مواصفات وأسعار ماكينة صنع القهوة التركية Okka ٩٥٠ مللي

كتبت: أمنية عزمي 

عشاق ومحبي القهوة عمومًا والتركي خصوصًا كتير جدًا. وفيه نسبة كبيرة منهم برضه مش بتتمتع بمهارة صنع القهوة التركي بشكل كويس، ويحبوا يحتسوها من إيد غيرهم. لكن مع ماكينة صنع القهوة التركية أوكا ٩٥٠ مللي الموضوع هيكون أسهل.

الماكينة دي ليها مزايا كتيرة، هنتعرف عليهم وعلى كل مواصفاتها من خلال ياقوطة. ولو عجبتك وحبيت تشتريها هتلاقي عندنا أرخص الأسعار ليها وتقدر تقارن بينهم بنفسك وتقدر كمان تطلبها من خلالنا وتوصلك في أقرب وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

بلد المنشأ الصين
الخامة الأساسية بلاستيك/ ستانلس ستيل
فترة الضمان 1 سنة

المميزات

  • بتحضر القهوة بشكل تلقائي بالكامل، وبتصبها مباشرة في الفنجان.
  • بتديك الطعم الأصلي للقهوة التركي بالوش بتاعها بمذاق ممتاز.
  • ليها 3 سرعات، مرحلة التخمير ودي بتاخد من ٤ ل ٥ دقايق لأنها بتسوي القهوة على الهادي، وبتديك وش وطعم مميز. والاختيار التاني بياخد من دقيقة ل لدقيقتين ودي التسوية العادية، وممكن تعمل فنجانين قهوة في ٨٠ ثانية.
  • بتقدر تستخدم معاها أي نوع بن مطحون ودي ميزة فيها قوية إنها مش بتلزمك بكبسولات أو عبوات معينة. وبالتالي بتشرب البن بتحويجته ونوعه اللي على مزاجك.
  • فيها خاصية إضافة الحليب للقهوة للناس اللي بتحبها بالحليب وبتوزعه وتمزجه بكفاءة.
  • بتمنحك ٣ مقاسات لكمية القهوة اللي محتاجها في الفنجان.
  • فيها نظام كشف تلقائي بيمنع غليان أو فوران القهوة.
  • فيها خاصية التنضيف الذاتي ودي من أهم مميزاتها بمجرد الضغط على الزر المخصص بتنضف نفسها.
  • خزان المية سعته ٩٥٠ مللي، وهو كافي لعدد معقول من الفناجين.
  • بييجي معاها ٢ فنجان قهوة مزينين بأشكال جميلة وتقدر تستخدم معاها أكوابك الخاصة.
  • شكلها شيك جدًا وحجمها صغير مش بياخد حيز كبير.
  • عملية جدًا في المنازل والمكاتب والفنادق مع الفطار الصبح لعشاق القهوة التركي.
  • بتوفر في الكهرباء لأنها بتفصل الطاقة أتوماتيك في الوقت اللي مش بتشغلها فيه، غير الأنواع اللي بتشتغل باستمرار علشان تحتفظ بالمية سخنة.

العيوب

  • مش بتقدم غير القهوة التركي بشكلها التقليدي فقط دونًا عن باقي المشروبات اللي بتدخل فيها تركيبة القهوة زي الاسبريسو والكابتشينو والنسكافيه.
  • سعرها غالي على إنها مش بتقدم غير نوع قهوة واحد فقط.

خدمة ما بعد البيع

  • الوكيل ليها في مصر شركة نيو ستار للاستيراد والتصدير

تجربة المستخدم

  • أجمعت الآراء على إنها بتقدم طعم رائع وإنها احترافية بمعنى الكلمة، وشكروا في ميزة إنها بتنضف نفسها ذاتيًا.
  • كتير قالوا إن سعرها مبالغ فيه خاصة انها مش بتقدم غير القهوة التركي فقط، وفي ناس من اللي بيستخدموها في أماكن العمل قالوا ان الخزان صغير وكان يفضل يكون أكبر من كده.

شوف أوكا ماكينة صنع القهوة التركي- ٩٥٠ مللي من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

كاتبة المقال      

أمنية عزمي، بكتب من 9 شهور. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة 100%.

2 thoughts on “مواصفات وأسعار ماكينة صنع القهوة التركية Okka ٩٥٠ مللي”

  1. A.R, gariani says:

    We need to serve about 1000 Turkish coffe very 7 hours a day ..
    how many ma chines we need to buy if the twin head machine .. and how long such machine will last operating ?
    Please elaborate.. thanks

    1. Mohamed Abdelrahman says:

      You will need to buy 6 machines at least for them to serve 1008 cups in 7 hours if they’re working nonstop.

Leave a Reply

Your email address will not be published. Required fields are marked *