مزايا وعيوب راوتر Orange MW40

كتبت: أمنية عزمي

الناس اللي محتاجة إنترنت ومعندهاش خط أرضي أو خطوط الإنترنت عندها ضعيفة أو ممكن برضه للناس اللي بتتنقل كتير وبتحتاج الإنترنت معاها في كل مكان، أورانج حلت المشكلة بتوازن كبير في الأسعار والسعة المقدمة من خلال راوتر Orange MW40 اللي مش بيحتاج خط أرضي وبيشتغل بشريحة موبايل عادية وبتقدر تدخل منها على الإنترنت بأقصى سرعة بالإضافة انه بيقدم باقات أعلى من ال 4G في الموبايلات بسعات كبيرة تصل ل 240 جيجابايت في الشهر بتقدر تعتمد عليها في تشغيل الفيديوهات واليوتيوب براحتك تماما وبدون قلق وبتوفر باقات كتير تقدر تختار منها اللي يناسبك بأسعار معقولة جدا.

هنتعرف بالتفصيل في المراجعة دي مع ياقوطة على أهم مواصفات ومميزات وعيوب راوتر Orange MW40  وهنتعرف على رأي الناس اللي استخدمته، ولو عجبك وحبيت تشتريه هتلاقي عندنا أحسن الأسعار ليه وتقدر تقارن بينهم بنفسك وتقدر كمان تطلبه من خلالنا ويوصلك في أقرب وقت.

بنفكرك إنك ممكن تشتري راوتر Orange MW40 من خلال شهري أول وأسهل تطبيق تقسيط في مصر واللي مش بيحتاج منك غير صورة البطاقة وصورة إيصال مرافق وبس، من غير زيارة ولا ضامن واستمتع كمان بالتوصيل مجاني لكل مشترياتك.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

  • الشبكة: 4G/FDD-LET/DC-HSPA+/HSUPA/UMTS/EDGE/GPRS
  • أقصى سرعة نقل البيانات: تنزيل حتى 150 ميجابيتس وتحميل حتى 50 ميجابيتس
  • WiFi: حتى 15 مستخدم.
  • الذاكرة الداخلية: 128 ميجابايت.
  • الذاكرة: مخرج SD حتى 32 جيجابايت.
  • الوميض: إشارة، واي فاي، الرسائل القصيرة، البطارية.
  • البطارية: 1800 مللي أمبير.
  • الوزن: 78 جرام.

المميزات

  • دلوقت تقدر تستغنى عن التليفون الأرضي وتستخدم رواتر أورانج وتعيش عالإنترنت مع ماي فاي بمجرد وضع شريحة إنترنت من أورانج في الراوتر وتتنقل به في أي مكان.
  • راوتر Orange MW40 يعمل بنظام 4G المعروف بسرعته وبتقدر تحصل منه على سرعة تنزيل 150 ميجابايت/ثانية، وسرعة تحميل حتى 50 ميجابايت/ ثانية وبالتالي مفيش مشاكل التأخير.
  • بيوفر نطاق تغطية كبير تقدر تعتمد عليه وبيمكنك من الاتصال بالشبكة اللاسلكية من أي مكان في بيتك.
  • قدرة استيعابية عالية، بيستوعب حتى 15 مستخدم أو إنك توصله ب 15 جهاز في نفس الوقت بجودة عالية.
  • أورانج بتوفر باقات تحميل عالية وسرعات عالية وموفرة جدا عن باقات ال 4G عالموبايل وبتعتبر من أحسن الشركات في سرعة واستقرار الإنترنت وبتصل السرعة فيها ل 70 ميجا داونلوود و45 ميجا أبلوود، وكمان من أحسن الشركات المنافسة في أسعار الباقات.
  • سرعتة مثالية للألعاب وأجهزة التلفزيون الذكية والكمبيوتر وكل الأجهزة اللي ممكن تحتاج سرعة واي فاي وثبات للشبكة.
  • بيحتوي على ذاكرة داخلية 128 ميجابايت، ومخرج SD للذاكرة يستوعب حتي 32 جيجابايت وبالتالي بيوفر السرعات المناسبة بسلاسة ويحافظ على ثباته.
  • مزود بأربع لمبات ليد بتوضح حالة إشارة الشبكة ولمبة واي فاي، والرسائل القصيرة، ونسبة شحن البطارية.
  • مزود ببطارية بقوة 1800 مللي أمبير بتستمر معاك من 3 ل 4 ساعات وبتكون ميزة انك تقدر تتحرك به بدون أسلاك لفترات معقولة وبيتم شحنها زي فكرة الموبايل.
  • حجمة صغير ووزنه خفيف جدا لا يتعدى 78 جرام وده بيسهل التنقل به بسهولة.
  • سهل في استخدامه وبتقدر تفعل خدمة الإنترنت بمجرد تشغيل الجهاز وشحنه بالباقة المطلوبة.
  • أورانج بتوفر أحسن باقات إنترنت في شركات الاتصالات وأحسن أسعار وفي باقات متعددة بتقدر تختار منها اللي يناسبك.

العيوب

  • الباقات اللي بتاخدها من أورانج بتكون متقسمة نص الباقة تستخدمها أثناء اليوم والنص التاني محدد من 12 بالليل ل 12 ظهرا ودا ممكن يهدر كتير من الباقة لبعض المستخدمين.
  • مش بتقدر تستخدمه في أكتر من مكان في نفس الوقت، يعني أول مكان شغلت فيه خدمة الإنترنت يعتبر هو المكان اللي تقدر تشغله فيه كل مرة ولو احتاجت تغير المكان لابد يتم التغيير عن طريق شركة أورانج سواء بالاتصال برقم 110 أو زيارة اقرب فرع للشركة.
  • عدم إمكانية تغيير مكان تشغيل الإنترنت إلا مرة واحدة كل 4 شهور من تاريخ تشغيل الخدمة.
  • سعة البطارية تعتبر ضعيفة مقارنة بالأنواع المنافسة اللي بتكون مش أقل من 3000 مللي أمبير.
  • بتحتاج تشحنه أكتر من مرة في اليوم.

خدمة ما بعد البيع

  • 110 رقم خدمة العملاء من أي خط، 16110 من أي خط أرضي، 01223202020 من الموبايل.

تجربة المستخدم

  • ناس كتير رأيهم إن أورانج أحسن شركة في الأسعار في باقات الإنترنت والثبات، بالنسبة للراوتر Orange mw40 ثباته كويس لكن بطاريته سعتها ضعيفة وبيشحنوه كتير لكن مناسب في البيوت وسرعته عالية.

شوف راوتر Orange MW40 من هنا

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

كاتبة المقال

أمنية عزمي، بكتب من سنتين. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة كويس جدا.

Leave a Reply

Your email address will not be published. Required fields are marked *