أمنية عزمي، بكتب من 13 شهر. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة 100%.

Leave a Reply

Your email address will not be published. Required fields are marked *