كتبت: أمنية عزمي

لينوفو واحدة من أكتر الشركات اللي كتير من المستخدمين بيفضلوا يعتمدوا على أجهزتها اللوحية (التابلت)، وده لإنها بتتمزي بمواصفات ومزايا كتيرة وكمان سعر تنافسي. فلو بتدوًر على تابلت متميز بمواصفاته وسهل في استخدامه وتقدر تاخده معاك في أي مكان يبقى شوف معانا مراجعة تابلت Lenovo Tab 3 TB3-730 Dual Sim اللي مميز بحجم شاشته الكبيرة في الألعاب ومشاهدة الفيديوهات، ده غير إنه مقاوم للماء وفيه وضع أمان للأطفال، ذاكرته ١ جيجا رام يعني سرعة مناسبة مع نظام التشغيل أندرويد مارشميلو، ومزود بشريحتين إتصال وبيدعم الجيل الرابع وبطاريته ٣٤٥٠ مللي أمبير يعني تقدر تشتغل به حوالي ٩ ساعات متواصلة.

تعالوا مع ياقوطة نكمل أهم مواصفات ومميزات وعيوب تابلتLenovo Tab 3 TB3-730 Dual Sim ونتعرف على رأي المستخدمين فيه ولو عجبك وقررت تشتريه هتلاقي عندنا أحسن الأسعار ليه وتقدر تقارن بينهم وممكن تطلبه من خلالنا ويوصلك في أسرع وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

المميزات

• شاشة مريحة في حجمها الـ ٧ بوصة للألعاب ولمشاهدة الفيديوهات ونوعها IPS- LCD اللي بتعتمد في تقنيتها على إصدار الضوء الخلفي لإضاءة الشاشة وده بيخليها تكون مرئية بوضوح في الشمس وكمان بتمنع إجهاد العين.
• الشاشة مزودة بوضع الأمان اللي بيزيل الضوء الأزرق تمامًا علشان يحافظ على عيون الأطفال أو الأشخاص اللي عينيهم حساسة.
• مميز بخاصية تعدد المستخدمين اللي بتخلي كل واحد بفصل إستخدامه عن الآخر، وكمان مزود بوضع خاص للأطفال بتتحكم فيه في تصفح الإنترنت علشان الأمان.
• ذاكرة داخلية ١٦ جيجا بايت وتقدر تدعمه بذاكرة خارجية حتى ٣٢ جيجا، و ١ جيجا رام.
• الكاميرا الأمامية ٢- ٥ ميجابكسل مع ميزة الضبط التلقائي للصورة، وكاميرا فيديو ١٠٨٠ بكسل، وكاميرا أمامية ٢  ميجابكسل أو VGA.
• مزود بشريحتين إتصال وبيدعم شبكة 4G لإتصال سريع.
• بطارية بقوة ٣٠٠٠ ملي أمبير اللي بتدوم حتى ٧ ساعات بالواي فاي والبطارية غير قابلة للإزالة.
• بيعمل بنظام تشغيل أندرويد مارشميلو 6.0 أو لولي بوب 5.0.

العيوب

• البطارية غير قابلة للإزالة
• مش مزود براديو.

تجربة المستخدم

• الكاميرا مستواها سيء والصور بتطلع محببة، وأوقات أكون بلعب أو بتفرج على مسلسل وألاقي التاب فصل فجأة بدون سابق إنذار والشاشة بتسود فجأة ورغم إن سعره مش غالي لكن مايستحقش.
• الجهاز بطيء جدًا واستجابته سيئة.
• اشتريته من فترة ومعنديش فيه مشكلة وبنزل عليه أي حاجة بسرعة وسهل في استخدامه.
• يكفيني إنه 4G علشان يكون مثالي.

شوف تابلت Lenovo Tab 3 TB3-730 Dual Sim من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.