مزايا وعيوب عربة أطفال جوي لايت تراكس

كتبت: أمنية عزمي

عربيات الأطفال من أهم الاختراعات اللي ساهمت بشكل كبير في راحة الأمهات لأنها بتساعدها تتحرك بالطفل بسهولة معاها في كل مكان، لكن قبل ما تشتري لازم تحدد احتياجاتك، زي عمر الطفل ووزنه والعربية هتكفيه وقت قد إيه، الميزانية المسموح بها، أسلوب حياتك بمعنى لو بتحب السفر كتير أو التنقل عمومًا فهتحتاجي عربية سهل استخدامها، كمان لو بتحبي المشي كرياضة أو التسوق هتحتاجي العربية يكون فيها أماكن لحفظ شنطتك وشنطة الطفل، لو بتقضي معظم يومك في مشاوير بعربيتك يبقى هتحتاجي عربية للطفل تكون سهلة الطي ومقاسها مناسب لعربيتك في الاحتفاظ بها وهكذا، جوي ماركة بريطانية معروفة بتوفير احتياجات الطفل وبتصنعها من مواد بجودة عالية جدا تتناسب مع الأطفال حديثي الولادة وتوفر الراحة للطفل والأم.

هنتكلم مع ياقوطة عن عربة أطفال جوي لايت تراكس- 4 عجلات ونتعرف على أهم مواصفاتها ومميزاتها وكمان عيوبها ورأي المستخدم فيها ولو حبيت تشتريها هتلاقي عندنا أحسن الأسعار ليها وتقدر تطلبها من خلالنا وتوصلك في أقرب وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

  • الكود التعريفي للمنتج: JO383TB1GRBH9NAFAMZ
  • رقم الموديل: 5056080600864
  • اللون: كحلي غامق.
  • بلد المنشأ: أنغويلا.

المميزات

  • خفيفة ومثالية بتصميم أنيق رياضي للاستخدامات العادية والتسوق ورياضة المشي، مصممة بإطار ألومنيوم وسهلة الطي بيد واحدة مع قفل أتوماتيكي للانتقال السريع من الشارع للسيارة.
  • مصنعة من أقمشة قوية وخامات تتحمل كثرة الحركة وناعمة جدا علشان تلائم جلد الأطفال في نعومته وملمسه.
  • بتوفر 4 أوضاع مريحة للطفل، وضعية الجلوس والنوم المسطح لراحة الأطفال حديثي الولادة وتغيير وضعه بشكل يدوي سريع مع وضع الأرجل اللي بيتغير حسب طريقة جلوسه أو نومه وبالتالي الطفل مش بيزهق فيها والأم بتقدر تأكله وتنيمه وتقضي كل احتياجاته في الوضعيات المختلفة.
  • مزودة بحزام أمان ناعم الملمس مكون من خمس نقاط يتم وضع أرجل الطفل من منتصفه وربطه على جسم الطفل بمقاسات مختلفة ل 3 ارتفاعات لحمايته وراحته في نفس الوقت.
  • مزودة ب 4 عجلات، العجلات الأمامية دوارة وسلسة في الحركة ومزودة بفرامل بتقدر تفعلها بضغطة بالقدم للحفاظ على ثبات العربية وقت اللزوم.
  • مزودة بغطاء عبارة عن مظلة كبيرة بحماية 50% ضد اشعة الشمس وغطاء بلاستيك بيوفر حماية جانبية وعلوية للطفل في عوامل الجو المختلفة ويمكن فتحها وإزالتها حسب الرغبة.
  • مزودة بجزء أمامي ماص للصدمات بيوفر حماية إضافية للطفل.
  • بطانة جانبية بتقنية Intelli-Fit مع حشوة حماية ناعمة من الصدمات، بالإضافة لمسند رأس بتقنية Tri-Protect مع 3 طبقات من الحماية المضاعفة.
  • مزودة بصينية تستخدمها للطفل وقت الأكل وحامل أكواب للوالدين تساعدهم هما كمان في احتياجاتهم وكمان سلة تخزين للتسوق في الأسفل علشان يكونوا بحريتهم بدون أعباء.
  • مناسبة للأطفال من سن الولادة لحد عمر 3 سنوات يعني تقدر تستفاد بها فترة طويلة وتشيلها لأخواتهم كمان.
  • مناسبة للسفر والطائرات.

العيوب

  • صعبة في تنضيفها كمان لونها الغامق وبيبهت لما تتعرض للشمس فترات طويلة.

تجربة المستخدم

  • سهلة في استخدامها، وزنها خفيف، تناسب أكتر الأطفال اللي وزنهم قليل أو بمعنى الأطفال في السنة ونص الأولى، حجم السلة السفلية كبير والعجل سلس جدا في الدوران والتحكم فيه، وطريقة قفلها سلسة وبقفلها بإيد واحدة وانا شايلة الولد وبيعجبني المكان الخاص بالكوبايات لأنه بيفيدني وانا ماشية، مريحة جدا للطفل في كل أحواله وبتوفر الأمان التام لحمايته.

شوف عربة أطفال جوي لايت تراكس- 4 عجلات من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

كاتبة المقال       

أمنية عزمي، بكتب من سنتين. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة كويس جدا.

Leave a Reply

Your email address will not be published. Required fields are marked *