مزايا وعيوب موبايل Huawei P30 Pro

كتبت: أمنية عزمي

سلسلة P في موبايلات هواوي بتيجي في المرتبة التانية بعد سلسلة Mate وأكتر حاجة بتهتم بها الشركة في السلسلة دي هي الكاميرات الخلفية، علشان كده كل سنة هواوي بتفاجأ عشاق التصوير بموبايل جديد من نفس السلسلة بيحتوي على أعلى التقنيات في التصوير سواء في عدد العدسات الخلفية أو دقتها والسوفت وير الخاص بها، والجديد في P30 Pro مش بس الكاميرا، لكن الشاشة المنحنية من الجوانب وبيعتبر أول هاتف في سلسلة P بشاشة منحنية، تقنيات كتير تميز بها الهاتف الجديد Huawei P30 Pro هنتعرف عليها مع ياقوطة وهنتعرف على أهم مواصفاته ومميزاته وكمان عيوبه ونشوف رأي الناس اللي استخدمته ولو عجبك وحبيت تشتريه هتلاقي عندنا أحسن الأسعار ليه وتقدر تقارن بيهم وتقدر كمان تطلبه من خلالنا ويوصلك في أسرع وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

  • الشاشة: OLED، 6.47 بوصة، بدقة 1080× 2340 بكسل.
  • رام: 8 جيجا.
  • سعة التخزين: 128 و 256 و 512 جيجا.
  • الكاميرا الأمامية: 32 ميجابكسل.
  • الكاميرا الخلفية: 40 ميجابكسل+ 20 ميجابكسل+ 8 ميجابكسل+ Tof كاميرا.
  • سعة البطارية: 4200 ملي أمبير.

التصميم

هيكل الموبايل مصنوع من الزجاج بالكامل بانعكاسات جميلة في الضوء ما عدا الإطار من المعدن، زجاج الضهر والشاشة منحني من الجانبين بشكل كبير وده بيقلل سمك الإطار ويسهل مسك الجهاز بالرغم من حجمه الكبير، الشاشة بتحتل معظم المساحة الأمامية للموبايل مع نوتش بحجم صغير داخل الكاميرا الأمامية، واضطرت هواوي تلغي لمبة الإشعارات علشان تكمل أناقة التصميم، الضهر بيحتوي على أربع كاميرات منهم تلاتة مرصوصين بشكل رأسي في نافذة باللون الأسود بارزة عن الضهر، وجنبها فلاش وتحته كاميرا رابعة، ولوجو هواوي مكتوب بشكل طولي تحت النافذة.

الشاشة

 الشاشة من نوع AMOLED بتدعم HDR بحجم 6.47 بوصة مع دقة عرض FHD 1080× 2340 بكسل وكثافة 398 بكسل في البوصة ودا رقم عالي كفاية انه يظهر المحتوى بشكل دقيق بدون تشويش، أبعاد الشاشة 19:5:9، بالنسبة للإضاءة فهي ممتازة جدا حتى تحت أشعة الشمس، فيه وضعين للألوان بتقدر تبدل بينهم من الإعدادات الوضع الأول هو الوضع الطبيعي والتاني بيزود تشبع الألوان وكل وضع ليه أكتر من اختيار في درجات اللون وبتختار حسب الدرجة اللي تريحك.

الكاميرا

الكاميرا الخلفية هي من أكتر المواصفات اللي بتميز Huawei P30 Pro، 4 كاميرات خلفية الأولى بدقة 40 ميجابكسل، بفتحة عدسة f/1.6، والتانية بدقة 20 ميجابكسل بفتحة عدسة f/2.2، والتالتة بدقة 8 ميجابكسل بفتحة عدسة f/3.4، والرابعة كاميرا مختصة بالتصوير ثلاثي الأبعاد من نوع TOF، منهم كاميرا فيها القدرة على الزووم 5 مرات أكتر مع الاحتفاظ بالتفاصيل، وكاميرا بفتحة عدسة واسعة بالإضافة للكاميرا الأساسية والميزة ان كل الكاميرات مزودة بعدسات من شركة لايكا الشهيرة في عالم التصوير، بالإضافة لفلاش ليد مزدوج يساعد على التصوير الليلي مع خاصية بانوراما.

بيدعم تصوير الفيديوهات بجودة عالية بدقة 2160 بكسل بمعدل إلتقاط 30 إطار في الثانية وبجودة 1080 بكسل بسرعة 60 و30 إطار في الثانية، وأضافت هواوي في تحديثاتها خاصية تسمح بتصوير فيديو مزدوج بعدسة التقريب مع الكاميرا الأساسية.

الكاميرا الأمامية أحادية العدسة تأتي بدقة 32 ميجا بكسل بفتحة عدسة f/2.0، قادرة على تصوير مقاطع الفيديو بجودة 1080 بكسل بسرعة 30 إطار في الثانية وبتدعم خاصية HDR، وطبعا بتقدر تاخد بها صور سيلفي مميزة وواضحة.

أداء الموبايل

المعالج من نوع Hisilicon Kirini 980  بتقنيات تصنيع 7 نانوميتر اللي بيقلل من استهلاك الطاقة بشكل كبير، ثماني النواة، أداؤه كافي جدا لتشغيل الموبايل بضغط عالي بدون أي تباطوء تحت الضغط المستمر، ومعالج رسومات Mali-G76 MP10 بيحسن أداء الموبايل بشكل كبير وبيمنحك تجربة ألعاب سلسة وسريعة لتشغيل أي لعبة موجودة بدون فقدان إطارات أثناء اللعب، بتعززها ذاكرة صلبة سعتها 128 أو 256 أو 512 جيجابايت مع ذاكرة عشوائية بسعة 8 جيجابايت بالإضافة لإمكانية زيادة المساحة التخزينية عن طريق ميموري كارت (نانو ميموري) لكن النوع دا مش منتشر بسهولة.

نظام التشغيل

يأتي الهاتف بنظام تشغيل Android 9.0 Pie مع واجهة هواوي ال EMUI 9.0.1، ومع وضع تحسين الألعاب GPU Turbo الهاتف بيقدم أفضل أداء للألعاب.

البطارية

بطارية عملاقة بسعة 4200 ملي أمبير بتكفي يوم كامل استخدام شاق وتستمر لليوم التالي في حالة الاستخدام المتوسط، وبالنسبة للشحن الموبايل بييجي معاه شاحن صاروخي بقوة 40 وات بيشحن الموبايل ل 70% في نص ساعة وبيشحن البطارية بالكامل في ساعة زمن بالرغم من حجمها الكبير، وبيدعم الشحن اللاسلكي العكسي يعني تقدر تستخدمه كباور بانك في شحن الأجهزة التانية.

المستشعرات

 مزود بمستشعر البصمة مدمج تحت الشاشة في الجزء الأسفل منها، وبالنسبة لسماعة المكالمات فا شركة هواوي اتبعت معاها تقنية جديدة لدمج الصوت أسفل الشاشة واستغنت عن الشكل التقليدي للسماعات، وبالنسبة لمكبر الصوت مكانه بالأسفل جانب فتحة الشحن ومدخل شريحة شبكة الموبايل وأزرار الصوت والفتح في الجانب الأيسر من الموبايل، بيدعم خاصية Face Unlock، بالإضافة انه بيدعم مستشعر التسارع والقرب والبوصلة والجيروسكوب الخاص بنظارات الواقع الافتراضي VR.

الاتصال

الهاتف بيدعم الواي فاي بترددات a/b/g/n/ac وبيدعم كمان Wi-Fi Direct و Dual-band و Hotspot بالإضافة انه بيدعم البلوتوث بإصدار 4.2 و ال A2DP, LE, aptX HD، بيدعم كمان خرائط  تحديد المواقع الجغرافية GPS.

المميزات

  • يدعم تشغيل شبكات المحمول من الجيل الثالث والرابع.
  • يدعم تشغيل شريحتين.
  • شاشة ممتازة بحواف قليلة جدا.
  • بصمة مدمجة في الشاشة استجابتها سريعة.
  • يدعم التقريب البصري حتى 5 مرات والرقمي حتى 10 مرات.
  • بطارية قوية جدا تستمر لفترات طويلة.
  • شاحن البطارية سريع جدا بقوة 40 وات والشحن اللاسلكي بقوة 15 وات.
  • شاشة بحجم كبير من نوع أوليد أحد أفضل الشاشات من حيث تشبع الألوان والتباين بالإضافة انها منحنية.
  • دعم الهاتف لإمكانية زيادة المساحة عن طريق نانو ميموري كارد.
  • أداء الكاميرا ممتاز جدا في كل ظروف الإضاءة وتفوقت على هواتف جوجل الجديدة في الوضع الليلي.
  • أداء المعالج قوي.
  • خاصية Always on display.
  • الشاشة بتدعم المدى الديناميكي العالي HDR10
  • يمكن استخدامه كريموت عن طريق الإنفرا ريد.
  • صوت دولبي.
  • مزود بميكروفون إضافي لإزالة الضوضاء.
  • يدعم ميزة مقاومة الماء والأتربة بمعدل IP68.

العيوب

  • لا يوجد منفذ سماعات 3.5 مللي.
  • لا يدعم راديو FM.
  • لا يوجد منفذ مخصص لبطاقة الذاكرة.
  • الشاشة غير مزودة بشاشة حماية من الصدمات والخدش.
  • لا يوجد تصوير فيديو بدقة 4K، بالإضافة ان أداء الفيديو محتاج تحسينات.
  • لا يحتوي على سماعات ستيريو.
  • الموبايل مش بيدعم برامج جوجل، وده أكتر عيب فيه.
  • كروت الذاكرة اللي بيدعمها الهاتف قليلة وغير منتشرة.
  • وزن الموبايل تقيل نسبيا عالاستخدام بإيد واحدة.
  • جسم الموبايل بيبصم بسهولة وبيتزحلق.
  • أقل سطوع للشاشة يعتبر قوي على العين وبياخد وقت لحد ما تتعود عليه.
  • هواوي اتخلت عن ميزة التعرف على الوجه بميزة ال 3D واكتفت بها عن طريق الكاميرا الأمامية ودا خلاها تكون أبطأ في الاستجابة من Mate 20 Pro خاصة في الظلام.

تجربة المستخدم

  • الموبايل عالي جدا في إمكانياته وسريع جدا والشاشة حلوة وأداؤه في الألعاب رائع، البطارية من أكبر مميزاته بالنسبة لي، يليها الكاميرا الرائعة، لكن عدم وجود منفذ للسماعات ال 3.5 مللي شيئ سيئ جدا وبنصح أي حد فارق معاه الموضوع دا يشتري ال P30 لأني مش مرتاح حتى في السماعات البلوتوث وبتحتاج شحن كل شوية.

شوف موبايل Huawei P30 Pro  من هنا.

**قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

كاتبة المقال       

أمنية عزمي، بكتب من سنتين. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة كويس جدا.

Leave a Reply

Your email address will not be published. Required fields are marked *