مزايا وعيوب مروحة ستاند برافو- 26 بوصة

كتبت: أمنية عزمي

ما تشيلش هم الحر في الأماكن المفتوحة خاصة لو مشروعك عبارة عن كافيه أو مطعم أو كوفي شوب أو حتى قرى سياحية، أي مكان مفتوح تقدر تستخدم فيه المراوح المخصصة لتبريد الأجواء الخارجية في أي جو وتحافظ على العملاء في المكان طول الوقت، مروحة برافو من الأنواع المعروفة بجودتها وقوة الموتور اللي بيولد هوا بشكل قوي عن طريق ريش معدن بتلف بسرعة 1300 لفة في الدقيقة، فيها قاعدة ثابتة وعمود قابل لتعديل مستوى الطول فيه علشان يتناسب مع كل الاحتياجات.

تابعنا مع ياقوطة علشان تتعرف على أهم مواصفات ومميزات وعيوب مروحة ستاند للحديقة من برافو- 26 بوصة وهننقل لك كمان رأي المستخدم فيها ولو عجبتك وحبيت تشتريها هتلاقي عندنا أحسن الأسعار ليها وتقدر تقارن بينهم بنفسك وتقدر كمان تطلبها من خلالنا وتوصلك في أقرب وقت.

بنفكرك إنك ممكن تشتري مروحة ستاند للحديقة من برافو- 26 بوصة- DF650-4 أسود من خلال شهري أول وأسهل تطبيق تقسيط في مصر واللي مش بيحتاج منك غير صورة البطاقة وصورة إيصال مرافق وبس، من غير زيارة ولا ضامن واستمتع كمان بالتوصيل مجاني لكل مشترياتك.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

  • العلامة التجارية: برافو.
  • اللون: أسود.
  • وزن الحزمة: 10 كيلو.
  • رقم الموديل: DF650-4
  • عدد السرعات: 3.
  • مصدر الطاقة: الكهرباء.
  • نوع المروحة: مراوح عمودية.
  • نوع الريش: ألومنيوم.

المميزات

  • بتتميز بجودة التصميم وخامات التصنيع المعدن العالية المقاومة للعوامل الجوية الخارجية من حيث درجات الحرارة والرطوبة والأتربة.
  • بتتميز بموتور قوي بيتحمل العمل الشاق بيوفر قدرة على العمل لساعات طويلة بدون توقف بنفس القوة والأداء بسرعة 1300 لفة في الدقيقة لأكتر من 3000 ساعة عمل.
  • المروحة بقطر 26 بوصة ومزودة ب 3 ريش معدن ألومنيوم بيزيد من تدفق الهواء بقوة ودا بيوفرلك التهوية المطلوبة في المكان.
  • مزودة ب 3 إعدادات للسرعة بتوفر من خلالهم كل المستويات لقوة تدفق الهواء والسرعة التالتة فيها عالية وبتختار منهم السرعة المناسبة.
  • مزودة بقاعدة معدن عبارة عن أربع أرجل بتساعد على ثبات المروحة بشكل قوي أثناء دورانها على أعلى سرعة.
  • مثبتة في القاعدة بعمود من المعدن سهل التحكم في ارتفاعه للطول المطلوب للمروحة.
  • مزودة بزر خلف المروحة بتقدر تتحكم من خلاله في تثبيت اتجاه المروحة وتدفق الهواء في اتجاه معين.
  • بتقدر تشغلها متواصل طول اليوم بدون ما تفصل.
  • سهلة التركيب وكمان سهلة الفك، بالإضافة إن شبكة المروحة مطلية بالكروم ومصممة بكلبسات سهلة في استخدامها بتقدر تفكها وتنضفها كل فترة علشان تحافظ عليها من الأتربة.
  • صوتها يعتبر معقول جدا لأن الريش المعدن رفيعة بعكس الريش المعدن الكبيرة واللي بتعمل صوت عالي أثناء التشغيل، وكمان بتتميز بالهدوء في الإهتزاز.
  • عليها ضمان سنتين مجاني شامل من برافو .

العيوب

  • لا تعمل بالريموت كنترول.
  • بتكون مشكلة وقت تخزينها في الشتاء لأنها بتشغل حيز كبير ومش سهل تشيلها.
  • الأرجل في القاعدة فيها فتحات بيدخل فيها أتربة لو بتستعملها في أرضية حدائق.

خدمة العملاء

  • عنوانهم 3 ميدان العتبة- القاهرة.
  • تليفون: 02 23918498

تجربة المستهلك

  • فيه ناس شكرت فيها وقالت ان الهوا قوي لكن محتاجة مساحات متوسطة خاصة في الأماكن المفتوحة، وفي ناس اشتكت إن صوتها عالي ومش بتقدر تستحملها بعد فترة من التشغيل بسبب الضجيج.

شوف مروحة ستاند للحديقة من برافو- 26 بوصة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

كاتبة المقال       

أمنية عزمي، بكتب من سنتين. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة كويس جدا.

Leave a Reply

Your email address will not be published. Required fields are marked *