مميزات وعيوب غسالة HOVER فل أتوماتيك 7 كيلو- 1100 لفة

كتبت: أمنية عزمي

هوفر شركة إيطالية معروفة بجودة منتجاتها وبتعتبر رائدة في الأجهزة الكهربائية، وتوشيبا العربي أخد توكيلها في مصر، الغسالة ليها مميزات كتير مختلفة عن الغسالات زي إن الشاشات الديجيتال في الغسالات من أفضل الشاشات وحجمها كبير وألوانها واضحة، فتحة الباب فيها واسعة وده بيخليك تقدر تحط فيها البطاطين والمفروشات بسهولة، فيها خاصية التأجيل لحد 23 ساعة، بيطلق عليها الغسالة الصامتة لأنها بتشتغل في هدوء تام، مميزة ببرامجها السريعة اللي مش بتاخد وقت وفي نفس الوقت نضافتها عالية، نسبة العصر فيها 100% ، والأهم انها موفرة جدا سواء في الكهرباء أو المية ومصنفة كفاءة استهلاك A+++.

هنتكلم بالتفصيل مع ياقوطة عن غسالة HOVER (هوڨر) فل أتوماتيك سعة 7 كيلو- 1100 لفة DXOC17C3R وهنتعرف على أهم مواصفاتها ومميزاتها وكمان عيوبها ورأي الناس اللي استخدمتها، ولو عجبتك وحبيت تشتريها هتلاقي عندنا أحسن الأسعار ليها وتقدر تقارن بينهم بنفسك وتقدر كمان تطلبها من خلالنا وتوصلك في أسرع وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

  • موديل المنتج: DXOC17C3R
  • حمولة الغسالة: 7 كيلو.
  • معدل الدوران: 1100 لفة في الدقيقة.
  • سخان داخلي: متوفر.
  • طلمبة: نعم.
  • الأبعاد (العرض×الارتفاع×العمق) مم: 600× 850× 520
  • مجفف: لا.
  • بخار: لا.
  • شاشة ديجيتال: نعم.
  • فترة الضمان: خمس سنوات ضمان مجاني شامل.

المميزات

  • هوفر غسالة إيطالية الصنع بالكامل بأجود الخامات من الداخل والخارج.
  • من الغسالات الأكثر كفاءة على الإطلاق ومصنفة فئة A+++ بتوفر جدا في استهلاك الكهرباء والمية وبتوفر عليك إنفاق المال بشكل كبير.
  • مزودة بشاشة LCD من أفضل الشاشات الديجيتال في السوق، مساحتها كبيرة وألوانها واضحة وتعمل باللمس، بيظهر عليها البيانات والأعطال.
  • سعة الغسالة 7 كيلو ومناسبة للعائلات المتوسطة لأنها بتوفر عدد مرات الغسيل وتقدر تغسل فيها بطاطين ومفروشات وتوفر عليك مصاريف الدراي كلين وتعب الغسيل اليدوي.
  • معدل دورانها 1100 لفة في الدقيقة يعني قوة تنضيف عالية وقوة عصر عالية والغسيل مش بيحتاج وقت طويل علشان ينشف.
  • ودع البارومة اللي بنعاني منها ومن مشاكلها مع جسم الغسالة المصنوع من الاستانلس ستيل بالكامل المضاد للصدأ.
  • بتتميز بفتحة باب واسعة بعرض 35 سم بتفتح بزاوية 180 درجة بيسهل كتير إنك تضيف الملابس الشتوي والبطاطين والمفروشات بسهولة.
  • تعمل بخاصية الغسيل ثلاثي الأبعاد، خاصية شلال التربو تعمل على توزبع المياه بشكل ثلاثي الأبعاد وتدويره بالتساوي لتقليل تشابك الملابس والتخلص من أي رواسب.
  • حلة الداخلية العصر ستيل بالكامل مقاومة للصدأ وبتحافظ على نسيج الأقمشة.
  • مزودة ببرامج متعددة لكل أنواع الملابس ودرجات الحرارة. برنامج غسيل الملابس القطنية البيضاء+ الغسيل التمهيدي، برنامج غسيل الملابس القطنية، برنامج غسيل الملابس البيضاء، برنامج الغسيل الاقتصادي عند درجة حرارة 20، برنامج لغسل وتعقيم ملابس الأطفال عند درجة حرارة 60، برنامج الشطف، برنامج العصر والصرف، برنامج غسيل الملابس الداكنة، برنامج غسيل الملابس الرياضية عند درجة حرارة 30، برنامج لغسل المنسوجات الناعمة زي الحراير، برنامج للصوف، برنامج غسيل يدوي، برنامج للأقمشة المختلطة والصناعية، برنامج الغسيل اليومي في 59 دقيقة، البرنامج السريع في 14، 30، 44 دقيقة.
  • مزودة ببرنامج التشغيل عن طريق NFC من الموبايل عن بعد.
  • خاصية تأجيل بدء التشغيل حتى 24 ساعة كاملة.
  • مزودة بعدو مفاتيح للتحكم.. مفتاح بدء التشغيل والإيقاف المؤقت، مفتاح للتحكم في درجة الحرارة، مفتاح البرنامج السريع وتحديد درجة اتساخ الملابس، مفتاح للتحكم في سرعة العصر، مانع لكرمشة الملابس، مفتاح للعناية الحساسة، التعقيم للملابس عند درجة حرارة 60.
  • عليها ضمان مجاني لمدة 5 سنوات من توشيبا العربي.

العيوب

  • بتحتاج تهتم بالكمية المحددة للغسيل لأنك لو ضفت كمية أكبر من سعتها الغسالة هتتوقف عن الغسيل عكس الغسالات التانية، لكن ده لمصلحة الغسالة والحفاظ على كفائتها في العمل.
  • الغسالة بتتوقف عن الغسيل لو كمية المية اللي داخل أقل من المطلوب وده بيحصل لسببين: الأول إن خرطوم المياه يكون فيه عائق يمنع تدفق المياه أو إن الخرطوم يكون من نوع ضعيف وبيتقطع بسرعة، لكن بتكون مشكلة سهلة بتتحل بسرعة من الصيانة بتغيير الخرطوم.
  • قطع غيارها مش دايما متوفرة ودا لأنها مستوردة.

خدمة العملاء

  • دعم فني 24 ساعة، سيارات مجهزة لجميع المحافظات.
  • في شكاوى كتير من الناس بسبب سوء مستوى الصيانة مؤخرا في توشيبا العربي.

تجربة المستخدم

  • سألت عليها ناس ومحدش فادني بحاجة لكن اشتريتها وبقالها عندي 3 سنين وماشية زي الفل وهايلة في الغسيل.

شوف غسالة HOVER (هوڨر) فل أتوماتيك سعة 7 كيلو- 1100 لفة DXOC17C3R من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

كاتبة المقال       

أمنية عزمي، بكتب من سنتين. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة كويس جدا.

Leave a Reply

Your email address will not be published. Required fields are marked *