كتبت: منى عوض

رحلة البحث عن إيرفراير كويسة بتوفر أداء عظيم وأكل صحي بدرجة عالية مش سهلة ومش سهل خالص تلاقي حاجة تعجبك وتؤدي المهمة المطلوبة بدقة وكفاءة عالية، بس إيرفراير ديلونجي كويسة جدًا وتقريبًا كل اللي استخدمها شكر فيها.

خلينا نتكلم عنها النهاردة بشكل تفصيلي عن  إيرفراير ديلونجي ملتي فراي FH1396 ونوضح مزاياها وعيوبها كلها، ولو عجبتك الإيرفراير وحبيت تشتريها تقدر تعرف أحسن سعر ليها وتقدر كمان تطلبها من خلالنا في ياقوطة وهتوصلك في أسرع وقت.

بنفكرك إنك ممكن تشتري إيرفراير ديلونجي ملتي فراي FH1396 من خلال شهري أول وأسهل تطبيق تقسيط في مصر، واللي مش بيحتاج منك غير صورة البطاقة وبس، ومن غير زيارة، ولا ضامن، واستمتع كمان بتوصيل مجاني لكل مشترياتك.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

مواصفات إيرفراير ديلونجي ملتي فراي FH1396

• العلامة التجارية: ديلونجي.
• رقم الموديل: FH1396.
• القدرة الكهرباية: 2200 وات.
• سعة القلاية: 1.7 لتر.
• بلد الصنع: الصين.

مزايا إيرفراير ديلونجي ملتي فراي FH1396

• الإيرفراير شكلها من جوا كبير وهتحس إنها واسعة رغم إن سعتها قد تبدو صغيرة فهي بتصل إلى 1.7 لتر فقط.
• لوحة تحكم رقمية تقدر تظبط من خلالها درجة حرارة الإيرفراير ووقت الطهي اللي إنت عايزه.
• هتلاقي بكرة تقدر تحدد من خلالها البرنامج اللي إنت عايزه من بين 8 برامج مخصصة للبطاطس والبيتزا والكعك والشوربة والشواء والقلي وفيه فرن وشواية هوائية. البكرة دي بداخلها زرار بتدوس عليه بمجرد ما تختار برنامج الطهي المناسب عشان تشغل الإيرفراير ولو حبيت توقف الطهي بشكل مؤقت بتدوس عليه تاني ولو حبيت تقفل البرنامج خالص بتدوس عليه دوسة طويلة وهكذا.
• برنامج الفرن دا بيكون كويس جدًا في تسوية الطعام اللي بيحتاج نار هادئة، وفي الحالة دي هتلاقي إن السخان السفلي للجهاز بس هو اللي شغال.
• فيه برنامج تاني للفرن لكن المرة دي السخان العلوي بس هو اللي بيكون شغال ودا تقدر تستخدمه لو عايز تشوي أي حاجة من فوق وبس.
• البرنامج الثالث للفرن بيكون فيه السخان العلوي والسفلي شغالين في نفس الوقت ودا بيخلص عملية طهي الطعام سريعًا وعادةً درجة حرارته بتكون عالية جدًا.
• برنامج البطاطس كويس جدًا وهيخليك تاكل أحلى بطاطس معمولة بشكل صحي وخفيف على المعدة.
• برنامج البيتزا مش بيكون مخصص للبيتزا وبس لأ هتقدر تعمل فيه كل المعجنات والمخبوزات والفطاير اللي إنت عايزها.
• برنامج الكيك بيكون مخصص لكافة أنواع الكيكات والحاجة بتطلع منه ممتازة جدًا ومش بتحتاج وقت طويل.
• تقدر تعمل فيها كمان كل أنواع الشوربات والأرز والمكرونة اللي إنت عايزها كل اللي عليك إنك تختار برنامج الشوربة فقط.
• برنامج الشوي تقدر تشوي فيه كل الأكلات اللي إنت عايزها كل اللي عليك تستخدم شبكة الشوي وحط الأكل وسيبه لحد ما يستوي بالدرجة اللي إنت عايزها.
• الإيرفراير آمنة تمامًا في الاستخدام فهي مزودة بزرار قفل وتشغيل في الجنب لزيادة درجة الأمان.
• تقدر تظبط درجة حرارة الإيرفراير بشكل يدوي أو أوتوماتيكي عند اختيار البرنامج المناسب.
• تقليب تلقائي للطعام بفضل وجود ذراع تقليب في أحد الحلل الداخلية للإيرفراير.
• بيجي معاها حلة أساسية تقدر تركب فيها ذراع لتقليب الطعام أثناء عملية الطهي، وفيها حلة تانية إضافية مفيهاش إمكانية تركيب ذراع تقليب عشان لو حابب تعمل فيها كيك أو أكعمة مش محتاجة تقليب، وبيجي معاها كمان شبكة للشوي.

عيوب إيرفراير ديلونجي ملتي فراي FH1396

• الإيرفراير صوتها بيكون عالي بدرجة عالية في بعض البرامج.
• استهلاكها للكهرباء عالي.
• مش هتقدر تعمل فيها غير صنف أكل واحد في المرة الواحدة بالتالي لو هتعمل أكتر من أكلة في نفس اليوم هتحتاج وقت طويل والأكل كمان هيبرد وإنت مستني تخلص صنف أكل تاني.
• محتاجة اهتمام وتنظيف خاص بعد كل استخدام.
• سعرها غالي شوية بالمقارنة بالمنافسين.

تجربة المستخدم لإيرفراير ديلونجي ملتي فراي FH1396

• الجهاز حلو جداً وعملي وطعم الأكل مش بيتغير جواه.
• منتج جميل وصحي وأقدر أعمل أكلات كتير فيه مش مجرد قلاية بطاطس وخلاص.
• كنت فاكره إن الجهاز هيكون أدائه أسرع من كدا وإن كانت مش سيئة بس كنت متوقعة شئ أفضل.

خدمات ما بعد البيع لإيرفراير ديلونجي ملتي فراي FH1396

• راية بتُعتبر الموزع الرسمي لأجهزة ديلونجي وتقدر تتواصل معاهم من خلال الخط الساخن 19900.
• لو واجهت أي عُطل في الإيرفراير أو في أي جهاز من أجهزة ديلونجي في العموم كلم راية وهما هيوجهوك لأقرب فرع ليك.
• لو الجهاز ما زال جوا الضمان فهيتم تصليحه أو صيانته بدون أي رسوم لكن لو خارج الضمان فهتضطر تدفع رسوم.

شوف عروض إيرفراير ديلونجي ملتي فراي FH1396 المتوفرة على ياقوطة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

منى عوض، كاتبة بقالي أكتر من سنتين، بكتب عادة عن التكنولوجيا اللي بقت جزء لا يتجزأ من حياتنا اليومية، وبحب دايمًا أني أقرأ وأدور كويس جدًا عن كل حاجة قبل ما أكتب عنها عشان أكون متأكدة من كل معلومة بكتبها ولو حسيت أن المعلومات اللي لاقيتها على الإنترنت مش كافية ببدأ أنزل وأسأل سواء أشخاص جربوا الحاجة دي أو في الأماكن اللي بتكون متخصصة في بيع الحاجة اللي بكتب عنها.