مراجعة مواصفات وأسعار سمارت كيتشن ماشين

مميزات وعيوب و سعر سمارت كيتشن ماشين SM037  

كتبت: أمنية عزمي

لو إنت من هواة المعجنات والمخبوزات والحلويات والابتكارات الجديدة يبقى محتاج تفكر في عجانة قوية وكبيرة تساعدك على التحضير في وقت قليل وتكون خيارك الأمثل اللي يوفرلك الوقت والمجهود. خاصة في المعجنات الصلبة زي البيتزا، والعيش اللي بتحتاج وعاء كبير وموتور قوي. وكمان تحضير الحلويات والكريمات اللي محتاج مضرب سريع يساعدك على نجاح الصنف اللي بتعمله. كل ده مع خامات تصنيع جيدة في جهاز مميز زي الكيتشن ماشين اللي بتقدمه سمارت، بتقدم عجانة بنفس المواصفات اللي محتاجينها. تعالوا مع ياقوطة نشرح بشكل مفصل مواصفات ومميزات وعيوب سمارت كيتشن ماشين SM037 علشان لو لقيت فيه المميزات اللي بتدور عليها وعجبك وحبيت تشتريه هتلاقي عندنا أحسن الأسعار ليه وتقدر تقارن بينهم بنفسك وتقدر كمان تطلبه من خلالنا ويوصلك في أسرع وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع

المواصفات

حجم الوعاء باللتر 5 لتر
سرعات متغيرة نعم
خامة الإناء ستانلس ستيل
قوة الموتور 1000 وات

المميزات

  • موتور بقوة 1000 وات، قوي وبيتحمل خلط المكونات الصعبة وقوته كافية لعجن وخفق أي نوع من المعجنات بسهولة ويسر.
  • حلة دوارة كبيرة بحجم 5 لتر مصنوعة من الاستانلس ستيل القوي وده بيخليه صحي في تحضير الطعام وفي نفس الوقت سهل التنضيف والعجين مش بيلزق فيه وحجمها كبير بتاخد الكمية كلها مرة واحدة.
  • تروس معدنية قوية بتتحمل قوة العجن في المكونات الدسمة.
  • بتحافظ على ثبات السرعة وقت التشغيل مع كمية ووزن المكونات من خلال دائرة تحكم ذاكية.
  • تشغيل متعدد السرعات، مزودة ب 6 سرعات مختلفة بتختار منها السرعة المناسبة بناء على نوع العجين وقوامه من الأبطأ للأسرع بالإضافة لنظام سرعات متقطعة علشان تظبط أحسن أداء.
  • مفتاح التحكم في السرعات مصمم بشكل دائري يسهل عملية النقل من سرعة لسرعة وقت التشغيل.
  • استاند عجانة.. وده مهم الحقيقة جدًا لأنه بيوفر إنك تفضل تدور هتحط المضرب فين وكمان بيتثبت في مكانه ويدور لوحده.. يعني مش هتضطر تمسكه وإنت بتشتغل.
  • مضرب بيض بحجم كبير بيقوم بعملية خلط المكونات ومزجها وبينفع في المخبوزات والحلويات والكريمات الخفيفة والوافل.
  • العجان مزود بقواعد جلد مطاطية بتخليها تثبت في مكانها علشان ماتتحركش وقت العجن.

العيوب

  • فقيرة في ملحقاتها، غير مرفق معها أي أدوات عجن تانية غير المضرب السلك، مفيش أي وظيفة تانية زي الخلاط والمطحنة والمفرمة.
  • بتحتاج مكان للتخزين لأن حجمها كبير شوية.
  • وزنها الحزمة مش الوزن الكافي اللي يخليها ثابتة وقت العجن أو الدوران السريع لما تكون بتعجن مواد صلبة.. بيفضل الوزن يكون أتقل.
  • غير مزودة بغطاء على العجانة. وده بيخلي الدقيق يطير بره وبيوسخ المكان، لكن في نفس الوقت بتكون سهلة في إضافة المكونات وقت العجن.
  • ملوش فترة ضمان.

خدمة ما بعد البيع

  • رقم الاتصال بالخدمة الرئيسي 0224644404
  • بعض الناس بتشتكي من الصيانة والبعض بيشكر فيهم.
  • بيوفروا قطع الغيار لكن أماكنهم مش متوفرة في كل المحافظات.

تجربة المستخدم

  • قطع الغيار مش متواجدة بشكل دائم وأوقات بتاخد وقت علشان توصل.
  • العجان كويس بالنسبة لسعره وبعمل به حاجات كتير ووفر عليا الوقت والمجهود لأني بحب المخبوزات وبعملها كتير.

 

شوف سمارت كيتشن ماشين SM037 من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

كاتبة المقال 

أمنية عزمي، بكتب من 9 شهور. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة 100%.

Leave a Reply

Your email address will not be published. Required fields are marked *