كتبت: أمنية عزمي

التطور والتكنولوجيا في التلفيزيونات بقت متوفرة بكل أشكالها وفئاتها، لكن لما بتيجي تشتري تليفزيون وفق ميزانية معينة محدودة وقتها بتدور على المواصفات المهمة الأساسية اللي تحس معاها بفرق في الصورة زي دقة الشاشة وحجمها ونوعها ووضح الصوت والألون، لأن دي مواصفات بقى سهل إنك تلاقيها بأسعار منخفضة ومواصفات ترضي جميع الأذواق، وتوفر وسيلة ترفيه تقدر تتابع من خلاها برامجك وأفلامك المفضلة.

 هنتكلم في المراجعة دي مع ياقوطة عن أهم مواصفات ومميزات وكمان عيوب تليفزيون GTV 7777.E– 32 بوصة- FHD– ليد وهنتعرف على رأي المستخدم فيه ولو عجبك وحبيت تشتريه هتلاقي عندنا أحسن الأسعار ليه وتقدر تقارن بينهم بنفسك وتقدر كمان تطلبه من خلالنا ويوصلك في أقرب وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

• نوع العرض: LED
• اللون: أسود.
• العلامة التجارية: GTV
• دقة العرض: 1920×1080.
• رقم الموديل: E.
• حجم الشاشة بالبوصة: 32.
• HD Type: FHD
• الرقم المميز للسلعة: 2724502300724

المميزات

• شاشة بحجم 32 بوصة مناسبة للأماكن المتوسطة وبيظهر فيها دقة الصورة والتفاصيل بشكل واضح.
• الشاشة بدقة فل إتش دي 1920×1080 بكسل اللي هتوفرلك تجربة مشاهدة ممتعة بكل تفاصيلها الدقيقة.
• شاشة ليد، بإضاءة خلفية مميزة بالسطوع العالي وتباين عالي للون الأسود ووضوح للألوان.
• مميز بمنفذين HDMI فيهم دعم للإشارات الصوتية متعددة القنوات وإشارات فيديو بوضوح عالي بتنسخ صوت وصورة بشكل دقيق وصورة بجودة عالية بدون أي تشويش أو ضوضاء، وبتقدر من خلالهم توصل الشاشة ب DVD أو كمبيوتر وتشوف الأفلام بوضوح وجودة عالية.
• مشغل وسائط متعددة يو إس بي 2 بتوصله بأي فلاشة وتتفرج على ملفاتك الخاصة من صور وفيديوهات وذكريات على شاشة تستمتع معاها بالمشاهدة.
• سمك الشاشة قليل جدا وده بيوفر إمكانية إنك تعلقها عالحائط وتستغل المساحة بشكل أفضل.

العيوب

• مش مذكور ليها فترة ضمان وبما إنها من الأنواع الغير منتشرة أو معروفة فلازم يتوفر ليها ضمان وبيكون 3 سنوات في التلفزيونات.
• القواعد مش بالتصميم الثابت اللي ممكن يحميها من الصدمات أو الوقوع.
• الشاشات الليد من مشاكلها إن الضوء الخلفي فيها قابل للتلف.
• غير مرفق معها حامل لتثبيتها على الحائط.
• مفيش مركز خدمة عملاء.

خدمة العملاء

• غير متوفر مركز لخدمة عملاء GTV وبالتالي حتى لو في ضمان بترجع للمكان اللي اشتريته منه وده مش بيوفر أمان في حالة مواجهة أي مشاكل معاه، وبتتعامل مع أي مكان بيصلح تليفزيونات.

تجربة المستخدم

• بسؤال الناس اللي جربته قالت انه عندها بقاله سنة وانه كويس وما حصلش فيه مشاكل لكن كتير أكدوا إن جودة الصورة اتش دي بس مش فل اتش دي وقالوا ان الصوت عالي لكن فيه تشويش ومش واضح.

شوف تليفزيون GTV 7777.E- 32 بوصة- FHD- ليد- أسود من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

أمنية عزمي، بكتب من سنة ونص. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها علشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة كويس جدا.